Þingmenn mega ekki láta kefla sig í umræðunni fyrir þjóðaratkvæðið né láta blekkjast af Lárusi Blöndal

Það er rétt hjá Sigmundi Davíð Gunnlaugssyni að hafa opið á að beita sér gegn Icesave-samningnum í þjóðaratkvæðagreiðslunni 9. apríl og vitaskuld óháð því, hvað Siv Friðleifsdóttir gerir, en hún sat hjá þegar greidd voru atkvæði um Icesave-frumvarpið á Alþingi um miðjan mánuðinn. Sigmundur hefur gagnrýnt þversagnir í málflutningi stjónvalda, sagði m.a. í þingumræðunni:

• "... það kom ekki þessi ísöld sem Samfylkingin talaði um. Þvert á móti telst Ísland núna vera traustari lántakandi en Spánn. Skuldatryggingarálag Íslands hefur lækkað jafnt og þétt frá því að gamla Icesave-samningnum var hafnað."

Nú bíður þessa skarpa manns, Sigmundar Davíðs, það verkefni að vega og meta og leggja dóm á glæfralegan málflutning Lárusar L. Blöndal í Silfri Egils í dag – málflutning sem trúlega hefur átt að slá vopnin úr höndum andstæðinga samningsins, en mun reynast honum sjálfum tvíbent vopn í hendi við að mæla með samningnum, því að þar fór Lárus út fyrir svið sitt sem lögfræðingur, fór að leggja pólitískt mat á hluti eins og gengisþróun o.fl. og leiðrétti ekki rangmæli sín um að lögsagan í málinu héldist íslenzk – en hún yrði undir dómstóli í Hollandi og skv. enskum lögum! (sjá blogg JVJ).

Það versta í þættinum hjá Lárusi var reyndar hræðsluáróður hans um að háar fjárhæðir gætu verið dæmdar á okkur í vöxtum sem öðru, en þær fullyrðingar hans eru í megnri mótsókn við það, sem Reimar Pétursson hrl. hefur upplýst og vitaskuld þá staðreynd, að það eru íslenzkir dómstólar, sem hefðu síðasta orðið í öllum dómsmálum. Þeir munu EKKI dæma á okkur hærri vexti en í íslenzkum málum og EKKI neina vexti fremur en í ýmsum sambærilegum tilfellum og heldur ekki frá upphafs-kröfutíma, heldur trúlega frá dómsuppkvaðningu, ef málin enduðu á annað borð í fébóta-úrskurði (sem er ekki fyrir fram líklegt, jafnvel Lárus hefur góða trú á, að mál ESA falli í EFTA-dómstólnum) og í vaxtakröfu-úrskurði.

Jón Valur Jensson.

Gæti beitt sér í Icesave-deilunni

Athugasemdir

[Loftur Altice Þorsteinsson (IP-tala skráð) 27.2.2011 kl. 17:34]

Meginatriði málsins eru ljós og þú gerir góða grein fyrir þeim Jón Valur. Stjórnmálamenn geta auðvitað ekki vikið sér undan að taka þátt í orustunni um sjálfstæði Íslands. Þetta á sérstaklega við um þá sem berjast fyrir hagsmunum Íslendinga og þegar við blasir að ESB-sinnar ætla ekki að halda sig til hlés.

Lárus L. Blöndal er sérstakur kafli, sem líklega er mörgum undrunarefni. Hann hefur góðan skilning á að Ísland er með unna stöðu í Icesave-deilunni. Lagalega og siðferðilega er sigur Íslands öruggur, en pólitískt mat Lárusar er fordæmanlegt. Vitað er að það ræðst af vinfengi hans við Bjarna Benediktsson.

Verst er þó að Lárus hefur flutt vísvitandi blekkingar og um það má til dæmis lesa hér:

Telur Lárus Blöndal að sjálfstæði Íslands sé lítils virði ?

 

[Helga Kristjánsdóttir, 27.2.2011 kl. 18:24]

 Loftur ekki get ég krafið ykkur um meira,,eins og þið eruð búnin að vinna í okkar þágu. Eftir sjónvarpsþætti dagsins,finnst mér orðið mjög brýnt að,einhver ykkar komi fram í ljósvakamiðlum og hnekkið þeim hluta málsins,sem við erum ósammála. Það vantar raddir,en er kanski tilætlunar semi að fara fram á það  við ykkur.    Væri þetta minna mál ,væri mér skapi næst að hafa það eins og þær fullfrísku lyddur,sem vilja una kúguninni; ,,sem draga andann,en eru DÁNIR.,, 

[Nafnlausi (IP-tala skráð) 27.2.2011 kl. 18:55]

Hvað veit Reimar allt í einu um þetta mál? Tja... fyrir utan að vera viðskiptafélagi Bjögganna og hafa Jón Steinar sem sinn mentor!

[Loftur Altice Þorsteinsson (IP-tala skráð) 27.2.2011 kl. 19:25]

Reimar tefldi fram rökum og undir réttu nafni. Hann sýndi skýrari hugsun og djarfari framgöngu en sumir aðrir.

[thin (IP-tala skráð) 27.2.2011 kl. 21:26]

Eigum við ekki von að þú komir þér af landi brott þegar við erum búin að samþykkja Icesave...?

[Jón Valur Jensson, 27.2.2011 kl. 23:31]

Hvað eruð þið að birtast hér, nafnlausar gungur og neðanbeltishöggvarar?

Reimar Pétursson hefur staðið sig glæsilega í þessu máli, strax í tveimur fjölmiðlum (í Kastljósi og Mbl. daginn eftir), ég mæli sérstaklega með viðtali Ívars Páls Jónssonar við hann í síðarnefnda fjölmiðlinum, miðvikud. 23/2, bls. 14: 'Dómur EFTA-dómstólsins ekki aðfararhæfur hér'. Þar koma t.d. fram þær staðreyndir, sem gera víðáttudjarfar fullyrðingar Lárusar Blöndal í Silfrinu í dag um allt upp í 7% vexti af ólögvörðu lygaskuldinni að hreinni fantasíu eða óttaspili manns sem misst hefur fótanna í skynsamlegum útreikningum.

[Jón Valur Jensson, 27.2.2011 kl. 23:36]

En auðvitað lapti hún þetta upp eftir honum, fréttakonan í Sjónvarpinu í kvöld, þann hræðsluáróður, enda sú hin sama sem berað hafði Icesave-stefnu-meðvirkni sína í málflutningi sínum á Bessastöðum sunnudaginn 20. þ.m.