Lögfræði Icesave

Stórmerk er grein eftir Lúðvík Gizurarson í Morgunblaðinu í dag: Lögfræði Icesave. Þar segir hann í upphafi:

• ÞAÐ var í hádegisfréttum útvarps mánudaginn 19. apríl 2010 og haft eftir viðskiptaráðherra að hægt væri að hefja aftur viðræður við Breta og Hollendinga um Icesave. Semja mætti áfram og upp á nýtt. Vera í sama gamla farinu.
• Lögfræðilega hefur viðskiptaráðherra ekki stjórnarfarslegt umboð til að gefa slíka yfirlýsingu. Ráðherra er bundinn af þjóðaratkvæðagreiðslu sem haldin var nýlega. Getur ekki farið að semja á svipuðum nótum og gert var áður um Icesave. Það var fellt í þjóðaratkvæðagreiðslu að semja með þeim hætti. Breyta verður um stefnu.
• Ef viðskiptaráðherra fer að semja gagnstætt úrslitum í þjóðaratkvæðagreiðslunni um Icesave ber Forseta Íslands að víkja viðskiptaráðherra úr embætti, þar sem hann er að taka sér stjórnsýsluvald, sem hann hefur ekki lengur að lögum samkvæmt réttri lögfræðilegri túlkun á Stjórnarskrá Íslands. Þetta segir greinarhöfundur sem hæstaréttarlögmaður í hálfa öld. Viðskiptaráðherra getur borið þetta undir Lagadeild Háskóla Íslands til að fá fram rétta lagatúlkun á áhrifum þjóðaratkvæðagreiðslunnar samkvæmt Stjórnarskrá Íslands. Ber að gera þetta, en víkja annars úr embætti.

Þarna tekur hann til orða með þeim hætti, sem sannarlega vekur athygli, en menn eru hvattir til að lesa grein Lúðvíks alla. Hann er þar með athyglisverða ábendingu um nýjar reglur um innistæðutryggingar hjá Evrópusambandinu, reglur sem hann telur geta orðið leiðarljós um lausn Icesave-málsins, en hann segir í lokaorðum sínum:

• Það er hreint lögfræðilegt brjálæði, svo sannleikurinn sé sagður hreint út um þá stefnu stjórnvalda að byrja aftur upp á nýtt, að semja um Icesave samkvæmt gömlu reglunum. Þær eru ólöglegar og brot á stjórnarskrá ESB og Rómarsáttmálanum. Við eigum að snúa okkur til Evrópusambandsins og gera þá kröfu mjög ákveðið að Icesave verði látið bíða en falli undir þessar nýju reglur ESB þar sem 12-15 þjóðir ætla að taka sameiginlega á sig svona tap eins og Icesave er.
• Gefum ekki eftir. Heimtum siðferðilegt réttlæti. Forðumst þjóðargjaldþrot. 

Við þökkum Lúðvík hans merku skrif og hvetjum ykkur til að lesa rökstuðning hans allan í blaðinu. 

„Óréttlátt að Íslendingar eigi einir að bera efnahagslegan og félagslegan kostnað vegna Icesave"

„Kirkjan þekkir óréttlæti þegar hún sér það. Og það er óréttlátt, að íslenska þjóðin eigi ein að bera hinn efnahagslega og samfélagslega kostnað sem hlotist hefur af ábyrgðarleysi og margir ættu að deila, ekki síst þær ríkisstjórnir, sem nú leggja fram kröfur á Ísland," segir sr. Ishmael Noko, framkvæmdastjóri Lútherska heimssambandsins, sem vísar í kveðju sinni til Prestastefnu Þjóðkirkjunnar til Icesave-reikninga Landsbankans. – Enn eitt dæmið um, að alþjóðasamfélagið er svo sannarlega ekki að ætlast til þess, að við Íslendingar borgum þessa reikninga einkabanka!

JVJ. 

Óréttlátt að íslenska þjóðin beri ein kostnaðinn

Fjórir æðstu ráðamenn efnahagsmála báðu um GOTT VEÐUR frá Norðurlöndum, Bretum og Hollendingum með því að leggjast hundflatir fyrir Icesave-kröfum!

