Forseti Íslands stendur sig með glæsilegum hætti í þessum skrifuðum orðum á Bessastöðum

Sóknar í þágu málstaðar Íslands er okkur nú þörf og víðtækrar kynningar á honum á alþjóðavettvangi. Um það voru fulltrúar flokkanna á Alþingi sammála í Silfri Egils, þótt afstaða þeirra sé að öðru leyti ólík. Herra Ólafur Ragnar Grímsson talar nú máli Íslands með glæsilegum hætti í þessum skrifuðum orðum á Bessastöðum – leggur málefnalega fram sterk rök okkar, bendir t.d. á gríðarlegar fjárhæðir sem Bretar og Hollendingar fái úr eignasafni Landbankans, afar háar upphæðir alþjóðlega hvort heldur taldar eru í dollurum eða pundum, og hann styður og mælir með rétti og réttlætissýn þjóðarinnar í ávarpi sínu.

Í svörum við spurningum fréttamanna verst hann fimlega og faglega augljósum skotum sumra þeirra, sem ekki verður meira úr en hjá Jóhanni Haukssyni blaðamanni á fréttamannafundinum fræga á sama stað í febrúar, þegar forsetinn vísaði málinu í þjóðaratkvæði.

Fundinum er ekki lokið, þegar þetta er ritað, við eigum eftir að skrifa meira um hann, en færum forseta Íslands innilegar þakkir félagsmanna Þjóðarheiðurs – samtaka gegn Icesave fyrir frammistöðu hans og vörn fyrir rétt og hag íslenzkrar þjóðar.

F.h. samtakanna, Jón Valur Jensson, formaður. 

Ekki tilefni til kosninga

Athugasemdir

[Óskar Helgi Helgason (IP-tala skráð) 10.4.2011 kl. 17:44]

Komið þið sæl; félagar í Þjóðarheiðri, æfinlega !

Og; til hamingju með áfangasigurinn, í gær.

Jón Valur !

Þakka þér fyrir; þessa grein - sem alla varðstöðu, undanfarin ár.

Víst; hefði verið skemmtilegt, að Ólafur hefði sett klíku Jóhönnu og Steingríms til hliðar, á hinum ágæta blaðamannafundi, og skipað okkur vænlega utan þingsstjórn, en vera má, að hann vilji, fyrir gæzku sakir, gefa Reykjavíkur Rauðliðunum kost á, reyna að dragnast á lappirnar, einhverjar vikur.

En; þær vikur, mega heldur ekki, verða margar, gott fólk.

Með beztu kveðjum; sem jafnan /

Óskar Helgi Helgason 

[Þórólfur Ingvarsson, 10.4.2011 kl. 21:23]

Til hamingju, Það fer þannig eins og þú sagðir minn ágæti Jón Valur, réttlætið hefur sigur að lokum

[Jón Valur Jensson, 11.4.2011 kl. 16:30]

Hjartans þakkir, báðir tveir, sem staðið hafið með okkur í baráttunni.!