Opið bréf til Steingríms J. Sigfússonar

Einn félaganna í samtökunum, Hrólfur Hraundal á Grundarfirði, átti frábæran pistil í Velvakanda Morgunblaðsins sl. fimmtudag, í léttum, meinfyndnum anda, en málefnalega ágengum.

Opið bréf til Steingríms J. Sigfússonar

ERINDI mitt við þig er einkum varðandi ESB-umsókn sem og leiðindi þau er skapast hafa vegna þessa mjög svo sérstaka Icesave-máls – og þar með hryðjuverk Breta gegn okkur Íslendingum – og er hér í sjö spurningum með formálum.

Fyrir þjóð með ungt frelsi og stjórnsýslu þurfti næði til að hlusta, hugsa og lesa sér til um reglur og skyldur varðandi kröfur Breta.

1. Hvar og hvenær lagðir þú þig fram í því efni?

Seint á árinu 2008 vildir þú ekki ganga í ESB og á sama tíma vildir þú ekki borga Icesave-kröfur Breta.

2. Hvað var það sem breytti þessum vilja þínum eða skoðunum?

Davíð Oddsson sagði á vissum tíma að við ættum ekki að borga skuldir óreiðumanna og það eru margir lærðari menn en við Steingrímur sem halda þessu fram. Sé það rétt sem lærðir menn og ærlegir segja.

3. Til hvers gerðir þú þetta Icesave-mál að því sem það varð?

Sumir segja að betra sé að borga bara strax og þá sé málið úr sögunni. En komir þú hundi upp á að sníkja við borðið er ekki svo auðvelt að losna við hann. Mafíuforingjar hafa sömu áráttu í þessu efni og hundar, það sama á við um peningaflón.

4. Hvers vegna varst þú að veifa þessu milljarðabeini við trýnið á Brown og Darling þegar þess þurfti ekkert?

Á stundum hefur Íslendingum og Bandaríkjamönnum gengið illa að skilja hinn ofur kurteisa A. Darling.

5. Hvort skilur þú betur A. Darling eða Evu Joly?

Eftir 6. mars hefur viðmót Breta breyst varðandi Icesave.

6. Hvort er það þér að þakka eða kenna eða er það öðrum að þakka eða kenna og þá hverjum?

60% þjóðarinnar höfnuðu alfarið heilsárs vinnu frá þinni hendi við svokallað Icesave-mál. Þú studdir orð Jóhönnu Sigurðardóttur sem sagði þá niðurstöðu markleysu.

7. Ert þú þeirrar skoðunar að stjórn Jóhönnu Sigurðardóttur hafi enn umboð í því máli? Ef svo er, frá hverjum er það umboð? Með fyrir fram þakklæti fyrir ærleg svör á íslensku.

Hrólfur Hraundal.

 Fimmtudaginn 15. apríl 2010, Velvakandi. – Endurbirt með góðfúslegu leyfi höfundar.

Þess má geta að lokum, að engin svör hafa borizt frá Steingrími J. Sigfússyni.

VILJAYFIRLÝSING Í SKJÓLI GJÓSANDI ELDFJALLS

VILJAYFIRLÝSING AGS OG RÍKISSTJÓRNARINNAR Í SKJÓLI GJÓSANDI ELDFJALLS OG NÝRRAR RANNSÓKNARSKÝRSLU:

HANDRUKKARI?: DOMINIQUE STRAUSS-KAHN, AGS(IMF):

Án dóms og gegn lögum hefur Icesave-stjórnin gert viljayfirlýsingu við Alþjóðagjaldeyrissjóðinn í skjóli gjósandi eldfjalls og nýútkominnar rannsóknarskýrslu.  Ríkisstjórnar-útvarpið, RUV, hefur ekkert fjallað um viljayfirlýsinguna og hinir ríkisstjórnarmiðlarnir nánast ekkert.  Aum og lítil frétt fannst í Morgunblaðinu, lítil og sein frétt í Fréttablaðinu, Stöð 2 og Vísi og ósýnilegar fréttir af yfirlýsingunni í hinum miðlunum.  Heil viljayfirlýsing um Icesave-nauðungina var lúmskulega skrifuð og undirskrifuð af lágkúrulegri landstjórn gegn alþýðu landsins.  Og án dóms, gegn lögum og þvert gegn vilja stærri hluta þjóðarinnar.  Og yfirlýsingin komst óséð í gegn meðan fjölmiðlamenn þögðu:

