Icesave-stjórnin ofsahrædd um að falla: paník-viðbrögð í fjárlaganefnd

Augljóst er af frétt Vísis.is að Icesave-stjórnin er HRÆDD VIÐ AÐ FALLA á næstunni. Skyndilega við dóm Hæstaréttar um stjórnlagaþing reif hún Icesave-málið út úr fjárlaganefnd, ófaglega, beið ekki eftir áliti annarra þingnefnda eins og venja er!

Eins og fyrri daginn eru það ær og kýr Steingríms og Jóhönnu að "fá" að greiða Icesave fyrir Landsbankann.* Langt er þó gengið, að þau ætli sér að vinna það verk á síðustu metrum þessarar stjórnar, en á þingmönnum í fjárlaganefnd er að skilja, að dómur Hæstaréttar yfir stjórnlagaþings-klúðri stjórnvalda** hafi valdið skyndilegri paníkeringu í nefndinni, meirihlutinn reif Icesave-málið allt í einu út úr nefndinni óunnið og í ósætti og án þess að hafa fengið umbeðið álit efnahags- og skattanefndar og viðskiptanefndar Alþingis.

Álit fjárlaganefndar er því ekki marktækt í raun – en mikið lá þeim á í meirihlutanum þar, þeim sem samþykktu þessa bráðræðisgjörð gegn mótatkvæðum.

Í aðdraganda þessa hafði mikið gengið á í sambandi við símtal Davíðs Oddssonar og seðlabankastjóra Englands, og þar er ljóst, að meirihluti Icesave-sinna í fjárlaganefnd vildi EKKI aflétta trúnaði á því viðtali (nánar HÉR!), sama þótt þjóðarhagsmunir lægju við! Já, vitaskuld hefur það þýðingu fyrir Icesave-málið og áróðurs- og sóknarstöðu okkar gagnvart Bretum, hafi þeirra eigin seðlabankastjóri látið í ljós það álit, að íslenzka ríkið sé ekki ábyrgt fyrir Icesave-skuld Landsbankans!

Andstæðingar Icesave-III-frumvarpsins vilja láta birta viðtalið, en ekki Icesave-borgunarsinnarnir. Hvað segir það okkur?!

Hér er frétt Vísis.is:

• Vísir, 27. jan. 2011 12:15
• Icesave afgreitt í ósætti út úr fjárlaganefnd
• 
• Höskuldur Þórhallsson, þingmaður Framsóknarflokksins.
• Höskuldur Kári Schram skrifar:
• Þingmenn stjórnarandstöðunnar telja að stjórnlagaþingsmálið hafi orðið til þess að Icesave-frumvarpið hafi verið afgreitt í ósætti út úr fjárlaganefnd.
• Icesave-frumvarpið var afgreitt úr fjárlaganefnd í gær. Fulltrúar stjórnarandstöðunnar voru ósáttir við þessa afgreiðslu en þeir höfðu óskað eftir meiri tíma til að fjalla um málið.
• Höskuldur Þórhallsson, fulltrúi Framsóknarflokks í fjárlaganefnd, sagði í samtali við fréttastofu í gær að niðurstaða hæstaréttar í stjórnlagaþingsmálinu hafi haft áhrif afstöðu stjórnarliða í málinu. Vísar hann til þeirra ummæla sem féllu á Alþingi eftir ákvörðun hæstaréttar lá fyrir.
• „Það var einhver óróleiki kominn í meirihluta fjárlaganefndar, ætli það helgist ekki af atburðum gærdagsins, svo ég reyni nú að rýna aðeins í það. En mér fannst það mjög dapurlegt að þeir skyldu ákveða að rífa málið út í ósætti," segir Höskuldur.
• Undir þetta tekur Þorgerður Katrín Gunnarsdóttir, fulltrúi Sjálfstæðisflokks í nefndinni, sem segir að samstarfið hafi gengið mjög vel þangað til í gær.
• „Það er ákveðin tortryggni í gangi. Framkoma forsætisráðherra í gær hjálpaði ekki mikið upp á það að menn leiti samráðs og sátta. Þetta hjálpaði ekki til, nei," sagði hún.
• Ekki náðist í Oddnýju G. Harðardóttur, formann fjárlaganefndar, né Björn Val Gíslason, varaformann fjárlaganefndar, í morgun. 

Er ekki þetta rugl stjórnarmeirihlutans – þess sem nú nýtur varla nema fjórðungsfylgis skv. skoðanakönnun Frettablaðsins – dæmi um upplausnina í því liði og að þau finni endalokin nálgast? En geta þau samt ekki á væntanlegum endaspretti unnt þjóð sinni þess, að hún losni við Icesave-ásókn þeirra Steingríms, Svavars, Björns Vals, Össurar og Jóhönnu?

* Hefur samt ekki heyrzt af því, að þau hafi láti draga af launum sínum í þá hít ranglætis og rangsleitni.

** Menn geta vart lengur neitað því, að þetta var klúður af hálfu stjórnvalda. Hvað annað felst í viðurkenningu Róberts Marshall þingmanns á því í nýrri frétt á Mbl.is? Sjá hér:  Biður þjóðina afsökunar – "Róbert Marshall, þingmaður Samfylkingarinnar og formaður allsherjarnefndar Alþingis, sagðist vilja biðja þjóðina afsökunar á þeim mistökum, sem orðið hefðu við setningu laga um stjórnlagaþings og kosningar til þess ...