Gylfi: "Við [semjum þennan texta (viljayfirlýsinguna)] með hliðsjón af því, að við vildum afla því sjónarmiði stuðnings, að endurskoðunin ætti að fara fram, og til þess þurftum við auðvitað sérstaklega gott veður frá Norðurlöndunum og frá Bretum og Hollendingum, og það fekkst" (góða veðrið alltsvo!) – "endurskoðunin fór í gegn mótatkvæðalaust, þannig að þessi viðleitni okkar hún skilaði árangri, en eitt af því sem við augljóslega þurftum að gera var að senda út skýr skilaboð [sic!] varðandi Icesave."

Þarna viðurkennir Gylfi Magnússon það blákalt, að hann hafi KEYPT "góða veðrið" á því verði að gefa út hina illa þokkuðu viljayfirlýsingu um að Íslendingar (vorum við spurð?) myndu greiða upp alla Icesave-"skuldina" (síðan hvenær er hún skuld okkar?!) og það með vöxtum! Okkar voldugustu ráðamenn í efnahagsmálum eru þar með farnir að selja af hendi réttindi okkar (meðal annars samkvæmt stjórnarskrá og Evrópulögum) fyrir baunadisk af borði Alþjóðagjaldeyrissjóðsins og kúgunarríkja, sem og snautlega meðvirkra ríkisstjórna, sem sumar eiga að heita stjórnendur frændþjóða okkar!

En þegar ráðherrann var síðar spurður í sama Kastljósi af Þóru Arnórsdóttur: "Þannig að ef þessi klausa [viljayfirlýsingin] hefði ekki verið, þá hefði endurskoðunin ekki komizt á dagskrá?" svaraði hann reyndar: "Ég auðvitað veit það ekki – en mér finnst það ólíklegt, að það hefði tekizt."

• Takið eftir þessu: Ráðherrann segir fullum fetum, að hann VITI EKKI, hvort endurskoðunin hefði komizt á dagskrá ÁN þess gígantíska réttarafsals sem hann, Steingrímur, Jóhanna og Már höfðu samið þarna á pappír! (vitaskuld án samráðs við þjóðina og án samráðs við stjórnarandstöðu, jafnvel suma eigin þingmenn!).

Þetta eru tvö af nokkrum meginatriðum í vandlega unninni grein, sem birtist hér í morgun: Yfirbuðu frekju andstæðinganna í þókknuninni! Hafa nokkrir gengið lengra í að bugta sig og beygja fyrir kröfum kúgara sinna? – Nánar þar!

Jón Valur Jensson. 

Yfirbuðu frekju andstæðinganna í þókknuninni! Hafa nokkrir gengið lengra í að bugta sig og beygja fyrir kröfum kúgara sinna?

Alveg sama þó að þjóðin (hver er þjóðin?!) hafi eindregið hafnað Icesave-lögunum og þó að 60% aðspurðra telji að við berum alls enga ábyrgð á Icesave-greiðslunum – samt teygði fereyki ráðherra og seðlabankastjóra sig ALLA LEIÐ til móts við fjandríki þjóðarinnar og helzt lengra!

Það er í ljós komið með ábendingu og játningu, að það var sérhópur þriggja ráðherra (Steingríms, Jóhönnu og Gylfa Magg) sem sjálfur samdi ásamt Má seðlabankastjóra hina alræmdu viljayfirlýsingu "Íslands" (nei, ekki Íslands, heldur þeirra sjálfra – jafnvel sumir samherjar þeirra vissu naumast af þessu, hvað þá Bjarni Ben.), yfirlýsingu sem lögð var undirdánugast fyrir stjórn Alþjóðagjaldeyrissjóðsins í auðmjúkri von um samþykkt hans. 

Í stað þess að minna fjölþjóðastjórn AGS á alþjóðleg réttindi okkar sem fólgin eru í því tilskipunarákvæði Evrópubandalagsins, 94/19/EC, sem sýnir og sannar hve lausir Íslendingar eru við alla ábyrgð á Icesave-reikningunum,* þá sendi þetta fereyki ekkert minna en skilaboð um skilyrðislausa uppgjöf! – og tiltók jafnvel eigin refsingu sérstaklega.