VILJAYFIRLÝSINGIN:

Letter of Intent
Reykjavik, April 7, 2010
Mr. Dominique Strauss-Kahn
Managing Director
International Monetary Fund
Washington D.C., 20431
U.S.A.
Dear Mr. Strauss-Kahn: 

ICESAVE-HLUTINN:

External Financing
20. Our ability to fully implement the program described above is dependent on access to the external financing committed under the program. We firmly expect to be able to meet the preconditions set by some of our bilateral partners to access this finance. In this context, we wish to reaffirm that Iceland will honor its obligations in regard to the insured retail depositors of the intervened banks. Iceland has already affirmed in its Letter of Intent dated 15 November 2008 that it is willing to ensure that the United Kingdom and the Netherlands will be reimbursed in respect of deposits of Landsbanki branches in those two countries (up to the Euro 20,887 minimum provided for under Icelandic Law and the EU Deposit Guarantee Directive 90/19/EC). Iceland has also given an assurance that the United Kingdom and the Netherlands will receive the reasonable time value of money, provided that comprehensive agreements are reached. Iceland remains ready to conclude at the earliest convenience the negotiations with the Governments of the United Kingdom and the Netherlands regarding a legal and financial settlement of this matter.

Very truly yours,
Jóhanna Sigurðardóttir          Steingrímur J. Sigfússon
Prime Minister                      Minister of Finance
Gylfi Magnússon                   Már Guðmundsson
Minister of Economic Affairs   Governor of the Central Bank of Iceland

VILJAYFIRLÝSING AGS OG RÍKISSTJÓRNARINNAR, 7. APRÍL, 10.

Og hvaða lög er verið að vísa í þarna???  Upphaflega VILJAYFIRLÝSINGIN FRÁ 15. NÓV. 2008 var gerð með vísan í EES(EEA)-lög (Brussel viðmiðin - Directive 94/19 EC), en ekki bara út í loftið:

 VILJAYFIRLÝSING AGS OG RÍKISSTJÓRNAR ÍSLANDS, 15. NÓV., 08.

Og lögin segja skýrum stöfum að ekki megi vera og ekki sé nein ríkisábyrgð á bankainnistæðum:

EEA/EU directive 94/19/EC: 

• "Whereas this Directive may not result in the Member States' or their competent authorities' being made liable in respect of depositors if they have ensured that one or more schemes guaranteeing deposits or credit institutions themselves and ensuring the compensation or protection of depositors under the conditions prescribed in this Directive have been introduced and officially recognized."

Og þannig er sú tilskipun á íslenzku:

• “Tilskipun þessi getur ekki gert aðildarríkin eða lögmæt yfirvöld þeirra ábyrg gagnvart innstæðueigendum ef þau hafa séð um stofnun eða opinbera viðurkenningu eins eða fleiri kerfa sem ábyrgjast innistæðurnar eða lánastofnanirnar sjálfar og tryggja skaðabætur eða vernd innistæðueigenda samkvæmt skilyrðum sem þessi tilskipun skilgreinir.”

Viljayfirlýsing núverandi stjórnvalda gagnvart Alþjóðagjaldeyrissjóðnum gengur augljóslega miklu lengra en yfirlýsing fyrri ríkisstjórnar frá 15. nóv. 2008, sem miðaði við EES(EEA)-lög. Og samkvæmt þeim er ekki bara engin ríkisábyrgð á bankainnistæðum, heldur er ríkisábyrgð bönnuð samvkæmt lögunum. Viljayfirlýsing fyrri ríkisstjórnar miðaðist því ekki að ríkisábyrgð á Icesave, þó Steingrímur Joð og co. kenni fyrri stjórn um Icesave, enda enginn Icesave-samningur gerður af fyrri ríkisstjórn, heldur af NÚVERANDI ICESAVE-STJÓRN.

Elle Ericsson.

Hér er bloggsíða hennar: eeelle.blog.is.

VIÐ HARÐNEITUM AÐ VERA HÖFÐ AÐ FÉÞÚFU.