Icesave-frumvarpið er nú samþykkt í ósætti úr fjárlaganefnd, til 2. umræðu Alþingis. YFIRLÝSING ÞJÓÐARHEIÐURS – og af ÞÖGGUN

Höskuldi Þórhallssyni, þingmanni Framsóknar, þykir ósættið miður.

„Það liggur fyrir að álit efnahags- og skattanefndar og viðskiptanefndar hafa ekki borist nefndinni. Mér finnst þetta vera vanvirðing við þær nefndir, að verið sé að gefa í skyn að álit úr þeirri áttinni skipti ekki máli.“
En hvers vegna var ekki beðið eftir þessu áliti? „Það eru engin haldbær rök fyrir því,“ segir Höskuldur. (Mbl.is.)

Vitaskuld er þetta vanvirða – og ber því enn einu sinni vitni, að alþingismeirihutinn ætlar sér að vinna mál í flumbrugangi, á óvandaðan hátt (eins og í stjórnlagaþings-löggjöfinni) og með óvönduðum meðulum.

Hliðstæða við þá vanvirðu er sú staðreynd, að fjárlaganefnd sendi Þjóðarheiðri, 80 manna samtökum gegn Icesave, EKKI beiðni um álit á Icesave-frumvarpinu. Samt eru þessi samtök margfalt stærri en InDefence-hópurinn, sem að mörgu leyti hefur barizt ágætlega gegn Icesave-frumvörpunum (líka gegn Icesave III), en verið á stundum – ólíkt Þjóðarheiðri – lin á því princípi, að okkur ber ekki að borga neitt. Af ýmsu er ljóst, að Samfylkingarforystan og svikagengið í forystusveit VG eru sér vel meðvituð um, að þau eiga sér enga harðari andstæðinga í þessu máli en Þjóðarheiður.

• Er það þess vegna, sem þau sjá svo um, að ekki sé leitað álits Þjóðarheiðurs?
• Er það þess vegna, sem þau sjá svo um, að Rúv birti ekki og minnist ekki einu sinni á yfirlýsingu Þjóðarheiðurs, þótt hún hafi verið send fréttadeildinni þar og ýmsum yfirmönnum, m.a. útvarpsstjóra?

Um hið umdeilda símtal Davíðs og enska seðlabankastjórans sagði Höskuldur: „Ég mun halda áfram að krefjast þess að trúnaði verði aflétt og að Alþingi beiti sér fyrir því – en meirihlutinn hefur úrslitavald. Ef hann vill leyna þessum upplýsingum, þá er það hans mál.“

En lesið þetta líka í frétt Mbl.is (Krefst þess að trúnaði verði aflétt – lbr. jvj):

• „Á fundinum kom fram mikil óánægja með að formaður og varaformaður skyldu hafa tjáð sig um það sem áttu að vera trúnaðarupplýsingar. Það var farið yfir það. En ég gat ekki merkt að meirihlutinn vildi aflétta þessum trúnaði og mér þykir það miður,“ sagði Höskuldur í samtali við mbl.is.
• „Það á allt að vera uppi á borðum. Þarna eru upplýsingar sem geta skipt sköpum um afstöðu manna til Icesave-málsins og þær eiga að liggja frammi. Ég held það sé best fyrir framgang málsins og hagsmuni Íslands að þessum trúnaði verði aflétt. Ég tel ekki að það brjóti í bága við nein lög. Og jafnvel þó svo væri, þá eru hagsmunirnir í þessu máli það miklir, að nauðsyn gæti brotið lög ef einhver telur svo vera.“

Hverjir eru það, sem vilja EKKI, að viðtalshlutinn um Icesave-málið verði birtur? Samfylkingar- og VG-meirihlutinn (sem naut um daginn – FYRIR stjórnlagaþingsdóm Hæstaréttar! – 25% fylgis í skoðanakönnun!). Það eru þessir aðilar, sem eiga allt undir, að samtal seðlabankastjóranna verði ekki birt, og þeir segja nei við birtingu.

Á meðan þeir þrjózkast við, í viðleitni til að halda okkur óupplýstum, virðist svarið harla augljóst við spurningunni: Er til skýrari sakbending þessara aðila á sjálfa sig?

En gegn Icesave-frumvarpinu berjumst við í Þjóðarheiðri einarðlega, unz fullum sigri þjóðarinnar verður náð, þvi að saklaus er hún af hinum ólögvörðu, ólögmætu og stjórnarskrárandstæðu kröfum. Hér á eftir verður endað með YFIRLÝSINGU ÞJÓÐARHEIÐURS, sem fyrst var send fjárlaganefnd Alingis, síðan öllum öðrum alþingismönnum, því næst fjölmiðlum og félagsmönnum samtakanna. – Jón Valur Jensson.

YFIRLÝSING: Þjóðarheiður – samtök gegn Icesave 

hvetur til samstöðu Íslendinga gegn Icesave-kröfunum.

