Höfnum Icesave-III umsvifalaust! Enga 26 milljarða gjöf til árásarríkisstjórna! Þingmenn og þjóðin öll lesi tímamótagrein Sigmundar Davíðs í dag!

Hann er enn við sama heygarðshornið, þingmeirihlutinn sem nýtur 25% fylgis meðal þjóðarinnar! Enn vill hann brjóta lög og stjórnarskrá, þjóðinni til skaðræðis!

Icesave – Áhættan er enn til staðar, svo nefnist grein Sigmundar Davíðs, sem með réttu fær heiðursstað og mikið rúm í leiðaraopnu Morgunblaðsins í dag. Undirritaður hefur kallað hana albeztu Icesave-greinina frá upphafi ... Smellið á þetta til að lesa hana.

• "Það virðist orðið óumdeilt að íslenska ríkinu beri ekki lagaleg skylda til að greiða kröfur breska og hollenska fjármálaráðuneytisins. Hins vegar kunna einhverjir að telja að það sé engu að síður rétt að verða við kröfunum af öðrum ástæðum. Af þeim sökum er nauðsynlegt að fara yfir staðreyndir málsins svo leggja megi á þær rökrétt mat: ..."

Svo ritar Sigmundur Davíð í inngangi greinar sinnar. Þið verðið að lesa hana, undirritaður veit fátt mikilvægara þjóðinni á þessari stundu, en þó umfram allt þingmönnum hennar!

Jón Valur Jensson.

Ríkið greiði 26 milljarða vegna Icesave í ár

Sossarnir láta sér niðurlægingu Íslands vel líka

 

Ummæli Marðar Árnasonar eru dæmigerð fyrir þá fyrirlitningu sem þingmenn Samfylkingar hafa fyrir sjálfstæði Íslands. Höfð eru eftir honum þessi ótrúlegu ummæli:

 

• »Við ættum að setjast niður og skoða og vinna í okkar eigin málum frekar en að þenja okkur með belging sem ekki gerir neinum gagn.«

 

Nú er það öllum ljóst, að beiting hryðjuverkalaganna gegn hagsmunum Íslands var grófleg atlaga að sjálfstæði landsins. Bæði ESB sjálft og Eftirlitsstofnum EFTA hafa úrskurðað að útibú Landsbankans hafi lotið Íslendskri lögsögu. Á grundvelli þeirrar lögsögu eru Icesave-kröfur nýlenduveldanna reistar. Það var því fullkomlega ólöglegt af Bretska ríkinu að gera aðför að útibúunum sem og öðrum eignum Íslendinga.

 

Það að skerða lögsögu ríkis á þann hátt sem Bretland gerði, jafngildir innrás á óumdeilt yfirráðasvæði Íslendska ríkisins. Hvað hefðu Sossarnir sagt ef Bretar hefðu gert innrás á Keflavíkurflugvöll og hirt þau verðmæti sem þar er að finna ? Raunar gerðu Bretar innrás í Ísland 1940 og hersátu landið í um eitt ár. Hvers vegna hefur ekki verið krafist bóta fyrir hernámið ?

 

Ekki kemur mikið á óvart að »Laga- og mannréttindanefnd Evrópuráðsþingsins« hafi lagst á málið og að það hafi kafnað undan þrýstingi nýlenduveldanna. Nefndin er búin að velta vöngum yfir málinu í 24 mánuði og komust loks að þeirri niðurstöðu að ekki væri ástæða til að liggja lengur og tilgreindar ástæður væru eftirfarandi:

 

1.      Vegna þess að efasemdir voru um að æskilegt væri að Evrópuráðsþingið tæki afstöðu sem kynni að verða nýtt í dómsmálum í tengslum við fall Landsbankans.

 

2.      Þá hefði nefndin einnig komist að þeirri niðurstöðu, að gildissvið bresku hryðjuverkalaganna sé væntanlega nógu vítt til að frysting eigna Landsbankans félli innan þess.

 

Þá liggur réttlætisvitund Evrópuríkisins ljós fyrir. Ekki má fjalla um mál sem kynnu að koma fyrir dómstóla, sem kynnu að fella dóm yfir Bretlandi.

