SNIÐUGUR STEINGRÍMUR.

Ég man hvað mér brá hrikalega þegar Steingrímur J. kom fram opinberlega fyrir höfnun ICESAVE 3 og sagði að hann og Jóhanna væru best til þess fallin að gæta hagsmuna okkar ef við felldum kúgunarsamninginn og málið færi fyrir dómstóla.  Kannski sagði hann það almennar og ekki orðrétt svona, enda færi hann aldrei að kalla glæsisamninginn kúgunar-neitt.  

Man líka hvað ég skrifaði undir pistli ekki löngu eftir að við felldum ICESAVE 3: Núverandi stjórnarflokkar ættu ekki að vera að tala máli okkar núna enda geta þeir það ekki.  ALLS EKKI.  Það mun aldrei ganga og þau munu bara verja óverk þeirra sjálfra eftir að hafa ætlað að koma nauðunginni yfir okkur.

En það var undir mínum síðasta pistli: FORSETINN OKKAR STERKASTI LEIÐTOGI.


AMX skrifaði um drepfyndni Steingríms:

Brandari Steingríms J: Við erum best til þess fallin að gæta hagsmuna Íslands

Og get ekki sleppt þessu:

Ólafur Ragnar rúllar Jóhanni Haukssyni upp

 

Elle Ericsson.

Athugasemdir

[Jóna Kolbrún Garðarsdóttir, 17.4.2011 kl. 23:40]

Ég hef miklar áhyggjur af því hvernig Steingrímur og Jóhanna þykjast hafa vit fyrir þjóðinni, ekkert af því sem þau hafa sagt hefur reynst satt.  Þau ljúga bæði blákalt að þjóðinni, til þess að þjóna hverjum?  Maður spyr sig oft hvaða hagsmuna þau gæta, það er öruggt að almenningur þessa lands er ekki þar á meðal...

[Libertad, 18.4.2011 kl. 00:20]

Við hverju er að búast frá Jóhanni Haukssyni, sem er einn aðalgaurinn í náhirð Reynis Traustasonar á sorpblaðinu DV? Jóhann er ekki beittasti hnífurinn í skúffunni og að hann skuli kalla sig blaðamann er móðgun við alvöru blaðamenn.

Að grípa fram í fyrir Ólafi, ekki einu sinni heldur tvisvar, meðan Ólafur var eina ferðina enn að svara sömu spurningum Jóhanns, sem ekki hafði kveikt á perunni þegar honum var svarað síðast, er auðvitað rakinn dónaskapur og sæmir aðeins hrokafullum blaðasnápum sorapressunar.  

[Sigurður (IP-tala skráð) 18.4.2011 kl. 01:16]

Reykjavík síðdegis á Bylgjunni spurði 11. apríl: Treystir þú ríkisstjórninni til að reka málsvörn Íslands í hugsanlegum Icesave-málaferlum? Nei sögðu 74%. Þetta er að minnsta kosti vísbending um, að Árni Páll, Steingrímur og Jóhanna hafi lítið traust í þessu máli. Ef eitthvað mistekst eða gleymist, er ábyrgðin 100% þeirra, nema þau beri gæfu til að leita samráðs við alla stjórnarandstöðuna (þar á meðal Atla, Lilju og Ásmund Einar) og helztu andstæðinga Icesave utan þings. Þá er ekki átt við það samráð að leyfa þessu fólki að fylgjast með framgangi málsins, heldur leita eftir tillögum og fara eftir þeim, nokkurn veginn fyrir opnum tjöldum.

[Libertad, 18.4.2011 kl. 01:30]

"Þá er ekki átt við það samráð að leyfa þessu fólki að fylgjast með framgangi málsins, heldur leita eftir tillögum og fara eftir þeim, nokkurn veginn fyrir opnum tjöldum."

Sigurður: Hvenær hefur íslenzk ríkisstjórn nokkurn tímann farið eftir tillögum stjórnarandstöðunnar eða yfirleitt tillögum nokkurra annarra en sinna eigin spunameistara? Það virðist vera innbyggður í stjórnmálakerfið hér sá misskilningur, að þeir sem stjórna hverju sinni viti og kunni alltaf allt og enginn annar neitt. Engin furða þótt allt sé stopp með svona andskotans viðrini og besserwissera í ráðherrastólunum.

[Elle_, 22.4.2011 kl. 23:41]

Kæra fólk, þakka ykkur og fyrirgefið hvað ykkur var svarað seint.  Hverjir ætli vilji að ICESAVE-STJÓRNIN reki málsvörn okkar á erlendri grundu?  Fjarstæðulegt að þau geti það fyrst núna, þau hafa engan vilja sýnt síðan þau komust til valda.  Og þau færu ekki fyrst núna í neinni alvöru að hafa samráð við nokkurn mann utan Jóhönnuflokksins.