 

Fulltrúar erlends valds og framandi hugmyndafræði hafa hreiðrað um sig í óðali Jóns Sigurðssonar. Þrátt fyrir að Íslendingar hafi með eftirminnilegum hætti hafnað forsendulausum kröfum hinna gamalgrónu nýlenduvelda Bretlands og Hollands, er ríkisstjórn landsins ennþá að störfum fyrir hið erlenda vald. Velferðarstjórnin er enn á ný búin að gera samning um Icesave-kröfurnar, sem almenningur hafnaði í þjóðaratkvæðinu 6. marz 2010. Velferðarstjórnin, sem við ófá tækifæri hyllir framandi hugmyndafræði, hefur í þriðja skipti á sex mánuðum gert samning um að almenningur á Íslandi taki á sig forsendulausar drápsklyfjar.

Atlaga ríkisstjórnarinnar að hagsmunum Íslendinga er svo umfangsmikil og harkaleg að lengi mun höfð í minnum. Þjóðarheiður krefst þess að framganga núverandi ríkisstjórnar í Icesave-málinu sæti opinberri rannsókn og ráðherrarnir hljóti dóma fyrir Landsdómi eða almennum dómstólum. Fyrir alla framtíð verður að hindra að valdstjórnin láti sér detta í hug að ganga erinda erlendra hagsmunaaðila. Ströngustu refsingar að lögum verður að krefjast yfir þeim mönnum sem haft hafa forgöngu um Icesave-kúgunina.

Þjóðarheiður – samtök gegn Icesave hefur frá upphafi Icesave-deilunnar barist gegn tilraunum valdstjórnarinnar að koma ólöglegum skuldahlekkjum á almenning í þessu landi. Allir réttsýnir menn skilja að Icesave-kröfurnar eru án lagalegra forsendna. Icesave-kröfurnar eru efnahagslegur hernaður af verstu tegund. Hin gamalgrónu nýlenduveldi eru að sýna smáþjóð mátt sinn. Þjóðarheiður – samtök gegn Icesave skorar á alla Íslendinga að samfylkja liði gegn nýlenduveldunum gömlu og innlendum þjónum þeirra.

Forseti Íslands, herra Ólafur Ragnar Grímsson, hefur sannað að fullveldi þjóðarinnar er í höndum hennar sjálfrar og hann kom í veg fyrir að Ísland yrði gert að skattlandi tveggja gamalgróinna nýlenduvelda. Með þjóðaratkvæðinu 6. marz 2010 var stjórnarskrá lýðveldisins heiðruð. Staðfest hefur verið að stjórnarfar á Íslandi er lýðveldi og ólýðræðislegu þingræði hefur endanlega verið hafnað. Lýðræði byggir á þeirri forsendu að ótakmarkað og endanlegt vald í samfélaginu er í höndum lýðsins – alþýðunnar í landinu. Lýðræðið mun ekki verða látið af hendi.

  

Þjóðarheiður – samtök gegn Icesave.

 

Krefst þess að trúnaði verði aflétt

Leiksýning í boði Vinstri-grænna.

 

Þeir sem þekkja til kommúnista á Íslandi vita, að engir eru þeim fremri í blekkingum og svikum. Vinstri-grænir hafa ekki staðið langt að baki Sossanna þegar kemur að leiksýningum á sviði stjórnmálanna.

 

Allir muna eftir svardögum VG í síðustu kosningabaráttu: -ekkert ESB ! –ekkert Icesave ! Ekki var VG fyrr komið í valdastólana en þeir snéru gjörsamlega við blaðinu og lágu hundflatir fyrir nýlenduveldunum. Ekki þó án þess að sýna venjubundin leikræn tilþrif.

 

Ákveðinn hópur innan VG tók að sér að leika andspyrnumenn. Stærð hópsins var ákveðin þannig, að þrátt fyrir andstöðu kæmi Icesave-stjórnin öllum sínum málum fram á Alþingi. Hvort sem það var ESB-innlimun landsins eða Icesave-kúgunin, allt var samþykkt undir sýndar-mótmælum órólegu deildarinnar í VG.

 

Ögmundur Jónasson fekk það verkefni að tilheyra órólegu deildinni, sem tókst svo vel upp við blekkingarnar, að fjölmargir »nytsamir sakleysingar« létu blekkjast. Nú er staðan að breytast og nauðsynlegt reynist að »fórna« Ögmundi. Hann er látinn skipta um lið og nú skal hann fylgja greiðslu-sinnum að málum.

 

Því er logið að sinnaskipti Ögmundur stafi af því að í stað 1000 milljarða Icesave-klafa, sé hann bara 500 milljarðar ! Auðvitað sjá allir í gegnum svikavefinn. Hamskipti Ögmundar stafa af verri vígstöðu Icesave-stjórnarinnar. Nú neyðast þeir til að gefa eftir það fylgi, sem Ögmundur blekkti til að halda áfram stuðningi við kommaflokkinn. Haft er eftir Ögmundi:

 

»Jafnvel þótt ég sé mjög ósáttur við þetta mál allt í grunninn, þá held ég að ef það verður yfir okkur næstu misserin og árin muni það rífa okkur á hol. Ég held að það sé komið að því að við reynum að ljúka þessu en ég geri það ekki hvað sem það kostar. Ég ætla að sjá hvaða niðurstaða kemur út úr fjárlaganefnd og mun fara rækilega í málið í þingumræðunni.«

 

Getur Ögmundur ekki verið meira sannfærandi en þetta ? Heldur hann að »nytsömu sakleysingarnir« hafi ekki stærra heilabú en fiskiflugur ? Öllum er ljóst að ekkert getur rifið Íslendska þjóð á hol nema sviksemi Icesave-stjórnarinnar. Það er borgarastríð sem getur sundrað þessari þjóð, en ekki ósætti við aumkunarverð nýlenduveldi.