Viljayfirlýsingin afhjúpuð – Opinberun Gylfa ráðherra í Kastljósi á eðli verknaðarins

Eftir umtalsverðan feluleik ráðherra og tal þeirra á þvers og kruss í fjölmiðlum, þar sem tilgangurinn virðist helzt hafa verið að fela hvað gerðist, þá birtist loks viljayfirlýsingin á vef efnahags- og viðskiptaráðuneytisins sl. laugardag. Þar segir: 

• ... In this context, we wish to reaffirm that Iceland will honor its obligations in regard to the insured retail depositors of the intervened banks. Iceland has already affirmed in its Letter of Intent dated 15 November 2008 that it is willing to ensure that the United Kingdom and the Netherlands will be reimbursed in respect of deposits of Landsbanki branches in those two countries (up to the Euro 20,887 minimum provided for under Icelandic Law and the EU Deposit Guarantee Directive 90/19/EC). Iceland has also given an assurance that the United Kingdom and the Netherlands will receive the reasonable time value of money, provided that comprehensive agreements are reached. Iceland remains ready to conclude at the earliest convenience the negotiations with the Governments of the United Kingdom and the Netherlands regarding a legal and financial settlement of this matter.

Og eins og Guðmundur Ásgeirsson segir um þetta í ágætri bloggfærslu sinni: "Athygli vekur að þarna er verið að skuldbinda Ísland gagnvart AGS um tiltekna niðurstöðu sem felur í sér fulla "endurgreiðslu" að meðtöldum vöxtum! (e. time value of money = vextir á mannamáli)."

En lesum nú samtal þeirra Þóru Arnórsdóttur fréttamanns og Gylfa Magnússonar ráðherra um þetta mál í Kastljósi í gærkvöldi: 

• Þóra: "Nú segir Alþjóðagjaldeyrissjóðurinn alla jafna, að hann hafi enga skoðun á Icesave og setji engin skilyrði þar um, heldur séu það Norðurlöndin, sem ætli að lána á móti sjóðnum, ef svo má segja, og kannski ekki hægt að klára að endurskoða áætlunina, nema sú fjármögnun sé tryggð, og að allur texti um Icesave, sem er í plagginu, hafi komið beint frá ríkisstjórninni. Geturðu staðfest, að svo sé?"
• Gylfi: "Já, já, við auðvitað semjum þennan texta, en við gerum það með hliðsjón af því, að við vildum afla því sjónarmiði stuðnings, að endurskoðunin ætti að fara fram, og til þess þurftum við auðvitað sérstaklega gott veður frá Norðurlöndunum og frá Bretum og Hollendingum, og það fekkst – endurskoðunin fór í gegn mótatkvæðalaust, þannig að þessi viðleitni okkar hún skilaði árangri, en eitt af því sem við augljóslega þurftum að gera var að senda út skýr skilaboð varðandi Icesave."
• Þóra: "Þannig að ef þessi klausa hefði ekki verið, þá hefði endurskoðunin ekki komizt á dagskrá?" 
• Gylfi: "Ég auðvitað veit það ekki – en mér finnst það ólíklegt, að það hefði tekizt." 

Takið eftir þessu: Ráðherrann segir fullum fetum, að hann VITI EKKI, hvort endurskoðunin hefði komizt á dagskrá ÁN þess gígantíska réttarafsals sem hann, Steingrímur, Jóhanna og Már höfðu samið þarna á pappír! (vitaskuld án samráðs við þjóðina og án samráðs við stjórnarandstöðu, jafnvel suma eigin þingmenn!).

Þau virðast hafa valið þá leið að bjóða bara eins hátt og komizt varð! Það var ekki einu sinni verið að þreifa á mótaðilunum, hvort þeir væru nú, eftir höfnun Icesave-laganna, reiðubúnir að "þiggja" eitthvað minna (enda allt, sem boðið væri, langt umfram allt sem hægt væri að ætlast til af okkur).

Óekkí, nei! Það var bara lagzt fyrir framan þessar erlendu ríkisstjórnir, hundflöt lágu þau fjögur og buðu SKILYRÐISLAUSA UPPGJÖF og varðaði nákvæmlega ekkert um, hvað þjóðin hafði sagt í nýlegri þjóðaratkvæðagreiðslu!

Íslendingar, þó að það sé sumardagurinn fyrsti, þá verður að segja ykkur þetta hér og nú: ÞANNIG eru stjórnvöld okkar, þau sem aldrei vildu þessa þjóðaratkvæðagreiðslu og lýstu hana fyrir fram marklausa – ÞAU GERA ÞAÐ ENN MEÐ ÞESSUM SVIKSAMLEGU ATHÖFNUM SÍNUM Í TRÁSSI VIÐ VILJA OKKAR OG RÉTTINDI!