 

Innrás á lögsögu smáríkja er ekki metin nægileg ástæða til að sólunda í það pappír. Ef eitthvert ríkja Evrópusambandsins hefur nægilega víða löggjöf er allt í lagi að beita smáríki svívirðilegum bolabrögðum.

 

Ef í landinu væru alvöru stjórnvöld, væri þessi niðurstaða kynnt fyrir öllum heiminum, sem sá smánarblettur á ESB sem hún sannarlega er.

 

Loftur Altice Þorsteinsson.

Rannsókn Evrópuþings á beitingu hryðjuverkalaga hætt

Ætlar Alræðisstjórnin að löggilda kosningar til stjórnlagaþings sem Hæstiréttur hefur dæmt ógildar?

 

Icesave-stjórnin er ennþá að hugleiða löggildinu á kosningum sem Hæstiréttur hefur dæmt ógildar. Hvað kemur þá nærst hjá þessari ógæfusömu ríkisstjórn ? Verður dómur Hæstaréttar um gengistryggðu lánin nærst ógiltur af Alþingi ? Verður sjálfur kosningarétturinn afnuminn nærst ?

 

Barnaleg ummæli lögfræðinga um málið vekja furðu. Stjórnlagaþings-málið er ekki bara lögfræðilegt og pólitískt, heldur er það fyrst og fremst stjórnarfarslegt. Tala menn í alvöru um, að framkvæmdavaldið vaði yfir dómsvaldið og setji lög sem brjóta á bak aftur dóma Hæstaréttar ?

 

Almenningur verður að gera uppreisn, ef Icesave-stjórnin ætlar að setja allt stjórnkerfið úr skorðum. Icesave-stjórnin er að verða alræðisstjórn, sem einskis svífst í valdagræðgi sinni. Hvað sagði ekki Hr. Jóhanna um þjóðaratkvæðið um Icesave 06. marz 2010:

 

»Maður veltir fyrir sér: Er þetta ekki hálfgerður hráskinnaleikur? Er þessi þjóðaratkvæðagreiðsla ekki »marklaus« þegar fyrir liggur annað tilboð á borðinu sem við gætum fengið? Maður veltir líka fyrir sér að ef svo færi að samningar tækjust í þessari viku, og eru bæði stjórn og stjórnarandstaða að vinna í því, er þá ástæða til að halda þessari þjóðaratkvæðagreiðslu til streitu ef það liggur allt annar og betri samningur á borðinu?«

Nú hefur Hr. Jóhanna sýnt þennan samning, sem að hennar sögn er allt annar og betri, en Icesave-samningar-I og II. Enginn með fullu viti getur hins vegar skilið þá þrælslund sem býr í brjósti þeirra Íslendinga, sem ætla að samþykkja Icesave-kúgunina. Eftirfarandi setning í frumvarpi Alræðisstjórnarinnar er sérstaklega vítaverð:

 

»Dómslögsaga er ekki lengur í ríki eins samningsaðila heldur verður unnt að vísa úrlausn ágreinings til gerðardóms er starfar samkvæmt reglum Alþjóðagerðardómsins í Haag.«

 

Þetta er hrein lygi því að skýrt er tekið fram að lögsaga Bretlands mun gilda um deilumál sem tengjast Icesave-samningum-III. Engu máli skiptir í hvoru nýlenduveldinu úrskurðar-dómstóll situr. Það er lögsagan sem skiptir máli og með þessu ákvæði er sjálfstæði Íslands vanvirt.

 

Menn ættu að gefa gaum að því að eitt af ágreinings-efnunum mun verða úthlutun úr þrotabúi Landsbankans. Kjánarnir í Icesave-stjórninni eru að gera sér vonir um að slitastjórnirnar veiti TIF forgang til krafna. Þetta verður ekki svo, því að Íslendskri lögsögu verður hafnað, í samræmi við samningana. Heimskingarnir segja:

 

»Meiri hlutinn vill árétta þann skilning sinn að réttarstaða Tryggingarsjóðs innstæðueigenda og fjárfesta við úthlutun úr búi Landsbankans byggist á íslenskum rétti og að samningarnir miða við að úthlutað sé úr búinu í samræmi við íslensk lög og þar með allar íslenskar réttarheimildir.«

 

Auðvitað eru svona hugleiðingar fullkomlega merkingarlausar. Réttarstaðan byggist á þeirri lögsögu sem um er samið, ekki á skilningi einhverra Alþingismanna. Hefur þetta fólk enga hugmynd um hvað lögsaga merkir ? Ber þetta fólk enga virðinu fyrir sjálfstæði Íslands ?