 

Stuðningur við Icesave-stjórnina er að trosna upp, því að stöðugt fleiri verður ljós sviksemi hennar við hagsmuni Íslendinga. Ljóst er orðið að nýgjasti Icesave-klafinn mun verða stöðvaður í Alþingi eða í þjóðaratkvæði. Líklega mun meirihluti þingmanna skilja að þeir eiga ekki annarra kosta völ en að fella Icesave-samninga-III, eða vísa málinu beint í þjóðaratkvæði.

 

Því hafa Vinstri-grænir ákveðið, að órólega deild VG verði leyst upp. Það er þess vegna sem Ögmundur tekur nú á honum stóra sínum við blekkingar-leikinn. Ekki er lengur það borð fyrir báru að Ögmundur geti þóttst vera að gæta hagsmuna þjóðarinnar. Vinstri-grænir standa uppi kviknaktir í öllum sínum ömurleika.

 

Loftur Altice Þorsteinsson.

 

Styður Icesave að óbreyttu

Rakalaus spuni Steingríms J. um Icesave og gjaldeyrishöftin

Steingrímur J. reynir enn að þæfa áfram sinn Icesave-spuna, þvert gegn vilja þjóðarinnar og gegn framkomnum rökum. Höskuldur Þórhallsson, þingmaður Framsóknar, sagði á Alþingi í dag, "að staðan virtist vera sú að ef Icesave-samningar verði samþykktir þurfi Íslendingar að búa við gjaldeyrishöft í langan tíma" (Mbl.is). Þetta álit hans styðst við þá staðreynd, að óvissa mikil ríkir um það, hvort heildar-gervilánið geti við afléttingu gjaldeyrishaftanna rokið upp í á þriðja hundrað milljarð króna, samkvæmt ráðgjöfum fjárlaganefndar, jafnvel á fimmta hundrað samkvæmt öðru áhættumati – og þetta er óvissa sem reyndar brýtur í bága við ákvæði stjórnskipunarlaga um að skatta og lántöku-ábyrgðir ríkisins megi ekki samþykkja, sem alls óvíst sé um umfangið á.

Þar að auki er líklegt, að margir útlendingar, sem fjárfestu í ríkisskuldabréfum okkar, innleysi þau, a.m.k. að hluta, við afléttingu gjaldeyrishafta 31. ágúst nk. – þótt Steingrímur reyndi af veikum burðum að blása á þær líkur í viðtali í Rúv um daginn – og áhrifin verði þá veiking gengis krónunnar og stórhækkun hinnar ranglátu Icesave-gerviskuldar og enn meiri ríkisskulda og almennra skulda fólks og fyrirtækja.

Steingrímur sagði í svari til Höskuldar, að "ýmsir héldu því þvert á móti fram, að lausn Icesave-deilunnar sé liður í því að afnema gjaldeyrishöftin." Vísaði hann m.a. til ummæla Más Guðmundssonar seðlabankastjóra í því sambandi. Þetta voru nú gagnrökin!

Ætlast Steingrímur í alvöru til, að við tökum mark á þeim Marxista í Svörtuloftum? Hefur hans ráðgjöf til þjóðarinnar hingað reynzt rétt um meint skaðsemisáhrif þess að hafna þeim fyrri Icesave-samningum, sem Már tók afstöðu með? – Sömu hrakfallaspár bárust frá mörgum "málsmetandi mönnum" í hinni hálaunuðu verkalýðs- og atvinnurekenda-forystu, ásamt hvatningu þeirra um að borga hina ólögvörðu kröfu, og eru þeir ekki búnir að bíta úr nálinni með þá andstöðu sína við vilja þjóðarinnar.

En það er rétt hjá Ómari Geirssyni í pistli, sem mæla má með – Er ICEsave-rökstuðningurinn ekki betri en þetta??? – að það er af Steingríms hálfu ekkert svar gegn rökum þingmanna að segja, að þau séu órökstudd. Slíkt er ekki Alþingi bjóðandi, Steingrímur J. Sigfússon!

Jón Valur Jensson. 

Órökstutt að Icesave lengi gjaldeyrishöft

Ögrun Icesave-stjórnarinnar við forseta Lýðveldisins

Að gera enn einn Icesave-samninginn er ófyrirleitin ögrun við forseta landsins Ólaf Ragnar Grímsson. Við fjölmörg tækifæri og oft á erlendum vettvangi hefur Ólafur Ragnar sagt skýrt og greinilega, að Íslendingar ætla ekki að greiða Icesave – ætla ekki að gefa eftir fyrir forsendu-lausum kröfum nýlenduveldanna og efnahagslegum kúgunum.

Þrátt fyrir glæsilega höfnun þjóðarinnar í þjóðaratkvæðinu 06. marz 2010 og marg-ítrekaðar yfirlýsingar forsetans um að hann muni vísa Icesave-lögum til úrskurðar almennings, kemur Icesave-stjórnin með nýgjan Icesave-samning. Ekki er hægt að líta öðruvísi á, en að ríkistjórnin sé vísvitandi að ögra forsetanum.