Þið, sem viljið athafnir í þessu máli: mótmæli, andóf og andspyrnu, ættuð ekki að draga það að hafa samband við okkur í Þjóðarheiðri – við tökum vel á móti ykkur og höfum fulla þörf fyrir fleira hugsandi fólk og vinnufúsar hendur.

Við minnum á fyllsta rétt þjóðarinnar í málinu: EKKERT ICESAVE.

Gjör rétt – þol ei órétt. Aldrei að víkja frá rétti okkar!

Jón Valur Jensson. 

* “Tilskipun þessi getur EKKI gert aðildarríkin eða lögmæt yfirvöld þeirra ábyrg gagnvart innstæðueigendum ef þau hafa séð um stofnun eða opinbera viðurkenningu eins eða fleiri kerfa sem ábyrgjast innistæðurnar eða lánastofnanirnar sjálfar og tryggja skaðabætur eða vernd innistæðueigenda samkvæmt skilyrðum sem þessi tilskipun skilgreinir.”

Gylfi: Jákvæð mynd frá AGS

Opið bréf til Steingríms J. Sigfússonar

Einn félaganna í samtökunum, Hrólfur Hraundal á Grundarfirði, átti frábæran pistil í Velvakanda Morgunblaðsins sl. fimmtudag, í léttum, meinfyndnum anda, en málefnalega ágengum.

Opið bréf til Steingríms J. Sigfússonar

ERINDI mitt við þig er einkum varðandi ESB-umsókn sem og leiðindi þau er skapast hafa vegna þessa mjög svo sérstaka Icesave-máls – og þar með hryðjuverk Breta gegn okkur Íslendingum – og er hér í sjö spurningum með formálum.

Fyrir þjóð með ungt frelsi og stjórnsýslu þurfti næði til að hlusta, hugsa og lesa sér til um reglur og skyldur varðandi kröfur Breta.

1. Hvar og hvenær lagðir þú þig fram í því efni?

Seint á árinu 2008 vildir þú ekki ganga í ESB og á sama tíma vildir þú ekki borga Icesave-kröfur Breta.

2. Hvað var það sem breytti þessum vilja þínum eða skoðunum?

Davíð Oddsson sagði á vissum tíma að við ættum ekki að borga skuldir óreiðumanna og það eru margir lærðari menn en við Steingrímur sem halda þessu fram. Sé það rétt sem lærðir menn og ærlegir segja.

3. Til hvers gerðir þú þetta Icesave-mál að því sem það varð?

Sumir segja að betra sé að borga bara strax og þá sé málið úr sögunni. En komir þú hundi upp á að sníkja við borðið er ekki svo auðvelt að losna við hann. Mafíuforingjar hafa sömu áráttu í þessu efni og hundar, það sama á við um peningaflón.

4. Hvers vegna varst þú að veifa þessu milljarðabeini við trýnið á Brown og Darling þegar þess þurfti ekkert?

Á stundum hefur Íslendingum og Bandaríkjamönnum gengið illa að skilja hinn ofur kurteisa A. Darling.

5. Hvort skilur þú betur A. Darling eða Evu Joly?

Eftir 6. mars hefur viðmót Breta breyst varðandi Icesave.

6. Hvort er það þér að þakka eða kenna eða er það öðrum að þakka eða kenna og þá hverjum?

60% þjóðarinnar höfnuðu alfarið heilsárs vinnu frá þinni hendi við svokallað Icesave-mál. Þú studdir orð Jóhönnu Sigurðardóttur sem sagði þá niðurstöðu markleysu.

7. Ert þú þeirrar skoðunar að stjórn Jóhönnu Sigurðardóttur hafi enn umboð í því máli? Ef svo er, frá hverjum er það umboð? Með fyrir fram þakklæti fyrir ærleg svör á íslensku.

Hrólfur Hraundal.

 Fimmtudaginn 15. apríl 2010, Velvakandi. – Endurbirt með góðfúslegu leyfi höfundar.

Þess má geta að lokum, að engin svör hafa borizt frá Steingrími J. Sigfússyni.

