Það sem Vala Andrésdóttur Withrow skrifar verða allir að lesa

• "Það er alveg sama hvernig Icesave er pakkað inn, innihaldið alltaf það sama - frekari kollvörpun stjórnarskrárinnar og íslensks lýðveldis í þágu erlendra hagsmuna. Íslendingar eru betri þjóð en svo að láta jafn blygðunarlaust óréttlæti líðast, hvort heldur innanlands eða utan.
• Versta frelsi er betra en besti þrældómur.
• Góðar stundir."

Þetta eru lokaorð lögfræðingsins íslenzka vestan hafs, Völu Andrésdóttur Withrow, í vefgrein hennar sem var að birtast uppfærð og endurskoðuð undir heitinu Náttúruréttur Íslendinga.

Vala talar sem fyrr til hjarta fólks og skilnings. Þessi grein hennar leiðir miklu betur í ljós rök sannrar stjórnspeki og réttarhyggju heldur en endalausar umræður, eins og þær tíðkast hér gjarnan.

Það má geta þess í framhjáhlaupi, að innlegg Skúla Magnússonar, lögvísindamanns og ritara EFTA-dómstólsins, í Spegli Rúv á nýliðnu kvöldi, var sömuleiðis dæmi um afar þroskaða réttarhyggju og virðingu fyrir grunnrétti manneskjunnar og nauðsyn aðhalds að framkvæmda- og löggjafarvaldi. Það var ánægjulegt að átta sig á því, að þessi maður á sæti í stjórnlaganefnd, sem lætur sig varða breytingar á stjórnarskránni. Reifun hans á málum og hans eigin tillögur gefa sannarlega vonir um, að hugsanlega verði hægt að komast hjá því, að vildarhyggja (voluntarismi), valdsmennska og lögfræðilegur pósitívismi (andstætt náttúrurétti) verði ofan á við endurskoðun stjórnarskrárinnar.

Jón Valur Jensson.

Athugasemdir

[Daníel Sigurðsson, 9.4.2011 kl. 06:10]

Já hún Vala þessi hittir einmitt naglann a höfuðið er hún segir:

Það er alveg sama hvernig Icesave er pakkað inn, innihaldið alltaf það sama

Þess vegna ÁFRAM NEI við Icesave!       Máli mínu til áréttingar grein eftir mig á visir.is í gær:     http://dansig.blog.is/blog/dansig/entry/1157446

Sorglegt að hin ágæta Vigdís virðist hafa fallið fyrir hégómagirndinni að komast í sviðsljósið. Líklega var hún orðin svolítið afbrýðisöm út í sitjandi forseta?