Handbragð MI6 er auðvelt að þekkja

 

Leyniþjónusta Breta Secret Intelligence Service (SIS) gengur gjarnan undir
nafninu MI6 (Military Intelligence Section 6). Þeir sem eitthvað þekkja til
MI6 sjá í hendi sér, að leyniþjónusta Breta hefur verið að verki við öflun
upplýsinga frá Alþingi. Allt frá bankahruninu 2008 hefur yfir 100 manns
unnið á vegum ríkisstjórnar Bretlands við að stuðla að falli Íslands.


Njósnatölvan fannst í febrúar 2010 og vafalaust var henni komið þarna fyrir
í framhaldi af synjun forsetans á Icesave-samningum-II. Til upprifjunar má
nefna, að yfirlýsing forsetans var gefin 05. janúar og þjóðaratkvæðið var
haldið 06. marz 2010.


Í fréttinni er af barnaskap gefið í skyn, að Wikileaks kunni að hafa verið
að verki. Agnes Bragadóttir segir:


»Jafnvel leikur grunur á að tölvuþrjótar á vegum uppljóstrunar-vefsíðunnar
Wikileaks hafi komið tölvunni fyrir þar sem hún fannst.«


Hægt er að fullyrða að Wikileaks hefur hvergi komið nærri njósnum um
Alþingi. Wikileaks er að verjast árásum stórveldanna og hefur ekki haft
neinn áhuga á viðbrögðum Alþingis við kalli forsetans til þjóðaratkvæðis.
Hagsmunir Bretlands eru hins vegar augljósir og samstarf þeirra við
Icesave-stjónina eru á allra vitorði, eftir að Wikileaks opinberaði landráð
hennar með birtingu leyniskjalanna úr sendiráði Bandaríkjanna.


Eftir beitingu hryðjuverka-laganna gegn hagsmunum Íslands þarf enginn að
furða sig á njósnum ríkisstjórnar Bretlands. MI6 hefur starfað í meira en
hundrað ár og er með njósnara úti um allan heim. Að skilja eftir fartölvu til
hlerunar Netsamskipta er hjá MI6 hversdagsleg aðferð.

 

 

Loftur Altice Þorsteinsson. 

Þingmenn vissu ekki um tölvuna

Athugasemdir

[Loftur Altice Þorsteinsson, 20.1.2011 kl. 16:30]

   

Ummæli sumra þingmanna um njósna-tölvuna vekja furðu. Þeir spyrja hvernig henni hafi verið laumað inn í húsið og sumir jafnvel fullyrða að það hafi ekki verið hægt, engin komist þar inn nema hafa aðgöngu-kort eða vera í fylgd með þingmönnum.

 

Vanir flugumenn eru ekki í vandræðum með að komast inn í rammgerð hús. Þótt einhverjir verðir séu í andyrinu og þeir séu jafnvel vakandi, þá er ekki vandamál fyrir vana menn að komast inn.

 

Allir skilja líklega hverja hagsmuni ríkisstjórn Bretlands hafði, að vita hvernig ríkisstjórn og Alþingi ætlaði að bregðast við fyrirhuguðu þjóðaratkvæði. Enginn skortur var á upplýsingum frá Icesave-stjórninni, eins og leyni-skýrslurnar upplýsa greinilega. Hins vegar þarf alltaf að sannreyna upplýsingar og það var líklega verkefni MI6.

 

Komið hefur fram að Hr. Jóhanna fekk upplýsingar um njósna-tölvuna fyrir heilu ári síðan. Hvers vegna hélt hún þessum upplýsingum leyndum. Getur verið að nýlenduveldin hafi beðið hana afsökunar og krafist þagmælsku ? Ekki er heldur ótrúlegt að Icesave-stjórnin hafi beðið MI6 að njósna um viðhorf stjórnar-andstöðunnar ?

 

 

[Björn Birgisson, 20.1.2011 kl. 16:49]

Varla hefur dugað að láta tölvuna bara standa þarna. Þurfti meintur upplýsingaþjófur ekki að vitja hennar reglulega til að ná í safaríkt efnið?