VILJAYFIRLÝSING Í SKJÓLI GJÓSANDI ELDFJALLS

VILJAYFIRLÝSING AGS OG RÍKISSTJÓRNARINNAR Í SKJÓLI GJÓSANDI ELDFJALLS OG NÝRRAR RANNSÓKNARSKÝRSLU:

HANDRUKKARI?: DOMINIQUE STRAUSS-KAHN, AGS(IMF):

Án dóms og gegn lögum hefur Icesave-stjórnin gert viljayfirlýsingu við Alþjóðagjaldeyrissjóðinn í skjóli gjósandi eldfjalls og nýútkominnar rannsóknarskýrslu.  Ríkisstjórnar-útvarpið, RUV, hefur ekkert fjallað um viljayfirlýsinguna og hinir ríkisstjórnarmiðlarnir nánast ekkert.  Aum og lítil frétt fannst í Morgunblaðinu, lítil og sein frétt í Fréttablaðinu, Stöð 2 og Vísi og ósýnilegar fréttir af yfirlýsingunni í hinum miðlunum.  Heil viljayfirlýsing um Icesave-nauðungina var lúmskulega skrifuð og undirskrifuð af lágkúrulegri landstjórn gegn alþýðu landsins.  Og án dóms, gegn lögum og þvert gegn vilja stærri hluta þjóðarinnar.  Og yfirlýsingin komst óséð í gegn meðan fjölmiðlamenn þögðu:

VILJAYFIRLÝSINGIN:

Letter of Intent
Reykjavik, April 7, 2010
Mr. Dominique Strauss-Kahn
Managing Director
International Monetary Fund
Washington D.C., 20431
U.S.A.
Dear Mr. Strauss-Kahn: 

ICESAVE-HLUTINN:

External Financing
20. Our ability to fully implement the program described above is dependent on access to the external financing committed under the program. We firmly expect to be able to meet the preconditions set by some of our bilateral partners to access this finance. In this context, we wish to reaffirm that Iceland will honor its obligations in regard to the insured retail depositors of the intervened banks. Iceland has already affirmed in its Letter of Intent dated 15 November 2008 that it is willing to ensure that the United Kingdom and the Netherlands will be reimbursed in respect of deposits of Landsbanki branches in those two countries (up to the Euro 20,887 minimum provided for under Icelandic Law and the EU Deposit Guarantee Directive 90/19/EC). Iceland has also given an assurance that the United Kingdom and the Netherlands will receive the reasonable time value of money, provided that comprehensive agreements are reached. Iceland remains ready to conclude at the earliest convenience the negotiations with the Governments of the United Kingdom and the Netherlands regarding a legal and financial settlement of this matter.

Very truly yours,
Jóhanna Sigurðardóttir          Steingrímur J. Sigfússon
Prime Minister                      Minister of Finance
Gylfi Magnússon                   Már Guðmundsson
Minister of Economic Affairs   Governor of the Central Bank of Iceland

VILJAYFIRLÝSING AGS OG RÍKISSTJÓRNARINNAR, 7. APRÍL, 10.

Og hvaða lög er verið að vísa í þarna???  Upphaflega VILJAYFIRLÝSINGIN FRÁ 15. NÓV. 2008 var gerð með vísan í EES(EEA)-lög (Brussel viðmiðin - Directive 94/19 EC), en ekki bara út í loftið:

 VILJAYFIRLÝSING AGS OG RÍKISSTJÓRNAR ÍSLANDS, 15. NÓV., 08.

Og lögin segja skýrum stöfum að ekki megi vera og ekki sé nein ríkisábyrgð á bankainnistæðum:

EEA/EU directive 94/19/EC: 

• "Whereas this Directive may not result in the Member States' or their competent authorities' being made liable in respect of depositors if they have ensured that one or more schemes guaranteeing deposits or credit institutions themselves and ensuring the compensation or protection of depositors under the conditions prescribed in this Directive have been introduced and officially recognized."

Og þannig er sú tilskipun á íslenzku:

• “Tilskipun þessi getur ekki gert aðildarríkin eða lögmæt yfirvöld þeirra ábyrg gagnvart innstæðueigendum ef þau hafa séð um stofnun eða opinbera viðurkenningu eins eða fleiri kerfa sem ábyrgjast innistæðurnar eða lánastofnanirnar sjálfar og tryggja skaðabætur eða vernd innistæðueigenda samkvæmt skilyrðum sem þessi tilskipun skilgreinir.”

Viljayfirlýsing núverandi stjórnvalda gagnvart Alþjóðagjaldeyrissjóðnum gengur augljóslega miklu lengra en yfirlýsing fyrri ríkisstjórnar frá 15. nóv. 2008, sem miðaði við EES(EEA)-lög. Og samkvæmt þeim er ekki bara engin ríkisábyrgð á bankainnistæðum, heldur er ríkisábyrgð bönnuð samvkæmt lögunum. Viljayfirlýsing fyrri ríkisstjórnar miðaðist því ekki að ríkisábyrgð á Icesave, þó Steingrímur Joð og co. kenni fyrri stjórn um Icesave, enda enginn Icesave-samningur gerður af fyrri ríkisstjórn, heldur af NÚVERANDI ICESAVE-STJÓRN.