Ekki ætlar núverandi ríkisstjórn að gefast upp í Icesave-kúgun sinni gegn íslenskum almenningi. Og skiptir engum togum að Icesave hefur aldrei verið okkar skuld, hvorki lagalega né öðruvísi. Og hvað er Gylfi Magnússon að fara í neðanverðri Moggafrétt? Hvaða viljayfirlýsingu nákvæmlega er hann að meina?? „Við" hverjir lýsum yfir vilja okkar að leysa þessi mál farsællega og í hvaða tvíhliða samningum við Breta og Hollendinga??? Ekki erum það við landsmenn í heild sem viljum neina tvíhliða samninga við Breta og Hollendinga. Ekki þjóðin sem kolfelldi Icesave-nauðungina í mars sl.

Um 59,4% þjóðarinnar vill ekki borga 1 eyri fyrir Icesave. Það kom fram í könnun MMR, 2 dögum eftir að íslenska þjóðin kolfelldi ólögin um Icesave. Ólögin sem Icesave-stjórnin píndi í gegnum löggjafarvaldið og forsetinn synjaði. Hvað varð af Brusselviðmiðunum? EEA/EU tilskipun 94/19 EC, lögunum sem banna ríkisábyrgð á innistæðum? Og hvað meinar Gylfi með að farið hafi fram viðræður við Breta og Hollendinga um að þeir endurheimti höfuðstól þess fjár sem þeir hafa lagt af mörkum ásamt eðlilegum fjármagnskostnaði ef ásættanlegir samningar nást????? Hvaða fjár?? Hvaða fjármagnskostnaður?? Hvaða höfuðstóll?? Ríkissjóðir Breta og Hollendinga hafa EKKERT lagt af mörkum vegna Icesave og Icesave kemur bresku og hollensku ríkisstjórnunum akkúrat ekkert við. Í guðanna bænum hættið blekkingum um Icesave.

Það voru bankarnir sem borguðu lögbundið skyldugjald eða skylduskatt í bresku og hollensku tryggingasjóðina, líka Landsbankinn, og það var þaðan sem bæturnar komu til Icesave-innistæðueigenda. Ekki frá ríkissjóðum landanna tveggja. Icesave-stjórnin hefur ekkert leyfi til að semja við bresku og hollensku ríkisstjórnirnar eða semja við nokkurn mann um neinn Icesave-nauðungarskatt gegn íslenskum almenningi og skattborgurum vegna ólögvarinnnar kröfu evrópskra ofríkisvelda. Velda, sem ætla að nota okkur sem skattþúfu. Hvorki hafa þeir leyfi til að gera einhliða, tvíhliða, þríhliða eða neina samninga fyrir okkar hönd um neitt Icesave. Og löngu orðið mál að Icesave-vitleysunni linni. Við harðneitum að vera höfð að féþúfu að ósekju og munum aldrei á meðan við drögum andann sætta okkur við slíka kúgun.

Elle Ericsson.

Gylfi: Engar nýjar skuldbindingar

SVIK Á SVIK OFAN: Icesave-milljarðahundraða-gerviskuldarjátning fyrir bónbjargarlán!

Í gær var logið að Mogganum, að Icesave yrði ekki tengt 2. endurskoðun AGS-efnahagsáætlunar. Lygin kom í ljós í Fréttablaðinu* og Rúv í dag. Í kvöldfréttum Sjónvarps segist Steingrímur ekki ætla að birta leynisamkomulag við AGS um tenginguna, þ.e. hvað standi í textanum.

Hve lengi á að ganga á þessum svikum og þessu leynimakki? Um leynilega yfirlýsingu tengda nýgerðu samkomulagi við AGS sagði Ólafur Ísleifsson hagfræðingur (sem um árabil starfaði hjá AGS) í hádegisfréttum Rúv í dag: "Það er nauðsynlegt að sjá þá yfirlýsingu og hvort það sé eitthvert nýtt efni í þeirri yfirlýsingu." Þar með gerir hann þá kröfu, að hið leynilega samkomulag við Alþjóðagjaldeyrissjóðinn verði opinberað.

