GERA ÆSKU LANDSINS AÐ ÞRÆLUM.

    Drengir í vinnuánauð.

Hollustumenn ICESAVE ánauðarinnar ættu að hætta að nota það sem rök fyrir þrældómi barna okkar hvað embættismenn og stjórnmálamenn í fyrri stjórnum lofuðu einu sinni útlendingum.  Og nota orð manna og viljayfirlýsingar sem aum og léleg rök fyrir að núna megi gera æsku landsins að nýlenduþrælum evrópskra stórvelda.

Ekki nokkru máli skiptir hvað pólitíkusar hafa lofað erlendum veldum, orð þeirra eru ekki og voru aldrei lög og gera ekki börnin okkar ábyrg fyrir geggjuðum glæpamannaskuldum.  Ekki einum eyri, hvað þá hundruðum eða þúsundum MILLJARÐA (1 milljarður = 1000 milljónir fyrir manneskjur eins og Jóhönnu sem rugla saman milljónum og milljörðum).  Og svo koma ríkisstjórnarhagfræðingar eins og Guðmundur Ólafsson, Gylfi Magnússon og Þórólfur Matthíasson og halda fram opinberlega þeim rakalausa þvættingi að ef við tökum ekki á okkur milljarða glæpinn muni það skaða okkur fjárhagslega.  Og ætla að kenna forsetanum um.  Fara alla leið til útlanda til að ljúga þessu.

Óvitrir og skaðlegir embættismenn og stjórnmálamenn hafa ekki það vald að brjóta lög og stjórnarskrá og veðsetja okkur að þeirra geðþótta og með valdi og gegn okkar vilja.  Nú verður að fara að stoppa þessa hættulegu stjórnmálamenn.  Málið snýst um að lögsækja lögbrjótana og fella ólögin með öllum ráðum.

Hef aldrei getað skilið hví enginn lögmaður eða hópur lögmanna, eða saksóknari ríkisins, hafi ekki kært neina stjórnmálamenn fyrir ICESAVE GLÆPINN.  Stjórnmálamenn ganga um og brjóta lög og stjórnarskrá og vaða yfir Hæstarétt og komast upp með það.  Stórskrýtið er það land þar sem það viðgengst að brjóta mannréttindi og það gegn lögum og stjórnarskrá landsins.

Engir peningar eru í ríkissjóði fyrir nauðunginni, enda er verið að loka sjúkrahúsum og ætlunin var að segja upp yfir 900 spítalastarfsmönnum fyrir langtum minni fjárhæð en ICESAVE OPNI OG ÓVISSI TÉKKINN yrði í besta falli.  Og þúsundir manna hafa flúið land.  Það eru ærulausir foreldrar og ærulausir menn sem þora ekki að standa upp gegn valdníðslu pólitíkusa og kjósa frekar að sættast bara á í fáfræði og roluskap að gera æsku landsins að vinnuþrælum.

NEI OG AFTUR NEI.

Elle Ericsson.

Taldi synjunina auka atvinnuleysi

Athugasemdir

[Jóna Kolbrún Garðarsdóttir, 27.2.2011 kl. 01:06]

heyr, heyr....

[Friðrik Hansen Guðmundsson, 27.2.2011 kl. 01:16]

Við verðum að gera okkur grein fyrir því að kröfuhafar í þrotabú gömlu bankana sem eru öll helstu fjármálafyrirtæki heims eru nú með í gangi málaferli sem ætlað er að hnekkja neyðarlögunum.

Færustu lögspekingar heims vinna nú að því að fá neyðarlögunum hnekkt. Verði neyðarlögunum hnekkt þá eignast þessir kröfuhafar þrotabú Landsbankans. Verðmæti þess er um 1.200 milljarðar. Þessir aðilar munu ekki gefa þessa 1.200 milljarða eftir baráttulaust.

Verði neyðarlögunum hnekkt fyrir dómi þá verða innistæður ekki lengur forgangakröfur í þrotabúum bankana.

Það þýðir að við getum ekki notað eignir þrotabús Landsbankans til að greiða Icesave.