Nú hefur Ólafur Ragnar stigið fram enn einu sinni og engin þarf að velkjastí vafa um að hann er að tala til Alþingis. Allir sem fylgst hafa með störfum Ólafs Ragnars vita að hann kemur ekki fram nema hann hafi til þess góða ástæðu. Fáir skynja betur hið rétta augnablik. Um leið og hann sendir Gordon Brown viðeigandi skilaboð, er hann líka að ávíta ríkisstjórnina. Hann segir:

• »Vilji Gordon Brown vera heiðvirður maður ætti hann að biðjast afsökunar á því að segja umheiminum að Ísland væri gjaldþrota land.«

Icesave-stjórnin ætti líka að biðja Íslendinga afsökunar á að vera í þjónustu Gordons Brown. Ef Steingrímur og Hr. Jóhanna væru heiðvirt fólk, myndu þau víkja tafarlaust í valdastólunum og óska eftir Alþingiskosningum. Ólafur Ragnar minnti á þá staðreynd að þjóðaratkvæðið hafði margar afleiðingar sem allar eru jákvæðar fyrir lýðræðið, fyrir ímynd Íslands og efnahag þess. Hann sagði:

• »In the end the referendum turned out to be a very good decision for ourdemocracy, for the country, for our economic position and for our relationship with Great Britain, the Netherlands and the world.«

Ef þjóðinni tekst að hrekja Icesave-stjórnina frá völdum, munum við sameiginlega leysa þau vandamál sem við blasa. Auk þess að hrekjanýlenduveldin af höndum okkar, munum við hafna hugmyndum um innlimun landsins í Evrópuríkið. Við munum hefja nýgja sókn til hagsældar fyriralmenning.

Loftur Altice Þorsteinsson. 

Synjun Icesave-laganna "mikilvægasta ákvörðun sem hann hafi tekið á forsetaferli sínum," segir herra Ólafur Ragnar Grímsson í heimsblaði

„Vilji Gordon Brown vera heiðvirður maður ætti hann að biðjast afsökunar á því að segja umheiminum að Ísland væri gjaldþrota land," segir forseti Íslands í viðtali við Wall Street Journal, ennfremur að Brown ætti að biðja Íslendinga afsökunar á framkomu sinni í garð Íslendinga í bankahruninu í október 2008.

• Hann segir að rætt hafi verið um það á þeim tíma hvort Ísland ætti að höfða mál gegn breskum stjórnvöldum. „En nú gengur okkur betur, efnahagslega, en mörgum Evrópuríkjum," segir Ólafur. 
• Viðtalið fjallar að stórum hluta um Icesave-málið og ákvörðun Ólafs um að synja Icesave-lögunum staðfestingar í janúar 2010. Segir Ólafur að frá pólitískum og stjórnskipunarlegum sjónarhóli sé það mikilvægasta ákvörðun, sem hann hafi tekið á forsetaferli sínum og hún hafi sparað Íslendingum mikið fé.

Takið eftir þessu! Og hverjir börðust harðast gegn forsetanum í þessu máli – já, af ótrúlegri óbilgirni – aðrir en einmitt núverandi Icesave-ríkisstjórn? Við ættum öll, sem komumst, að skunda niður á Austurvöll í dag, þar hefjast fjöldamótmæli gegn stjórnvöldum kl. 16.30.

• Hann segist ekki vilja tjá sig um nýtt Icesave-samkomulag, sem nú er til meðferðar á Alþingi. Þingið eigi rétt á að ræða málið án þess að forsetinn skipti sér af því.   
• Í viðtalinu er einnig fjallað um aðildarviðræður Íslands við Evrópusambandið. ...

segir ennfremur í þessari frétt Mbl.is, sjá nánar þar (tengill neðar). 

Viðtalið við Wall Street Journal er hér!

Jón Valur Jensson. 

Brown ætti að biðjast afsökunar

Baldur Ágústsson: Opið bréf: Nokkrar einfaldar spurningar til forsætisráðherra.

 

 

LÝÐRÆÐI 

Þegar skoðuð er stefna núverandi stjórnarflokka í  samstarfssamningi, samstarfsyfirlýsingu og málflutningi þeirra  fyrir síðustu kosningar er ljóst að háleit markmið og umhyggja  fyrir þjóðinni voru í efsta sæti. Meirihluti kjósenda fagnaði  þessu og gerði með atkvæðum sínum kleift að mynda 

“norræna velferðarstjórn í besta skilningi þess orðs” svo vitnað sé í samstarfsyfirlýsingu ríkisstjórnarinnar. 

 

Fyrir utan – og sem hluti af – skjaldborg heimilanna, hjól  atvinnuveganna og óskert velferðarkerfi, voru fyrirheit um  gegnsæja stjórnarhætti, góða upplýsingagjöf og virkara beint  lýðræði. Það síðastnefnda var skýrt þannig að frambjóðendur,  ef kjörnir, myndu hlusta á þjóðina, taka tillit til skoðana 

hennar og ekki síst: Lítill hluti kjósenda gæti krafist – og  fengið – þjóðaratkvæðagreiðslu um einstök mál þmt. þingrof og nýjar kosningar. Nefnt var að 10-15% kjósenda þyrfti til. 

