Steingrímur talar fyrst og fremst sem þingmaður !

Aumingja Steingrímur úr Þistilfirði, sem búinn er að vera á ríkisspenanum í 28 ár, varð undrandi að forsetinn neitaði að samþykkja hin heimskulegu Icesave-lög. Hann skilur ekki að gild stjórnarskrá er í landinu og að synjun forsetans er í fullkomnu samræmi við hana.

 

Steingrímur skilur ekki að þjóðin hafnar þingræðinu í þeirri mynd sem valdastéttin hefur túlkað hana. Samkvæmt Stjórnarskránni skal ríkisstjórnin vera »þingbundin«, sem merkir að hún starfar í umboði Alþingis. Það er þess vegna sem Icesave-samningar-I og II og III eru ólöglegir. Enginn þeirra er gerður í samræmi við Stjórnarskrána.

 

Það er þreytandi þessi merkingarlausa síbilja um »aukinn meirihluta« á Alþingi. Engu mái skiptir hversu margir þjóðsvikarar sitja á Alþingi, þeirra gerðir eru undirseldar ákvarðanir fullveldishafans – þjóðarinnar. Jafnvel fréttamenn RUV sjá sig knúna til að tala um »aukinn meirihluta«, eins og það sé vitrænt innlegg í umræðuna.

 

Fyrsta sem fréttamanni RUV datt í hug að spyrja Steingrím var hvort hann hefði fengið fyrirmæli frá Bretum og Hollendingum hvernig hann ætti að bregðast við ákvörðun forsetans. Steingrímur fór undan í flæmingi, enda varla viðeigandi að fjármálaráðherra landsins opinberi aumkunarverðan undirlægjuhátt sinn.

 

Þeir sem hafa vonast til að ríkisstjórnin hundskist úr valdastólunum, vegna ákvörðunar forsetans, munu verða fyrir vonbrigðum. Þetta fólk sem þjónar erlendum herrum og hampar framandi hugmyndafræði er samgróið valdastólunum. Þeir verða að fá aðstoð að slíta samgróninginn sundur. 

 

Loftur A. Þorsteinsson.

Vonsvikinn og undrandi

Athugasemdir

[Helga Kristjánsdóttir, 20.2.2011 kl. 22:38]

   Ég er ekki hissa þótt fréttakonan spyrji hann um fyrirmælin,þau virðast mikilvægari en andvarp þjóðarinnar.

[Júlíus Björnsson, 20.2.2011 kl. 23:40]

Hvernig datt nokkrum dottið í hug að Ísland geti samið sér hag í gagnvart Risunum  UK og Hollandi í upphafi.   Hvaða tak hafa þeir á Stjórnsýslunni hér? 

[Jóna Kolbrún Garðarsdóttir, 20.2.2011 kl. 23:50]

[Jón Valur Jensson, 21.2.2011 kl. 04:41]

Fín grein eins og annað frá þér á nýliðnum sólskinsdegi, Loftur.

Og endirinn bráðsnjall, þótt ekki bjóði ég mig fram til verksins!