 

Hefur Hr. Jóhanna ákveðið að hennar verði minnst sem Nero okkar tíma ? Ætlar hún að lesa upp úr bókum eiginkonunnar, á meðan sjálfstætt Ísland hverfur í skaut gleymskunnar ?

 

Meira lesefni:

 

http://altice.blogcentral.is/blog/2011/1/26/nylenduveldin-nidurlaegd-med-marklausu-thjodaratkvaedi/

 

http://thjodarheidur.blog.is/blog/thjodarheidur/entry/1137552/

 

http://altice.blogcentral.is/blog/2011/1/25/hugmyndir-samfylkingar-um-edli-og-afsal-fullveldis/

 

 

Loftur Altice Þorsteinsson.

Óheppilegt að skipa fulltrúa

Springur ríkisstjórnin á deilum um sjávarútveg ?

 

Merkilegt er að sjá harðnandi deilur innan Icesave-stjórnarinnar, en því miður standa þær ekki um Icesave-kúgunina. Vangaveltur Björns Vals Gíslasonar eru harðort svar við yfirgangi Samfylkingar í öllum málum. Hugsanlega er VG að komast að sömu niðurstöðu og Sjálfstæðisflokkur að Samfylking er ekki á vetur setjandi.

 

Björn Valur skákar sjávarútvegsstefnu Samfylkingar út af borðinu þegar hann birtir fyrirhugaðan atkvæðaseðil í þjóðaratkvæði. Þetta er það sem Björn Valur telur að sé Spurningin sem lögð verður fyrir kjósendur:

„Samkvæmt niðurstöðum nefndar um endurskoðun laga um stjórn fiskveiða (Sáttanefndar) gæti fyrning aflaheimilda á 20 árum, líkt og Samfylkingin leggur til að gert verði, leitt til fjöldagjaldþrots í sjávarútvegi um land allt. Ertu fylgjandi eða andvíg/ur þeirri leið?“

Eins og allir vita eru þjóðaratkvæði í miklu uppáhaldi hjá Sossunum. Þar má sérstaklega nefna þjóðaratkvæði um Icesave-kúgunina og ESB-innlimunina. ÆÆÆ – ég ruglaðist aðeins, því að það eru þessi málefni sem Samfylkingin ætlar þvert á móti að undanskilja þjóðaratkvæði. Stjórnlagaþingið sem Sossarnir klúðruðu átti að sjá um nauðsynlegar breytingar á Stjórnarskránni.

 

Staðreyndin er sú að enginn getur starfað til lengdar með Samfylkingunni. Mesta furða er hvað VG-liðar hafa látið vaða lengi yfir sig á skítugum skónum. Verst er þó að Icesave-stjórnin hefur unnið óbætanleg skemmdarverk á öllum hugsanlegum sviðum. Hægt er að fullyrða að hún hefur ekki unnið eitt einasta verk svo að sómi sé að.

 

Loftur Altice Þorsteinsson.

Leiðir til gjaldþrota í sjávarútvegi

Skinhelg Samfylking fórnar höndum yfir „sóun" vegna ógildingar stjórnlagaþings-kosninganna!

Alvar Óskarsson, sem oft á góð innlegg á Útvarpi Sögu, átti þar glögga aths. til að svara kvörtunum Samfylkingarmanna yfir „geysilegu tapi" (um 200 millj.) sem þeir kenna Hæstarétti um vegna ónýttra kosninga til stjórnlagaþings. Alvar benti á, hve undarlegt þetta væri í ljósi þess, hvílíkum fúlgum „vinstri" stjórnin var reiðubúin að eyða í „Evrópusambands-vitleysuna", sem hann kallaði svo, „og í Icesave-málið, að ekki sé talað um milljarðaausturinn í öll fjármálafyrirtækin!" sagði hann.