 

Eftir langvarandi auðmannadekur, misskiptingu  auðs og einkavæðingarfár var þetta einmitt það  sem fólk almennt vildi. Þetta var það sem  stjórnarflokkarnir seldu þjóðinni – og hún keypti með atkvæðum sínum. 

Spurt er: Hvenær fer afhending hins selda fram? 

Hví hafa reglur ekki verið settar um rétt kjósenda til að fara fram á 

þjóðaratkvæðagreiðslu í samræmi við fyrrnefnd fyrirheit? Ljóst er að líklega verður slíkt sett í  nýja stjórnarskrá. Hún getur hinsvegar – eins  og reynslan sýnir - verið mörg ár í burðarliðnum og eftir því er ekki hægt að bíða – allra síst nú þegar taka þarf stórar ákvarðanir um framtíð þjóðarinnar. 

Ekkert hindrar alþingi/ríkisstjórn í að setja reglur um þetta í samræmi við fyrirheitin. 

Um leið og ég spyr hvaða fyrirætlanir hafa valdhafar um að standa við orð sín, þá skora ég á þá að gera það nú þegar. Þetta er einfalt og fljótlegt; vilji er allt sem þarf. 

 

ICESAVE 

Frá því að þjóðin felldi Icesave-samninginn, í þjóðaratkvæðagreiðslu, eru nú liðnir um 10 mánuðir. Að sögn stjórnvalda var þar besti fáanlegi samningur sem mögulegt væri að ná. 

1. Hvernig stendur á því, eftir að “besti fáanlegi samningur” var felldur af þjóðinni, að íslensk stjórnvöld héldu áfram viðræðum við Holland og Bretland – sem leiddi til þess samningsuppkasts sem nú liggur á borðinu ? 

a. Óskaði Alþingi eftir því – ef svo, óskast tilvísun í þingskjöl. 

b. Ákvað ríkisstjórnin það sjálf, og ef svo: Hversvegna? 

2. Hver hefur kostnaður þjóðarinnar/ríkisins verið – að öllu meðtöldu – þessa tíu mánuði – við viðræður og annað er snertir undirbúning hinna nýju samningsdraga? 

a. Sundurliðað. 

b. Samtals. 

3. Hver er allur kostnaður við Icesave-viðræður orðinn frá upphafi samningsviðræðna til áramóta nú - 2010/11? 

4. Hyggjast stjórnvöld leggja hinn nýja Icesave-samning í dóm þjóðarinnar – og við hvaða meirihluta á þá að miða til samþykktar? 

[...]

 

BÖRNIN OKKAR, sem ganga stolt undir íslenskum fána, eiga þau skilið að við bindum þeim illviðráðanlega skuldabagga og seljum fullveldi þeirra í eigingjarnri tilraun til að losna sjálf undan tímabundnum óþægindum? 

[...]

 

Svar óskast sent hið fyrsta til undirritaðs, svo og Morgunblaðinu til birtingar. 

Reykjavík, 4.1.2011 

Baldur Ágústsson 

Höf. er fv. forstjóri og forsetaframbjóðandi 

www.landsmenn.is - [e-mail]

 

Þessir hlutar greinarinnar eru endurbirtir hér með góðfúslegu leyfi höfundar. Í öðrum hlutum þessarar mjög svo athyglisverðu greinar, sem birtist í Morgunblaðinu í nýliðinni viku, fjallar höf. um ESB-málið og fleira.

Sérfræðiálit fjármálasérfræðinga til Alþingis: "Kostnaður gæti orðið 230 milljarðar" af Icesave-III

Þessi frétt skar sig úr á Rúv í dag, miðað við fyrri fréttaflutning þar.

• Sérfræðiálit, sem unnið var að beiðni fjárlaganefndar Alþingis, metur kostnað ríkissjóðs vegna nýja Icesave-samningsins á bilinu 25-230 milljarða króna. Þá er talið að samningurinn muni ekki hafa teljandi áhrif á ríkisfjármálin gangi áætlanir um endurheimtur á eignum Landsbankans eftir og gengi krónunnar haldist óbreytt.
• Fjárlaganefnd Alþingis fjallaði ítarlega um nýja Icesave-samninginn á fundi sínum í vikunni. Fjárlaganefnd fól tveimur fyrirtækjum fjármálasérfræðinga að meta kostnað ríkissjóðs af samningunum, og sátu fulltrúar fyrirtækjanna fyrir svörum á fundi nefndarinnar í fyrradag. Álit fyrirtækjanna voru nánast samhljóða. Sérfræðiálit GAM-Management, sem er annað fyrirtækið sem vann álit fyrir nefndina, gerir ráð fyrir að kostnaður ríkissjóðs vegna samningsins verði á bilinu 25-230 milljarða króna. Valdimar Ármann er hagfræðingur hjá GAM-Management og hafði yfirumsjón með áliti fyrirtækisins. Hann segir álitið byggt á sviðsmyndagreiningu þar sem eru gefnar forsendur um þróun krónunnar og þróun á endurheimtum úr þrotabúi gamla Landsbankans. Þetta séu þær tvær áhættur sem ráði hvað mestu um niðurstöðunnar; styrking og veiking krónunnar og hraði og upphæð endurheimtanna.
• Miðað við núverandi gengi íslensku krónunnar og áætlanir um endurheimtur á eignum Landsbankans, er gert ráð fyrir að kostnaður ríkissjóðs vegna Icesave-samningsins verði um 87 milljarðar króna og hann verði greiddur að fullu árið 2017, en um 20 milljarðar króna eru nú þegar til vegna trygginga á innistæðum. Valdimar segir að miðað við stöðuna í dag, ætti ríkissjóður að geta staðið undir samningnum. Lítið þurfi þó til að illa fari. Ef krónan veikist eða ef innheimtur úr þrotabúinu verða litlar, þá geti kostnaður ríkisins vegna Icesave aukist verulega.
• [e-mail].  (Kostnaður gæti orðið 230 milljarðar)
• Fyrst birt: 15.01.2011 12:34 GMT. Síðast uppfært: 15.01.2011 13:21 GMT.