Ef við samþykkjum ríkisábyrgð á Icesave og neyðarlögunum verður hnekkt og við fáum ekki krónu úr þrotabúi Landsbankans upp í Icesasve þá þarf ríkissjóður samt að borga þessar 1.200 ma.

Þess vegna hafa Bretar og Hollendingar sótt það svo fast að fá þessa ríkisábyrgð. Þeir óttast að neyðarlögunum verði hnekkt og ef það gerist þá verður að vera ríkisábyrgð á Icesave þannig að við neyðumst til að taka fé úr ríkissjóði til að borga Icesave.

Verði neyðarlögunum hnekkt þá falla 1.200 milljarðar á ríkisjóð.

Þess vegna má ekki samþykkja Icesave.

Það má ekki veita þessa ríkisábyrgð.

---- 0 ---- 

Varðandi mat á kostnaði við að fara dómstólaleiðina þá vil leyfa mér að benda á þessa pistila hér:

Icesave 3 kostar 25-230 ma. Dómstólaleiðin kostar 0-140 ma.

Versta niðurstaða úr dómsmáli er 200 ma.

Já, ég vel dómstólaleiðina. Það geri ég áhyggjulaust.

Verði neyðarlögunum hnekki falla 1.200 ma. á ríkissjóð.

[Sigurður (IP-tala skráð) 27.2.2011 kl. 15:13]

Úr stjórnarskránni: 

40. gr. Engan skatt má á leggja né breyta né af taka nema með lögum. Ekki má heldur taka lán, er skuldbindi ríkið, né selja eða með öðru móti láta af hendi neina af fasteignum landsins né afnotarétt þeirra nema samkvæmt lagaheimild. - 
41. gr. Ekkert gjald má greiða af hendi, nema heimild sé til þess í fjárlögum eða fjáraukalögum.

Ég er sammála Elle, að vilyrði ráðherra eða samningamanna ryðji ekki burt þessum stjórnarskrárákvæðum. Og ég hef ekki séð hið gagnstæða rökstutt nákvæmlega, né vísað skýrt í það orðalag, sem ætti að hafa verið svo afdráttarlaust, að það hafi þrátt fyrir stjórnarskrána bundið ríkissjóð í þessu máli. En samt glymja slíkar fullyrðingar sífellt í eyrum, svo að margir hljóta nú orðið að trúa þeim.

Það er einnig rétt hjá Elle, að hin hagfræðilegu rök fyrir Icesave-ábyrgð eru flest almennt snakk. Og sannfærandi dæmi vantar. Við heyrum til dæmis ekki forstjóra Landsvirkjunar sýna fram á, að eina fyrirstaðan fyrir erlendum lánum til nýrra virkjana hafi reynzt vera Icesave. Alcoa lýsir því ekki yfir, að það hafi þurft að leggja á hillinu áform um álver við Húsavík, því að óvissan um Icesave geri fyrirtækinu svo erfitt fyrir.

En við heyrum, að Ísland komizt ekki inn í ESB, nema Icesave verði samþykkt, sem er dýr aðgöngumiði að lélegri uppákomu. 

[Elle_, 27.2.2011 kl. 19:01]

Takk kæra fólk. 

ICESAVE passar ekki við 77. gr. STJÓRNARSKRÁRINNAR:
Skattamálum skal skipað með lögum. Ekki má fela stjórnvöldum ákvörðun um hvort leggja skuli á skatt, breyta honum eða afnema hann.
Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu.

Nei, fyrirtæki hafa verið að fjármagna sig og kemur ekkert ICESAVE við hvort þau geta það eða ekki, fjármagn liggur nú ekki beint á lausu núna.  Og hver heilvita maður skilur að það yrði MIKLU VERRA með ICESAVE.  Það er bara ein af ICESAVE-STJÓRNAR-lygunum að við verðum að taka á okkur kúgun til að allt verði fært.  Það snýst allt um að draga okkur inn í kúgandi Evrópusambandið og það er dýr miði eins og Sigurður segir.