Glögglega athugað! En nú vildi búkonan Jóhanna gjarnan fá að spara, með því að fá Hæstirétt til að þegja yfir ólögmæti kosninganna, en hvar var hennar fúsleiki til að spara fyrir þjóðina, þegar hún stóð frammi fyrir ólögvarinni ofurkröfu tveggja yfirgangssamra fyrrverandi nýlenduvelda? – Eigum við ekki að segja bara eins og er: Hún varð að gjalti.

Upphaflega töluðu Steingrímur og Jóhanna um mörg milljarðahundruð, vildu ólm láta okkur greiða það! (Enn gæti það orðið yfir 2–400 milljarða – þúsund til 2000 sinnum meira en fjárútlát vegna aukakosningar til stjórnlagaþings – þótt það kynni líka að verða langt innan við 100 milljarða, en þetta er eins og rússnesk rúlletta, og allt er þar undir sannsögli og áreiðanleika skilanefndar Landbankans komið, sem og gengisþróun, fyrir utan að krafan á sér enga stoð, Ragnars Hall-ákvæðið fótum troðið af okkar eigin samningamönnum og EES-jafnræðisreglur sömuleiðis, vegna margfaldlega ólöglegra vaxtanna; sjá greinar hér á vef Þjóðarheiðurs).

Hvar var vilji vinstri flokkanna til að standa með þjóðinni, þegar hún átti að fá að neyta réttar síns til að hafna Icesave-þrældómsokinu?

Já, hvar varstu þá, Jóhanna, tókstu afstöðu með þjóðaratkvæðinu eða ekki?! Hver er það sem stendur vörð um buddur og launaumslög landsmanna?

Ekki þú, Jóhanna Sigurðardóttir, né þín óþjóðholla flokkshjörð!

 

Jón Valur Jensson.

Þrýstum á forseta Íslands að hafna þriðja svikasamningnum; samþykkjum enga yfirvofandi svikasátt Sjálfstæðisflokks og Samfylkingar um málið á bak við tjöldin

Er forseti Íslands auðblekktur? Þess spyrja menn. Fráleitt er af honum að tala um "betri Icesave-samning," þegar um ólögvarða kröfu er að ræða og mörg lög brotin þar á okkur, m.a. EES-jafnræðisreglur. Já, jafnvel 3,3% vextirnir til Breta eru kolólöglegir, m.a.s. 1,5% vextir væru það líka!!!

Forsetinn hefur enga heimild til að ganga gegn stjórnarskránni með þessum Steingrímssamningi sem gengst inn á ólögvarðar kröfur, honum ber þvert á móti að nota málsskotsrétt sinn og þjóðarinnar raunar, skv. 26. gr. stjórnarskrárinnar.

Bretar hafa í raun ekkert slegið af kröfum sínum, segir undirritaður á bloggi sínu um þetta mál og fylgir þvi eftir í rökstuddu máli, og vísast HÉR til þess: Forsetinn á ekki að falla í þá gildru að tala um "betri" Icesave-samning – samningurinn er illur, ekkert minna!

Gengisáhættan, vaxtavitleysan, vitlaust farið með upphæð skv. forsendum skilanefndar (47 í stað 57 milljarða, fyrir utan gengissig síðan), að ríkisábyrgð er í raun ólögleg að evrópskum sem íslenzkum lögum (ríkisábyrgðarlögum okkar og stjórnarskránni, sjá fyrrnefnda grein) o.fl er allt til marks um að belgingur er það einber hjá stjórnvöldum okkar að þetta sé góður samningur!!!

• Í heild GÆTI Icesave-reikningurinn farið yfir 200 milljarða og jafnvel yfir 400, skv. útreikningum út frá áhættu gengis og óvissu með eignasafnið!!!
• Annað til marks um, að Bretar og Hollendingar eru EKKI að draga í land með kröfur sínar, er sú staðreynd, að þeir hafa EKKI viðurkennt Ragnars Hall-ákvæðið um forgangskröfu TIF að þrotabúinu. Samt á það að vera grundvallarkrafa í málinu, enda á íslenzk lögsaga að gilda hér, eins og varaformaður Þjóðarheiðurs hefur rökstutt vel.