Frétt þessi er þegar farin út af aðalsíðu Rúv. 

Það er svolítið merkilegt að velta því fyrir sér, af hverju þessi frétt birtist þar í dag. Undirrituðum kom fyrst í hug: Eru Rúvarar að bæta fyrir Icesave-stefnu-málflutninginn sem þar hefur verið svo áberandi í þessari viku? Ítrekað hafa þeir gefið tilefni til gagnrýni á sig hans vegna, sbr. það sem hefur verið skrifað hér um afar ójafnvægiskenndan fréttaflutning þeirra af álitgjörð InDefence-manna um Icesave-III og lögfræðinganefndarinnar í þokkabót (sjá hér neðar á síðunni) – já, hlutdrægan fréttaflutning, svo vægt sé tekið til orða.

En þeir eru ekki líklegir til iðrunar, Rúv-fréttamenn, sem eru undir stjórn Óðins Jónssonar. Þegar undirritaður áttaði sig á því, að það var María Sigrún Hilmarsdóttir sem sá um þessa frétt og fréttastjórn Rúv í hádeginu í dag, þá rann það upp fyrir honum, að þarna hefur helgarfréttavakt hennar sennilega bjargað því, að þetta komst þar á framfæri, en María Sigrún kemur úr Sjálfstæðisflokknum, sem er líklega ekki í mun að bera ábyrgð á Icesave-stefnu núverandi stjórnvalda.

En forsendurnar eru enn, í þessum útreikningum, að gengið haldist nánast óhaggað. Þótt það sjáist ekki í þessari netfrétt Rúv, talaði þessi Valdimar Ármann hagfræðingur um það í viðtali í þessari frétt í hádeginu, að þarna væri gert ráð fyrir 1% gengissigi krónunnar á ári (ef undirritaður heyrði það rétt). En gengið hefur hækkað um a.m.k. 10% á árinu 2010 og gæti leikandi fallið um 5% eða mun meira á komandi misserum, sér í lagi ef gjaldeyrishöftin verða afnumin.

Morgunblaðið fekk í desember stærðfræðing til að leggja mat á hugsanlega greiðsluupphæð miðað við að Icesave-III-samningurinn yrði samþykktur, og þar kom fram, að áhættan gæti orðið jafnvel snöggtum meiri en þessir 230 milljarðar sem hér er talað um. 

Jón Valur Jensson. 

Einbeittur brotavilji?

Hver skilur ákafa þingmanna ríkisstjórnarinnar við að reyna að svíkja yfir þjóðina enn einn drápsklyfjabaggann vegna upploginnar skuldar Icesave, sem á ekki að greiðast með neinum peningum öðrum en þeim sem hægt er að kreista út úr þrotabúi Landsbankans?

Og það í þriðja sinn eftir að stjórnvöld hafa verið rekin til baka tvívegis með handónýta samninga. Í seinna skiptið var það forsetinn og þjóðin sem sáu um rassskellinguna. Ekki verður betur séð en að um einbeittan brotavilja sé að ræða hjá ríkisstjórninni að svíkja yfir þjóðina skuldabagga sem öll lög, bæði alþjóðleg og innlend, segja að henni ber ekki að taka á sig.

Landsbankinn var einkabanki og samkvæmt kröfurétti ber þeim sem eiga inni ógreidda reikninga hjá einkafyrirtækjum í greiðsluþroti að beina kröfum sínum til þrotabúa umræddra fyrirtækja. Ekki til gömlu konunnar í næsta húsi, þó hún kunni að eiga eitthvert smá-sparifé.

Theódór Norðkvist.

 

Bæta má við, að fjármálaráðherrann hyggst leggja 26,1 milljarðs króna álögur á þjóðina á þessu ári, fram hjá fjárlögum, allt vegna vegna Icesave (lesið um það HÉR!), og tekur fram um sama leyti, að ríkissjóður hafi ekkert svigrúm til kjarabóta fyrir launamenn með lausa samninga!

Ólögvarin krafa gamalla nýlenduvelda er þannig tekin fram yfir hag alþýðu!

Fylkjum liði gegn þessari Icesave-stjórn í mótmælunum á Austurvelli, þegar Alþingi tekur aftur til starfa, síðdegis á mánudaginn eftir helgi!

Jón Valur Jensson.