Elle Ericsson.

Hér er bloggsíða hennar: eeelle.blog.is.

VIÐ HARÐNEITUM AÐ VERA HÖFÐ AÐ FÉÞÚFU.

Ekki ætlar núverandi ríkisstjórn að gefast upp í Icesave-kúgun sinni gegn íslenskum almenningi. Og skiptir engum togum að Icesave hefur aldrei verið okkar skuld, hvorki lagalega né öðruvísi. Og hvað er Gylfi Magnússon að fara í neðanverðri Moggafrétt? Hvaða viljayfirlýsingu nákvæmlega er hann að meina?? „Við" hverjir lýsum yfir vilja okkar að leysa þessi mál farsællega og í hvaða tvíhliða samningum við Breta og Hollendinga??? Ekki erum það við landsmenn í heild sem viljum neina tvíhliða samninga við Breta og Hollendinga. Ekki þjóðin sem kolfelldi Icesave-nauðungina í mars sl.

Um 59,4% þjóðarinnar vill ekki borga 1 eyri fyrir Icesave. Það kom fram í könnun MMR, 2 dögum eftir að íslenska þjóðin kolfelldi ólögin um Icesave. Ólögin sem Icesave-stjórnin píndi í gegnum löggjafarvaldið og forsetinn synjaði. Hvað varð af Brusselviðmiðunum? EEA/EU tilskipun 94/19 EC, lögunum sem banna ríkisábyrgð á innistæðum? Og hvað meinar Gylfi með að farið hafi fram viðræður við Breta og Hollendinga um að þeir endurheimti höfuðstól þess fjár sem þeir hafa lagt af mörkum ásamt eðlilegum fjármagnskostnaði ef ásættanlegir samningar nást????? Hvaða fjár?? Hvaða fjármagnskostnaður?? Hvaða höfuðstóll?? Ríkissjóðir Breta og Hollendinga hafa EKKERT lagt af mörkum vegna Icesave og Icesave kemur bresku og hollensku ríkisstjórnunum akkúrat ekkert við. Í guðanna bænum hættið blekkingum um Icesave.

Það voru bankarnir sem borguðu lögbundið skyldugjald eða skylduskatt í bresku og hollensku tryggingasjóðina, líka Landsbankinn, og það var þaðan sem bæturnar komu til Icesave-innistæðueigenda. Ekki frá ríkissjóðum landanna tveggja. Icesave-stjórnin hefur ekkert leyfi til að semja við bresku og hollensku ríkisstjórnirnar eða semja við nokkurn mann um neinn Icesave-nauðungarskatt gegn íslenskum almenningi og skattborgurum vegna ólögvarinnnar kröfu evrópskra ofríkisvelda. Velda, sem ætla að nota okkur sem skattþúfu. Hvorki hafa þeir leyfi til að gera einhliða, tvíhliða, þríhliða eða neina samninga fyrir okkar hönd um neitt Icesave. Og löngu orðið mál að Icesave-vitleysunni linni. Við harðneitum að vera höfð að féþúfu að ósekju og munum aldrei á meðan við drögum andann sætta okkur við slíka kúgun.

Elle Ericsson.

Gylfi: Engar nýjar skuldbindingar

Björn Valur Gíslason vill, að forseti Íslands geri það, sem hann sjálfur ætti að gera!

Björn Valur Gíslason alþm. virðist ekki kunna að skammast sín. Þetta er einn alharðasti Icesave-sinninn á Alþingi og hringdi æstur utan af sjó í beina útsendingu á Bylgjunni til að ýta eftir að Svavarssamningurinn yrði samþykktur strax "og þótt fyrr hefði verið"! Þá stóð yfir sumarþing, en Björn Valur skrópaði og var þó varaformaður fjárlaganefndar, sem þá stóð í maraþonvinnu í Icesave-málinu. Þó að það mál hafi vissulega ekkert erindi átt inn á þing, var vanræksla og óðagot Björns Vals fjarri því að vera rétta aðferðin til að jarða málið. (Já, það ber að jarða málið, Björn, ekki "landa því," eins og þú og þínir líkar viljið, þvert gegn lögum og rétti þjóðarinnar!)