Þannig ritaði undirritaður á vef sinn og einnig er þörf á að minna á þetta:

• Þetta og fleiri atriði eru einmitt ástæða þess, að InDefence samþykkir EKKI fyrirliggjandi Icesave-III-samning, en fjölmiðlar hafa margir (einkum Rúv) reynt að spinna upp lygafréttir eða með villandi lygafyrirsögnum til að láta líta svo út sem InDefence sætti sig við þennan samning. Svo er EKKI – og enn síður mun Þjóðarheiður nokkurn tímann gera það.

Ennfremur hefur heyrzt úr ýmsum áttum á síðustu vikum, að Sjálfstæðisflokks sé nú freistað til að taka þátt í svikráðunum, með því að honum hefur verið boðið, að Samfylkingin dragi til baka áform um að leggja hald á kvóta LÍÚ-manna. Ekkert er að marka þær hótanir Jóhönnu, hún hafði þegar heykzt á öllu slíku, en nú er látið í þetta skína á ný til að plata sjálfstæðismenn til að gerast meðsekir.

Samþykkjum það ekki! góðir landsmenn, látum Fjórflokkinn ekki um að skammta okkur lög og rétt gegn lögum og réttlæti! 

Allt um þetta mál hér á vefsíðunni Þjóðarheiðurs. 

Og hér er sú nýlega YFIRLÝSING Þjóðarheiðurs, sem fjölmiðlar hafa lagt kapp á að steinhalda kjafti um, þó að Þjóðarheiður sé 80 manna samtök sem hafa unnið einarðlega að þessu máli síðustu 11 mánuðina:

"YFIRLÝSING: Þjóðarheiður – samtök gegn Icesave hvetur til samstöðu Íslendinga gegn Icesave-kröfunum.

Fulltrúar erlends valds og framandi hugmyndafræði hafa hreiðrað um sig í óðali Jóns Sigurðssonar. Þrátt fyrir að Íslendingar hafi með eftirminnilegum hætti hafnað forsendulausum kröfum hinna gamalgrónu nýlenduvelda Bretlands og Hollands, er ríkisstjórn landsins ennþá að störfum fyrir hið erlenda vald. Velferðarstjórnin er enn á ný búin að gera samning um Icesave-kröfurnar, sem almenningur hafnaði í þjóðaratkvæðinu 6. marz 2010. Velferðarstjórnin, sem við ófá tækifæri hyllir framandi hugmyndafræði, hefur í þriðja skipti á sex mánuðum gert samning um að almenningur á Íslandi taki á sig forsendulausar drápsklyfjar.

Atlaga ríkisstjórnarinnar að hagsmunum Íslendinga er svo umfangsmikil og harkaleg að lengi mun höfð í minnum. Þjóðarheiður krefst þess að framganga núverandi ríkisstjórnar í Icesave-málinu sæti opinberri rannsókn og ráðherrarnir hljóti dóma fyrir Landsdómi eða almennum dómstólum. Fyrir alla framtíð verður að hindra að valdstjórnin láti sér detta í hug að ganga erinda erlendra hagsmunaaðila. Ströngustu refsingar að lögum verður að krefjast yfir þeim mönnum sem haft hafa forgöngu um Icesave-kúgunina.

Þjóðarheiður – samtök gegn Icesave hefur frá upphafi Icesave-deilunnar barist gegn tilraunum valdstjórnarinnar að koma ólöglegum skuldahlekkjum á almenning í þessu landi. Allir réttsýnir menn skilja að Icesave-kröfurnar eru án lagalegra forsendna. Icesave-kröfurnar eru efnahagslegur hernaður af verstu tegund. Hin gamalgrónu nýlenduveldi eru að sýna smáþjóð mátt sinn. Þjóðarheiður – samtök gegn Icesave skorar á alla Íslendinga að samfylkja liði gegn nýlenduveldunum gömlu og innlendum þjónum þeirra.