Segir Icesavevinnu ganga vel

Grunnhyggnir og gæfulausir lögfræðingar

Hvers vegna halda menn, að fengnir hafi verið fjórir lögfræðingar til að gefa sameiginlegt álit ? Auðvitað vita allir svarið, en það er til að álitið gefi óskýra mynd, sem hægt er að túlka eins og hverjum sýnist. Hvers vegna Stefán Már Stefánsson lætur draga sig svona niður í svaðið er stóra spurningin. Allir vita að Stefán Geir Þórisson er ómerkingur.

Fyrir þetta »Tetraktys« voru lagðar sjö spurningar og ekki ætlast til að út fyrir þær væri vikið. Þær voru:

 

A.    Hvað tæki við ef samkomulag um Icesave verður ekki staðfest ?

 

B.   Hvert er mat á dómstólaleiðinni, kostar og gallar ?

 

C.   Ef samningar takast ekki og gert er ráð fyrir að samnings-brotamál ESA myndi halda áfram og ganga til EFTA-dómstólsins, hver myndi vera líkleg niðurstaða EFTA-dómstólsins ? Að því gefnu að þar gangi áfellisdómur, hver myndu vera líkleg lagaleg og pólitísk áhrif þess ?

 

D.   Dómar EFTA-dómstólsins eru ekki aðfararhæfir. Bregðist stjórnvöld ekki við þeim verður að ætla að Bretar og Hollendingar gætu stefnt kröfum sínum fyrir íslendska dómstóla. Hvernig yrði kröfum Breta og Hollendinga komið fyrir íslendska dómastóla og hver yrðu talin líkleg úrslit í slíku máli ? Hver eru líkleg lagaleg og pólitísk áhrif áfellisdóms í slíku máli ?

 

E.    Áhætta vegna neyðarlaga og hvaða máli skiptir nýleg ákvörðun ESA varðandi þau ?

 

F.    40.gr. Stjórnarskrárinnar og heimildir til að semja á þann hátt sem fyrir liggur.

 

G.   Gjaldfellingar- og vanefnda-úrræði í drögum að samkomulagi um Icesave.

 

H.   Ríkisábyrgð, greiðsluskylda. Að teknu tilliti til skýrslu rannsóknarnefndar Alþingis er þess óskað að fjallað verði um heimildir Alþingis samkvæmt 40.gr. Stjórnarskrárinnar til þess að veita ríkisábyrgð á þeim skuldbindingum og greiðslum sem drög að samkomulaginu kveður á um.

 

 

 

Þegar þessar spurningar Fjárlaganefndar Alþingis (Icesave-stjórnarinnar) eru skoðaðar, blasir við ósiðlegur tilgangur og glórulaus undirgefni við nýlenduveldin. Engum spurningum eru beint til lögfræðinganna varðandi alvarlegustu afleiðingar af gerð Icesave-samninga-III og stöðu deilunnar allmennt. Þessar spurningar snúa að þrennu:

 

 

1.    Fullveldishafanum – þjóðinni og forseta Lýðveldisins, sem fulltrúa almennings. Vitað er að forsetinn mun vísa hugsanlegum ábyrgðarlögum til úrskurðar fullveldishafans – þjóðarinnar. Jafnframt er vitað að almenningur mun hafna slíkum lögum. Augljóst ætti að vera að þessi staða mun hafa áhrif á afgreiðslu Alþingis og það með réttu.

 

2.    Mistökum Icesave-stjórnarinnar sem þarfnas trannsóknar.Allur ferill Icesave-deilunnar er markaður mistökum ríkisstjórnarinnar og sú staða sem nú er uppi er miklu erfiðari sökum þessara mistaka. Spyrja hefði átt, hvernig þessi mistök verða bezt leiðrétt og hvernig breyta ætti samskiptum við nýlenduveldin.

 

 3. Efnahagsstríði nýlenduveldanna gegn Íslandi.  Hvaða samskipta-reglur hafa nýlenduveldin brotið með efnahagstríði sem staðið hefur yfir og sem þau hóta framhaldi á. Hvaða leiðir eru færar til að snúa vígstöðunni Íslandi í vil og hefja sókn í stað stöðugs undanhalds valdstjórnarinnar á Íslandi.

 

 

Að auki er það sérkennilegt að biðja lögfræðingana um álit á pólitískum viðbrögðum nýlenduveldanna, ef þeim er ekki sýnd undirgefni, en ekki er leitað álits á pólitískum viðbrögðum almennings á Íslandi, ef Icesave-klafanum verður nauðgað honum á herðar.

 

Loftur Altice Þorsteinsson. 

[Jón Valur Jensson.]

 

Bæta má við, að fjármálaráðherrann hyggst leggja 26,1 milljarðs króna álögur á þjóðina á þessu ári, fram hjá fjárlögum, allt vegna vegna Icesave (lesið um það HÉR!), og tekur fram um sama leyti, að ríkissjóður hafi ekkert svigrúm til kjarabóta fyrir launamenn með lausa samninga!

Ólögvarin krafa gamalla nýlenduvelda er þannig tekin fram yfir hag alþýðu!

Fylkjum liði gegn þessari Icesave-stjórn í mótmælunum á Austurvelli, þegar Alþingi tekur aftur til starfa, síðdegis á mánudaginn eftir helgi!