EFNAHAGSÁRÁS OG GLÆPUR.

Forseti Íslands synjaði ICESAVE 5. janúar í fyrravetur.

 

ICESAVE glæpurinn er mesta niðurlæging og versta efnahagsárás og kúgun gegn okkur og börnum okkar fyrr og síðar.  Og fullkomlega óþolandi að alþingismenn og ríkisstjórnin skuli ætla að pína stórhættulega nauðung yfir landsmenn með öllum ráðum.  

Í fyrravetur kolfelldum við nauðungina í þjóðaratkvæðagreiðslu.  Hinsvegar dugði það ekki.  Ótrúlega fór fjármálaráðherra landsins langt úr vegi sínum á fund Breta og Hollendinga til að fá nú að semja um að kúgunin gegn okkur yrði örugglega endurtekin.  Hann fagnaði fundunum opinberlega.  Stjórnmálamenn vilja málið ekki í dóm fólksins og hafa enn ekki lært að það er alþýða landsins sem fer með fullveldið, ekki stjórnmálamenn.

Í 3ja sinn hefur núverandi ríkisstjórn, ICESAVE-STJÓRNIN, farið gegn vilja þjóðarinnar og samið um ólöglega ríkisábyrgð á ICESAVE, skuld einkabanka sem við erum engan veginn ábyrg fyrir og kemur okkur ekki við.  Hafði ríkisstjórnin leyfi til að fara aftur og semja um mál sem við felldum? 

Gegn okkar getu og vilja og gegn lagaákvæðum og stjórnarskrá fer alþingi og núverandi ríkisstjórn endurtekið fram með ósvífna rukkun Evrópuvelda gegn okkur.  Samt hefur enginn dómur fallið í málinu og dómur gegn okkur ólíklegur.  Þar fyrir utan eru sterkar vísbendingar um að ríkið nálgist gjaldþrot og verði gjaldþrota með ríkisábyrgð á ICESAVE.

Getur alþingi eða hluti þjóðarinnar kosið lögleysu yfir hinn hlutann eða verður að kæra málið?   

Elle Ericsson.

 

 

Athugasemdir

[Helga Kristjánsdóttir, 17.2.2011 kl. 21:14]

   Sæl! Elle Það skal nú bara athuga,hvort það er ekki alvarlegasti gjörningur ríkisstjórnarinnar. Brýtur það ekki gegn stjórnarskránni,að leggja svo þungar byrðar á almenning í landinu.

[Elle_, 17.2.2011 kl. 23:02]

Helga:

41. gr. Ekkert gjald má greiða af hendi, nema heimild sé til þess í fjárlögum eða fjáraukalögum.
42. gr. Fyrir hvert reglulegt Alþingi skal, þegar er það er saman komið, leggja frumvarp til fjárlaga fyrir það fjárhagsár, sem í hönd fer, og skal í frumvarpinu fólgin greinargerð um tekjur ríkisins og gjöld.
77. gr. [Skattamálum skal skipað með lögum. Ekki má fela stjórnvöldum ákvörðun um hvort leggja skuli á skatt, breyta honum eða afnema hann.
Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu.]

Óútfylltur tékki passar engan veginn við 41. og 42. gr og ekki heldur neinn ICESAVE samningur.  ICESAVE passar heldur ekki við 77. gr.  þar sem engin lagaskylda var nokkru sinni fyrir ríkisábyrgð á ICESAVE.  Samkvæmt ofanverðu brýtur Jóhönnustjórnin bæði lög og stjórnarskrá.

[Jóna Kolbrún Garðarsdóttir, 17.2.2011 kl. 23:28]

Kannski er hægt fyrir okkur almenning að sameinast um ákæru á hendur stjórninni?  Ég væri alveg til í það.  Og ef forsetinn vísar málinu ekki til þjóðaratkvæðagreiðslu, væri hægt að kæra hann líka... 

[Elle_, 17.2.2011 kl. 23:55]

Stelpur, þið megið ekki gera mig að lögmanni, get bara endurtekið að ég skilji ekki að neinn lögmaður hafi enn kært ICESAVE-STJÓRNINA. 

Veit líka að fjöldi manns mun aldrei sættast á ríkisábyrgð á ICESAVE og yrði ekki hissa ef hópmál yrði þó ég viti það ekki. 

Jóna, aldrei hafði mér dottið það síðasta sem þú sagðir í hug.  Hafði bara ekki það andlega ímyndunarafl - - -  H-J-Á-L-P.