Forseti Íslands, herra Ólafur Ragnar Grímsson, hefur sannað að fullveldi þjóðarinnar er í höndum hennar sjálfrar og hann kom í veg fyrir að Ísland yrði gert að skattlandi tveggja gamalgróinna nýlenduvelda. Með þjóðaratkvæðinu 6. marz 2010 var stjórnarskrá lýðveldisins heiðruð. Staðfest hefur verið að stjórnarfar á Íslandi er lýðveldi og ólýðræðislegu þingræði hefur endanlega verið hafnað. Lýðræði byggir á þeirri forsendu að ótakmarkað og endanlegt vald í samfélaginu er í höndum lýðsins – alþýðunnar í landinu. Lýðræðið mun ekki verða látið af hendi.

Þjóðarheiður – samtök gegn Icesave."

Jón Valur Jensson. 

Mun betri Icesave-samningur

Samfylking: Veruleikafirring í hæsta gæðaflokki

Hr. Jóhanna ætlar að fjalla um »árangur« ríkisstjórnarinnar, eins og segir í fundarboði Sossanna. Svona veruleikafirring hefur ekki sést áður á Íslandi. Getur verið að aumasti forsætisráðherra allra tíma ætli að hreykja sér af árangri? Hér er dagskrá fundarins á morgun:

 

Dagskrá flokksstjórnarfundar

·        Hr. Jóhanna Sigurðardóttir, formaður Samf. og f.herra.

·        Elfur Logadóttir, formaður kvennahreyfingar Samf.

·        Árni Gunnarsson, formaður 60+

·        Guðrún Erlingsdóttir, formaður verkalýðsmálaráðs Samf.

·        Guðrún Jóna Jónsdóttir, formaður Ungra jafnaðarmanna

·        Ragnheiður Hergeirsdóttir, formaður sveitarstjórnarráðs

 

Hvað ætli Hr. Jóhanna og vinkonur hennar hafi að segja um Icesave-kúgunina ?Verður sagt frá hetjulegri baráttu Sossanna fyrir hagsmunum Íslendinga? Verður sagt frá því hvernig Sossarnir hvöttu landsmenn til að bægja burt efnahags-árásum nýlenduveldanna með því að greiða atkvæði í þjóðaratkvæðinu gegn Icesave-ábyrgðunum ?

 

Einnig geta Sossa-kvensurnar sagt frá baráttu Samfylkingar gegn innlimun landsins í Evrópuríkið. Er það ekki annars Samfylkingin sem stendur fastast gegn afsali fullveldis Íslendsks almennings í hendur erlends valds?

 

Hr. Jóhanna mun varla nefna erlenda hugmyndafræði á nafn. Á fundinum mun varla sjást krepptur hnefi í nafni hins alþjóðlega kommúnisma. Blóðfáninn verður ekki sýndur og Nallinn ekki kyrjaður. Rætt verður um »árangur« ríkisstjórnarinnar og vafalaust mun gleymast að »árangurinn« er allur með neikvæðum formerkjum.

 

Frá Samfylkingunni kemur ekkert annað en veruleikafirring í hæsta gæðaflokki.

 

Loftur Altice Þorsteinsson.

Stjórn Jóhönnu að verða tveggja ára

Parísar-klúbburinn stjórnar aðförinni að Íslandi !

Það er rétt hjá Gylfason að teknar voru nokkrar mikilvægar ákvarðanir í bankahruninu, en aðkoma AGS var ekki ein þeirra. Raunar var aðkoma AGS ekki í framhaldi frjálsrar ákvörðunar heldur nauðar. AGS var ekki að gæta hagsmuna Íslendinga, heldur erlendra fjárfesta eins og þeirra sem koma saman í Parísar-klúbbnum. Upplýst hefur verið að Parísar-klubburinn er okkar heldsti andstæðingur.

 

Setning Neyðarlaganna var mikilvægasta ákvörðunin sem tekin var, enda hafði sá gerningur verið lengi í undirbúningi. Ragnar Önundarson átti stóran þátt í þeirri ákvörðun, enda er Ragnar líklega okkar bezti bankamaður frá upphafi. Sjá greinar hans í Morgunblaðinu:

 

 

22.01.2011: Hefur Ísland sýnt lánardrottnum sínum hörku?