Í þingumræðum um skýrslu rannsóknarnefndar Alþingis í kvöld veittist Björn Valur svo harkalega að forseta Íslands, að hann var beðinn að gæta orða sinna. "Sagði hann forsetann hafa dásamað útrásarvíkingana allt frá upphafi og hvatti Ólaf Ragnar til að segja af sér," segir í frétt Mbl.is, þrátt fyrir að Ólafur beri enga stjórnskipulega ábyrgð á stjórnarathöfnum.

Hér dúkkar einmitt upp gremjan í vinstri flokkunum við synjun forsetans og úrslit þjóðaratkvæðagreiðslunnar. Þetta fólk getur ekki fyrirgefið Ólafi Ragnari að hafa skotið málinu undir dóm þjóðarinnar.

En Ólafur Ragnar er okkar maður – stendur vörð um stjórnarskrárbundin rétt Íslendinga til að taka lokaákvörðun um lagasetningu sem miklu kann að varða hvert mannsbarn í landinu. Svo var í þessu máli, og þvílík blessun, að stjórnarskráin reyndist ekki pappírinn einn og formsatriði, heldur varnarvirki þjóðarréttinda.

Menn ættu að varast að hlusta á raddir eins og Kristínar Ástgeirsdóttur (sem af einhverjum undarlegum ástæðum fekk sæti í siðferðis-undirnefnd rannsóknarnefndar Alþingis, þeirri undirnefnd sem átti siðferðibindið í ritröðinni), sem kallar nú eftir róttækri uppstokkun á stjórnarskránni, því að Kristín er einmitt í þeirri pólitísku fylkingu, sem vildi með sem sneggstum hætti ryðja úr vegi öllum hindrunum – þ.m.t. lagalegum, jafnvel stjórnarskrárbundnum – gegn færibanda-afgreiðslu þessa ömurlega Icesave-máls.

Þókknumst ekki óskum þessa fólks! Og Björn Valur, segðu nú af þér! 

Jón Valur Jensson. 

Hvatti forsetann til að segja af sér

Ótæk vanþekking nefndarmanna á tryggingum Icesave-reikninganna

Vinnubrögð stjórnvalda við varnir fjármálakerfisins í okt. 2008 voru e.t.v. ótæk (sjá HÉR!), en jafn-ótæk er sú skoðun nefndarinnar, að bankarnir hafi lagt "alla áhættuna" af Icesave á TIF, því að brezki tryggingasjóðurinn bar í raun alla yfirábyrgð á Icesave-reikningunum.

Þarna reynist nefndin annaðhvort hafa fengið rangar og úreltar upplýsingar eða hreinlega ekki gengið eftir þeim réttu frá Bretlandi og Hollandi. Full 35.000 punda trygging FSCS (brezka tyggingasjóðsins) var á innistæðum einstaklinga í Icesave-reikningum til október 2008 og síðan strax 50.000 punda trygging upp frá því. Síðarnefnda upphæðin er um 2,7-falt hærri en þær 20.887 evrur, sem áttu að vera hámarkstrygging innistæðuhafa í gegnum hinn íslenzka Tryggingasjóð innstæðueigenda og fjárfesta.

Innistæðueigendur (einstaklingarnir) höfðu allt sitt á þurru, þeim þarf ekki að vorkenna – og heldur ekki brezku bönkunum, sem standa undir tryggingakerfinu brezka með eftirágreiddum tryggingum sínum.

Jón Valur Jensson. 

Ótæk vinnubrögð

Vanhæfi viðskiptaráðherra og FME var meðal höfuðorsaka Icesave-klúðurs stjórnvalda

Þetta má ráða af skýrslu rannsóknarnefndar Alþingis. Forstjóri FME, Jónas Fr. Jónsson, og menn í viðskiptaráðuneytinu héldu í fáfræði sinni, að ríkið væri ábyrgt fyrir Icesave-reikningum! Þetta notfærðu Bretar sér og Hollendingar, gengu á lagið og knúðu á um það með blekkingar-orðalagi, í 1. lagi hvort ráðherrann ætlaði ekki að standa við skuldbindingar gagnvart Tryggingasjóðnum (TIF) og í 2. lagi AÐ hann færi að lofa ríkisstuðningi við TIF og í 3. lagi fullum stuðningi, þótt hann ætti raunar enginn að vera samkvæmt tilskipun Evrópubandalagsins 94/19/EC!