Viðbrögð fjármálaráðherrans eru þau að segja efni yfirlýsingarinnar vera trúnaðarmál og verði ekki gert opinbert fyrr en eftir fund stjórnar AGS" (sjá HÉR!).** Það væri þá ekki í fyrsta sinn sem þessi Icesave-ríkisstjórn væri að fela samninga við erlenda mótaðila; við munum eftir jafnvel Icesave1-samningnum sjálfum (kenndum við Svavar) sem ráðherrarir létu sem ekki mætti birta vegna kröfu útlendinganna þar um, en þá afsönnuðu Hollendingarnir það í næsta leik með því að gera hann opinberan á netinu!

Hver getur í alvöru treyst þessari ríkistjórn? Og hvers vegna er yfirhöfuð verið að semja við Alþjóðagjaldeyrissjóðinn um Icesave, ef lánalínan skal opnuð án tenginga við Icesave og án þeirra skilmála að við þurfum að beygja okkur fyrir ólögvörðum ofurkröfum Breta og Hollendinga?

Og til hvers var verið að ljúga því að fréttamanni Morgunblaðsins í gær, að engin slík tenging væri í gangi? Út frá þeirri frétt skrifuðu margir græskulausir hér á Moggabloggi í gær, þ. á m. undirritaður (reyndar ekki alveg grunlaus um svik, en sá örpistill hét þó: Icesave-vitleysan og AGS-lán ekki kúpluð lengur saman í 2. endurskoðuninni ...).

Fréttablaðið virðist hafa fengið aðrar fréttir í hendur en Morgunblaðið, nýtur þar meiri sambanda við Icesave-stjórnina. Var tilgangurinn sá að láta Moggann ýta úr vör vitlausri frétt (bæði á netinu í gær og í prentuðu útgáfunni í dag) til þess að friða og blekkja stóran hluta landsmanna? – Ljótt, ef satt reynist!

Sjáið bara hvernig Mogganum var ætlað í dag að flytja gervifrétt af málinu:

• Bretar, Hollendingar og Norðurlönd leggja þó enn áherslu á Icesave-málið innan AGS en ráðherrarnir telja þau ekki munu beita sér í stjórninni. „Við komum því skýrt á framfæri að það væri algjörlega ólíðandi að tvinna þessa endurskoðun saman við Icesave, það sjónarmið nýtur mikils stuðnings,“ segir Gylfi [Magnússon]. (Fréttin Líklega í gegn 16. apríl, á forsíðu Mbl. í dag.)

Og samt er það einmitt það, sem stjórvöld hér skrifuðu upp á: að tengja þetta tvennt í þessari 2. endurskoðun efnahagsáætlunar AGS um Ísland!!!

Sjáið hér refinn úr Þistilfirði, hvernig hann talaði í sömu frétt (leturbr. jvj):

• Aðspurður vill Steingrímur þó ekki segja að efnahagsáætlunin sé, úr því sem komið er, óháð lausn Icesave-málsins. „Nei, það er nú því miður ekki hægt að segja það. Það er ekki svo að þetta hafi komið fyrirhafnarlaust,“ segir hann. Ekki megi taka neina sigra út fyrirfram. „Það er ekki hægt að draga þá víðtæku, altæku ályktun af þessu að tilvist Icesave-málsins sé hætt að trufla þetta mál til framtíðar, því miður.“ 

Þarna lætur hann eins og þetta sé EKKI nútíðar-vandamál, bara framtíðar, hugsanlega þá í þriðju endurskoðun AGS-tengdu lánanna. En það er rangt, og hann vissi það strax í gær og virðist hafa verið að blekkja lesendur Morgunblaðsins með þessu. Hvernig er annars hægt að skilja þær nánari fréttir, sem komu svo í Fréttablaðinu, Rúv og sjónvarpsfréttum kvöldins um leyniákvæði í samkomulagi ráðherrans við AGS þess efnis, að samið skuli um Icesave? 

Ráðherrann hefur þá svikið og blekkt þjóðina einu sinni enn. Slíkum manni er naumast stætt í embætti sem fulltrúa okkar gagnvart öðrum ríkjum, eftir að þjóðin hefur gefið þann vilja sinn skýrt til kynna, að hún viðurkenni alls ekki, að henni beri að borga neitt vegna Icesave-reikninga Landsbankans!