 

15.04.2008: Ósjálfbjarga bankar

 

16.01.2005: Fyrst draumur, svo martröð

 

 

Neyðarlögin höfðu tvær mikilvægar afleiðingar. Í fyrsta lagi tryggðu þau nær ótruflaða bankastarfsemi og í öðru lagi tryggðu þau forgang krafna innistæðu-eigenda hjá Landsbankanum. Þessi atriði hefði Gylfason átt að nefna, því að þau eru lykilatriði.

 

Setning Neyðarlaganna var möguleg vegna þess að Ísland er sjálfstætt ríki, en ekki innlimað í Evrópuríkið. Hefðum við verið hluti af ESB hefði setning Neyðarlaganna ekki verið möguleg. Þjóðin hefði setið uppi með skuldaklafa, sem hefði verið margföld Icesave-kúgunin, sem við erum búin að hafna.

 

Eins og ég hef bent á, eru Neyðarlögin þó að hluta til gölluð, því að nauðsynlegt er að veita lágmarks tryggingu ESB forgang, svo að TIF fái örugglega sinn kostnað úr þrotabúi Landsbankans. Einnig þarf að lagfæra lögin um TIF, sem innihalda óljóst orðalag. Hér má finna umfjöllun um þetta atriði:

 

 

23.12.2010: Breytt kröfuröð í þrotabú Landsbankans leysir Icesave-deiluna

 

 

Þrátt fyrir orð Gylfason um ágæti AGS, ættum við að horfa til raunveruleikans. Aðkoma sjóðsins var nauð og var liður í kúgum Parísar-klúbbsins sem stjórnað hefur aðförinni að okkur. Það er að kröfu Parísar-klúbbsins, sem okkur voru boðnir yfir 10% raunvextir af forsendulausum kröfum nýlenduveldanna. Það var að kröfu Parísar-klúbbsins sem jafnvel »vinir« okkar á Norðurlöndunum tóku sér stöðu við hlið andstæðinga okkar - nýlenduveldanna. Afstaða sem almenningur hefur ekki skilið.

 

Gylfason hefði einnig mátt nefna, að Icesave-stjórnin er önnum kafin að skuldsetja þjóðina, þannig að við verðum á endanum ekki betur sett en þeir skuldsettustu í Evrópuríkinu. Jákvæð áhrif Neyðarlaganna eru því óðum að hverfa fyrir verknað Íslendskra ógæfumanna í ríkisstjórn og á Alþingi.

 

 

Loftur A. Þorsteinsson.

Réttar ákvarðanir í hruninu

Leiksýning í boði Vinstri-grænna.

 

Þeir sem þekkja til kommúnista á Íslandi vita, að engir eru þeim fremri í blekkingum og svikum. Vinstri-grænir hafa ekki staðið langt að baki Sossanna þegar kemur að leiksýningum á sviði stjórnmálanna.

 

Allir muna eftir svardögum VG í síðustu kosningabaráttu: -ekkert ESB ! –ekkert Icesave ! Ekki var VG fyrr komið í valdastólana en þeir snéru gjörsamlega við blaðinu og lágu hundflatir fyrir nýlenduveldunum. Ekki þó án þess að sýna venjubundin leikræn tilþrif.

 

Ákveðinn hópur innan VG tók að sér að leika andspyrnumenn. Stærð hópsins var ákveðin þannig, að þrátt fyrir andstöðu kæmi Icesave-stjórnin öllum sínum málum fram á Alþingi. Hvort sem það var ESB-innlimun landsins eða Icesave-kúgunin, allt var samþykkt undir sýndar-mótmælum órólegu deildarinnar í VG.

 

Ögmundur Jónasson fekk það verkefni að tilheyra órólegu deildinni, sem tókst svo vel upp við blekkingarnar, að fjölmargir »nytsamir sakleysingar« létu blekkjast. Nú er staðan að breytast og nauðsynlegt reynist að »fórna« Ögmundi. Hann er látinn skipta um lið og nú skal hann fylgja greiðslu-sinnum að málum.