Lesið þetta úr skýrslunni: 

• „Við fall bankanna haustið 2008 voru embættismenn óvissir um lagalega ábyrgð á innstæðum bankanna, dygði tryggingasjóðurinn ekki. Forstjóri FME og menn í viðskiptaráðuneytinu virðast hafa talið ábyrgð fyrir hendi. Bankastjórar Seðlabankans töldu hins vegar ekki um ótvíræða lagaskyldu að ræða“.

Þarna voru Davíð og menn hans greinilega betur upplýstir en evrókratinn Björgvin G. Sigurðsson og sjálfur yfirmaður Fjármálaeftirlitsins á Íslandi!

Þetta kemur enn betur fram hér (leturbr. og hornklofar frá undirrituðum):

• „Hins vegar verður ráðið af svörunum að forstjóri Fjármálaeftirlitsins hafi litið svo á að af tilskipun ESB leiddi að ríkinu bæri að aðstoða TIF þannig að sjóðurinn gæti greitt lágmarkstrygginguna [!!!]. Sama viðhorf virðist hafa verið innan viðskiptaráðuneytisins. Bankastjórar Seðlabankans töldu ekki að um svo ótvíræða skyldu eða ríkisábyrgð væri að ræða, og ráðuneytisstjóri fjármálaráðuneytisins hafði uppi sjónarmið um að fara ætti varlega í að lýsa yfir að ríkið bæri ábyrgð á lágmarkstryggingunni.
• Fram kom við athugun rannsóknarnefndarinnar að þrátt fyrir þessi mismunandi viðhorf var ekki leitað sérstaklega eftir lögfræðilegu mati eða ráðgjöf sérfræðinga utan ráðuneytanna um þetta atriði fyrr en eftir fall bankanna. Þá hafa ekki komið fram gögn sem sýna að umrætt atriði hafi verið sérstaklega kannað á þessum tíma af hálfu þeirra starfsmanna ráðuneytanna sem komu að málinu umfram athugun á texta innstæðutryggingatilskipunarinnar,“ segir í skýrslunni. (5. bindi, 17. kafla, s. 308)

Makalaust klúður! En sem betur fer átti íslenzk þjóð sér varnir gegn enn frekara undanhaldi vanhæfra stjórnvalda. Vörnin fólst í 1. lagi í valdi Alþingis, sem samþykkti EKKI  Svavarssamninginn fyrirvaralausan, í 2. lagi í baráttukrafti þjóðarinnar sjálfrar, sem jafnan lét í ljós eindregna (2/3–3/4) andstöðu við alla Icesave-samninga og lagasetningu og tók með eftirminnilegum hætti þátt í áskorunar-herferð InDefence-manna, í 3. lagi í valdi forseta Íslands sem í samræmi við 26. grein stjórnarskrárinnar beitti málskotsrétti sínum og þjóðarinnar og í 4. lagi í hinni geysiöflugu þjóðaratkvæðagreiðslu, þar sem 98,1% þeirra sem afstöðu tóku sögðu NEI við 30. des.-ólögunum (og tveimur dögum seinna kom í ljós í skoðanakönnun hartnær 60% andstaða aðspurðra gegn allri ábyrgð Íslendinga á Icesave-greiðslum til Bretlands og Hollands).

En það, sem skiptir þó umfram allt máli og er einn undirstöðuþáttur í baráttunni fyrir rétti og hagsmunum lands og þjóðar í þessu efni, er lagalegar forsendur málsins og þá ekki aðeins lögin frá 1999 um tryggingasjóð innistæðueigenda og tilskipun 94/19/EC, heldur allt eins okkar eigin stjórnarskrárákvæði um það, hvernig gera megi fjárhagssskuldbindingar fyrir hönd ríkisins. Af þeim er alveg ljós, að hvorki skussinn Björgvin G. Sigurðsson, vanhæfur Jónas Fr. Jónsson, starfsmenn viðskiptaráðuneytis né Árni Mathiesen gátu gefið út neinar Icesaveskuldar-ábyrgðar-viðurkenningar án beinnar aðkomu og samþykktar Alþingis.

Á þessum grunni höldum við áfram baráttunni. Rétturinn er okkar. Aldrei að víkja. 

Jón Valur Jensson, formaður Þjóðarheiðurs.

Ráðherra óviss um lögin