Það er því engin furða, að fjárlaganefndarmaðurinn Kristján Þór Júlíusson alþm. fari nú fram á, að fundur verði haldinn í nefndinni þegar þing kemur saman eftir helgi, um efnahagsáætlun Íslands með Alþjóðagjaldeyrissjóðnum, – "ekki síst í ljósi þess hvernig Steingrímur J. Sigfússon er að svara fyrir þetta samstarf við AGS núna," eins og hann segir í viðtali við blaðamann Morgunblaðsins (sjá tengil hér neðst).

-------------------------

* Í stórri forsíðufrétt: 'Endurskoðun AGS ákveðin', þar sem segir í 7. línu og áfram (leturbr. jvj):

• "Samkvæmt heimildum Fréttablaðsins féllst stjórn AGS hins vegar á að taka áætlunina fyrir eftir að íslensk stjórnvöld bættu inn í viljayfirlýsingu við sjóðinn að stefnt yrði að því að ljúka samningunum um Icesave sem fyrst, að því gefnu að viðunandi niðurstaða náist."

** Í frétt Rúv um þetta segir nánar af málinu (undirstr. jvj):

• "Þetta sé hefðbundin endurnýjun samstarfsyfirlýsingarinnar og í henni felist svör Íslands við ákveðnum atriðum sem sjóðurinn hafi farið fram á. Þetta bréf Íslands til Alþjóðagjaldeyrissjóðsins hafi hvorki verið borið fyrir Breta og Hollendinga til samþykktar eða synjunar. Bréfið hafi þó verið unnið í samstarfi við yfirstjórn Alþjóðagjaldeyrisjóðsins og með þeim fulltrúum innan hans sem hafi með málefni Íslands að gera. Þá vildi Steingrímur ekki upplýsa fréttastofu um það hvort í bréfinu séu einhver ákvæði um það hvenær og á hvaða forsendum samið verði um Icesave."

Leyndarhyggjan heldur áfram! Þessi maður hefur sannarlega eitthvað að fela!

Jón Valur Jensson.

Fjárlaganefnd fundi um AGS

Það sem sumum er efst í huga!

Nýjasta traktering viðskiptaráðherrans til þjóðarinnar er þessi: Hefur áhyggjur af því að fyrirhugaðar kosningar tefji Icesave, og á þar við kosningar í Bretlandi í maí og Hollandi í júní. Halda mætti, að Icesave hafi verið efst á jólagjafalistanum hjá þessum umboðslausa, bitlausa ráðherra.

Honum hugkvæmast engar varnir fyrir Ísland, stendur frekar með þeim trausti rúnu ráðherrum Vinstri grænna og Samfylkingar, sem leggja ofurkapp á að setja á okkur ísklafann þunga sem þjóðin hafði aldrei samþykkt að undirgangast og hafnaði nýlega með eindregnum hætti.

Hvað á að segja um svona ráðherra? Á að vorkenna þeim eða benda þeim á að taka pokann sinn, áður en þeir valda með orðum sínum og athöfnum meiri skaða en þegar er orðinn? Hvað finnst ykkur, lesendur góðir?

Jón Valur Jensson. 

Er enn verið að reyna að svíkjast á bak við þjóðina með samning um greiðslu á risavaxinni gerviskuld?

Svo má ætla á fréttum. Margir telja, að ef þetta er tilboð brezkra og hollenzkra ráðamanna um að falla frá einhliða skilmálum þeirra um Icesave, þá sé það til þess eins að blekkja okkur til samninga. Vitaskuld bætti synjun forsetans og þjóðaratkvæðagreiðslan vígstöðu Íslendinga, og í skoðanakönnun birtri tveimur dögum seinna kom í ljós, að 3/5 manna telja, að okkur beri alls ekki að ábyrgjast Icesave-greiðslurnar. Þetta er varnarlína þjóðarinnar, og þeir pólitíkusar, sem ætla sér að fara út fyrir hana og gera samninga við óvininn, munu ekki uppskera þakklæti né vinsældir fyrir þau ónytjuverk sín, sem svo sannarlega væri ástæða til að kalla óhæfuverk.