 

Því er logið að sinnaskipti Ögmundur stafi af því að í stað 1000 milljarða Icesave-klafa, sé hann bara 500 milljarðar ! Auðvitað sjá allir í gegnum svikavefinn. Hamskipti Ögmundar stafa af verri vígstöðu Icesave-stjórnarinnar. Nú neyðast þeir til að gefa eftir það fylgi, sem Ögmundur blekkti til að halda áfram stuðningi við kommaflokkinn. Haft er eftir Ögmundi:

 

»Jafnvel þótt ég sé mjög ósáttur við þetta mál allt í grunninn, þá held ég að ef það verður yfir okkur næstu misserin og árin muni það rífa okkur á hol. Ég held að það sé komið að því að við reynum að ljúka þessu en ég geri það ekki hvað sem það kostar. Ég ætla að sjá hvaða niðurstaða kemur út úr fjárlaganefnd og mun fara rækilega í málið í þingumræðunni.«

 

Getur Ögmundur ekki verið meira sannfærandi en þetta ? Heldur hann að »nytsömu sakleysingarnir« hafi ekki stærra heilabú en fiskiflugur ? Öllum er ljóst að ekkert getur rifið Íslendska þjóð á hol nema sviksemi Icesave-stjórnarinnar. Það er borgarastríð sem getur sundrað þessari þjóð, en ekki ósætti við aumkunarverð nýlenduveldi.

 

Stuðningur við Icesave-stjórnina er að trosna upp, því að stöðugt fleiri verður ljós sviksemi hennar við hagsmuni Íslendinga. Ljóst er orðið að nýgjasti Icesave-klafinn mun verða stöðvaður í Alþingi eða í þjóðaratkvæði. Líklega mun meirihluti þingmanna skilja að þeir eiga ekki annarra kosta völ en að fella Icesave-samninga-III, eða vísa málinu beint í þjóðaratkvæði.

 

Því hafa Vinstri-grænir ákveðið, að órólega deild VG verði leyst upp. Það er þess vegna sem Ögmundur tekur nú á honum stóra sínum við blekkingar-leikinn. Ekki er lengur það borð fyrir báru að Ögmundur geti þóttst vera að gæta hagsmuna þjóðarinnar. Vinstri-grænir standa uppi kviknaktir í öllum sínum ömurleika.

 

Loftur Altice Þorsteinsson.

 

Styður Icesave að óbreyttu

Áberandi meirihluti sér, að "of mikil áhætta" er að samþykkja Icesave-III

Á vefsíðu Útvarps Sögu var spurt í kringum síðustu helgi: Er of mikil áhætta að samþykkja fyrirliggjandi Icesave-samkomulag? Niðurstöðurnar segja sína sögu og naumast til að setja Steingrím J. Sigfússon og Jóhönnu í hátíðarstemmingu. Hlutlausir voru 3,92%, nei sögðu 16,97%, en JÁ sögðu 79,11%. Svarendur voru 385.

Þarna sést, að einungis sjötti hver svarandi telur samþykkt Icesave-III ekki "of mikla áhættu", en fjórir af hverjum fimm telja svo vera.

Á sömu útvarpsstöð var ítrekað talað gegn þessum Icesave-samningum í gærmorgun, í innhringingum hlustenda, þ. á m. var einn sem gerði það mjög kröftuglega: "Þjóðin hefur hafnað því að greiða þetta." Og hann talaði um fjármálaráðherrann og að nú væri hann aftur að stefna á að láta okkur borga: "Hver hefur gefið honum leyfi til þess? Ekki þjóðin!" Og hann auglýsti eftir "þessari þjóð, sem býr í þessu landi – ætlar hún að halda kjafti" gagnvart þessari stefnu ráðandi manna. Og hann spurði, hvað ráðherrann ætli að taka þessa 26 milljarða sem hann ætli að borga á þessu ári einu saman, "eitthvað sem við eigum ekkert að borga," og svaraði sér sjálfur í þessu samtali við Pétur Gunnlaugsson þáttarstjórnanda: "Þú veizt alveg hvar þeir ætla að taka það – í Seðlabankanum!" – sem sé af AGS-tengdu lánunum!

Voru refirnir til þess skornir, Steingrímur? Segðu okkur þá raunverulegu vaxtaupphæðina af þessari ólögvörðu kröfu og stjórnarskrárandstæðu ríkisábyrgð!

Jón Valur Jensson.