1. Samkvæmt tilskipun Evrópubandalagsins 94/19/EC ber ríkinu EKKI að ábyrgjast innistæðurnar.
2. Bretar og Hollendingar þora ekki að leyfa dómstólum að úrskurða um þetta mál.
3. Bretar hafa beitt okkur efnahags- og viðskiptastríðs-aðferðum allt frá hausti 2008 til að kúga okkur í málinu.
4. Áður höfðu ráðherrar landanna reynt að narra og knýja fram játningar ráðherra hér, að íslenzka ríkinu bæri að styðja og (síðar) jafnvel ábyrgjast Tryggingasjóð innstæðueigenda og fjárfesta, þvert gegn okkar eigin lögum frá 1999 og tilskipun EU frá 1994.
5. Brezk og hollenzk stjórnvöld hafa misbeitt Alþjóðagjaldeyrissjóðnum í viðleitni sinni til að fjárkúga okkur.
6. Vinstri stjórnin íslenzka hefur hagað sér ósæmilega í máli þessu, og þess sér enn stað í yfirlýsingum fjármálaráðherra og annarra valdamanna hér.
7. Þjóðin hafnaði með yfir 93% atkvæða smánarlögunum frá 30. des. 2009. Ef aðeins eru taldir þeir, sem afstöðu tóku í þjóðaratkvæðagreiðslunni, var meirihlutinn 98,1%.

Falla frá einhliða skilmálum

Nokkrar nýlegar Icesave-greinar

Dæmi um pistla á vefsíðum félagsmanna: Svavar Gestsson skrökvar massíft um Icesave-málið í aprílgabbi – Lokaatlaga breta gegn íslenskri þjóð er hafin – KETTIRNIR Í ÓRÓLEGU DEILD VG – The “pointless” referendum which brought shame on the colonial powers – eftir formanninn, Ómar Norðfirðing, Elle ritara og Loft varaformann (í réttri röð): innbyrðis ólíkar greinar sem snúast þó um sömu baráttu fyrir rétti og hagsmunum lands og þjóðar.

Matsfyrirtæki með móðgandi afskipti af Icesave-málinu!

Því fer sannarlega fjarri, að Icesave-samkomulag muni hugnast Íslendingum, þó að eitthvert matsfyrirtæki, Standard & Poor's, telji "líklegt" að báðum aðilum muni hugnast samkomulag og að það náist á þessu ári. En lesið þessa svívirðu: "Við teljum að enginn samningsaðila vilji að samningar mistakist"!!! – Greinilega telja þeir íslenzku þjóðina ekki samningsaðila, og samt er það hún, sem sameinaðir Icesave-greiðslukröfusinnar heimsins ætlast til að borgi fyrir það, sem hún átti engan þátt í með neinum hætti.

Eyðum ekki frekari tíma í að lesa boðskapinn frá þeim, sem með svo lágkúrulegum hætti taka afstöðu með ólögvörðum kröfum gamalla nýlenduvelda. Þeim væri nær að gagnrýna það stílbrot í fjármálalífi heimsins, sem fólst í því, þegar Strauss-Kahn bergmálaði fjárkúgunaróskir brezkra og hollenzkra stjórnvalda, eins og neðanskráður höf. þessara lína ritaði um í dag.

En í kvöld verður haldinn félagsfundur í Þjóðarheiðri – samtökum gegn Icesave, að Höfðatúni 12, og ýmislegt á dagskránni. Eins mánaðar og sex daga gömul eiga samtökin nú á 70 félagsmönnum að skipa. Fundurinn hefst kl. 20.15. Höfðatún 12 er rétt fyrir neðan hornið á austurenda Skúlagötu (rétt fyrir neðan gömlu Mjólkurstöðina, nú Þjóðskjalasafn). Inngangur (sem snýr beint að Fíladelfíu) frá Höfðatúni. Kaffiveitingar.

Jón Valur Jensson 

Telja líklegt að Icesave-samningar náist

"Áður en þjóðaratkvæðagreiðslan varð, var ekkert óskaplega langt á milli aðila"!

Þetta sagði Árni Þór Sigurðsson, formaður utanríkismálanefndar Alþingis, í hádegisfréttum Rúv. ÞAÐ ER NEFNILEGA ÞAÐ! Þjóðin færði okkur lengra frá kröfum Breta, af því að hún kærir sig ekkert um þessa Icesave-samninga eða stefnu stjórnvalda í því máli. Samningsvilji Steingríms og Jóhönnu er ekki vilji þjóðarinnar, þvert á móti. Engu öðru en mótstöðunni hér heima fyrir, synjun forsetans og eindreginni niðurstöðu þjóðaratkvæðagreiðslunnar er það að þakka, að gjá hefur myndazt milli "samningsaðila".

Raunar eigum við alls ekki að semja um þetta mál. Samkvæmt skoðanakönnun MMR, sem birt var 8. marz, telja um 60% aðspurðra að Íslendingum beri alls ekki að ábyrgjast kröfur Bretlands og Hollands.

Við í Þjóðarheiðri höfum einnig verið að vekja athygli á því, að brezka ríkið er alls enginn aðili Icesave-málsins í raun og veru! Það er komið í ljós eftir athuganir og upplýsingaöflun, sem meira á eftir að fréttast af hér á vefsíðu samtakanna.

En um þá frétt Mbl.is, 'Bretar jákvæðir í garð Íslands á fundum í London', sem tengill er á hér neðar, skrifar Ólafur Ingi Hrólfsson Moggabloggari: "Hvernig geta þeir verið annað þegar bæði forsætis- og fjármálaráðherra landsins (Íslands) eru í þeirra liði?" – Svo langt hefur þjónkunin við hið erlenda vald og ólögvarðar kröfurnar gengið, að mönnum dettur jafnvel annað eins í hug.

Jón Valur Jensson.

Bretar jákvæðir í garð Íslands á fundum í London

Skilyrðislaus uppgjöf í Icesave-máli?!

Slæmar eru fréttirnar – enn einu sinni – af Steingrími fjármálaráðherra. Nú segir hann* stjórnvöld "reiðubúin til að halda áfram viðræðum við Breta og Hollendinga um Icesave-málið án nokkurra skilyrða."

Á þetta að vera okkar varnarmaður í markinu?! Hann kastar frá sér þeim skilmálum eða viðmiðum, sem nýjasta viðræðunefndin setti fram í málinu. Nú verður að krefjast þess, að upplýst verði til fulls, hverjir þeir skilmálar voru. Ennfremur þarf að setja pólitískan og almennan þrýsting á þennan fjármálaráðherra, sem er svo ósýnt um að setja brezkum og hollenzkum stjórnvöldum stólinn fyrir dyrnar í gersamlega ólögvarinni kröfugerð þeirra á hendur Íslendingum, kröfugerð sem er ennfremur forsendulaus með öllu og byggð á afgerandi formgalla sem myndi fella hana fyrir hvaða rétti sem er, eins og Loftur Þorsteinsson, varaformaður Þjóðarheiðurs, hefur upplýst í nýjustu Morgunblaðsgrein sinni.

Hitt er Steingrími ótrúlega annt um: að "koma Icesave-viðræðunum aftur af stað," þótt fulltrúar íslenzka ríkisins ættu að hafna því alfarið að ræða við ráðamenn Bretlands og Hollands um málið, umfram allt af því að ekkert þessara þriggja ríkja er í rauninni réttur málsaðili að henni (sjá grein Lofts).

Í Staksteinum Morgunblasins sagði 16. þ.m. frá nýju viðtali við Steingrím J.:

• Sá segir að erfitt hafi verið að koma viðræðum við Breta og Hollendinga í gang á nýjan leik.
• Með öðrum orðum þá hafi íslenski fjármálaráðherrann verið að rembast við að koma lífi og þreki í kröfugerðarmenn eftir að íslenska þjóðin vankaði þá með vinki sínu. Það væri óneitanlega æskilegt ef Steingrímur færi að átta sig á í hvaða liði hann eigi að vera.
• Honum ætti að hafa stórlega létt þegar engin af hrakspám hans rættist í kjölfar þjóðaratkvæðagreiðslunnar. Nú eru senn liðnir 3 mánuðir frá því lögunum var synjað og ekki ein einasta ógnarspá hans og Jóhönnu hefur ræst. Þvert á móti hafa öll þau merki sem borist hafa í kjölfar hennar verið í jákvæða átt.
• Er því ekki ágæt hugmynd að láta þessa andstæðinga okkar, Breta og Hollendinga, um að snúa sjálfum sér í gang. Það eru nefnilega ótal úrlausnarefni sem bíða þess að á þeim sé tekið hér á landi. 

Orð að sönnu!

JVJ. 

* Skv. Reuters-frétt frá Kaupmannahöfn og Mbl.is.

Setja engin skilyrði fyrir viðræðum