[Loftur Altice Þorsteinsson, 20.1.2011 kl. 17:07]

Nei Björn, allt sent jafnóðum þráðlaust !

[Björn Birgisson, 20.1.2011 kl. 17:15]

Hver skyldi þá vera túlkurinn fyrir M16?

[Ómar Geirsson, 20.1.2011 kl. 17:27]

Orð í tíma töluð Loftur.

Björn, það vinnur snati í breska sendiráðinu, snati sem mætir stundum og lýgur greiðsluskyldu upp á íslensku þjóðina hér í netheimum.  Þú þekkir hann á því þegar nafnleysingi  segir að íslensk stjórnvöld hafi ekki innleitt tilskipun ESB rétt, ekki framkvæmt rétt, yfir höfuð ekki gert neitt rétt.

Nafnlausa ruglið skrifar sig ekki sjálft.

Kveðja að austan. 

[Loftur Altice Þorsteinsson, 20.1.2011 kl. 17:28]

Jóhanna er í London þessa dagana. Getur verið að hún hafi komið við í Vauxhall Cross og túlkað smávegis fyrir vini sína ?

https://www.sis.gov.uk/our-history/buildings.html

[Björn Birgisson, 20.1.2011 kl. 17:50]

Er ekki Jóhanna sögð svolítið slöpp í enskunni?

[Óskar Helgi Helgason (IP-tala skráð) 21.1.2011 kl. 01:39]

Heil og sæl; félagar í Þjóðarheiðri, jafnan - og aðrir gestir, hér á síðu !

Þakka þér fyrir Loftur; afar glögga og sannferðuga sýn þína, á allt þetta ólíkinda mál.

Kostuleg voru hins vegar; viðbrögð sumra þingsetanna, við fregnunum, af einmanalegri tölvunni - jú; alveg gat hún verið, að afla gagna, um rolugang og iðjuleysi þeirra sjálfra, ef ekki hefði komið til MI6 hlutverkið, mögulega.

Með beztu kveðjum; sem jafnan, úr Árnesþingi /

Óskar Helgi

[Loftur Altice Þorsteinsson, 21.1.2011 kl. 04:17]

  

Ásta Ragnheiður hefur játað á sig stórkostleg mistök og á tafarlaust að segja af sér þingmennsku. Hún hefur játað að vita af njósna-tölvunni fyrir heilu ári síðan, en hefur þagað yfir vitneskju sinni allan þennan tíma. Fyrsta verk hennar átti að vera, að aðvara þingmenn svo að þeir gætu sýnt fulla varkárni. Annað verk hennar átti að vera að fá fagmenn til rannsóknarinnar.

 

Ljóst er að forsætisráðherra Hr. Jóhanna fekk upplýsingar um njósnamálið, en lét hjá leiðast að tilkynna þinginu um atburðinn. Alþingi getur ekki annað en samþykkt vítur á þessar tvær kerlur fyrir þessar yfirhylmingar. Furðuleg er eftirfarandi yfirlýsing:

 

»Tölvudeild skrifstofu þingsins fór mjög rækilega yfir hvort þess væru nokkur merki að óviðkomandi aðili hefði farið í gögn þingsins, hvort einhverjar skemmdir hefðu verið unnar og hvort ástæða væri til að ætla að gögn hefðu verið skoðuð, afritað og tekin. Svo reyndist ekki vera.«

 

Hvernig í ósköpunum getur Tölvudeildin fullyrt svona ? Njósnatölvan aflaði rafrænna gagna og var ekki komið fyrir í húsinu til að éta bréfabindi. Upplýsingarnar hafa verið sendar jafnóðum og þeirra var aflað. Ekki er víst að þær upplýsingar hafi eingöngu verið úr tölvukerfi Alþingis, heldur er eins líklegt að um hlerunarmiðstöð hafi verið að ræða. Lögreglan og Tölvudeildin hafi því hugsanlega misskilið tilgang njósnanna.

 

Rannsókn lögreglunnar stóð aðeins í viku og þá var henni hætt. Var það gert að boði Ástu, eða Hr. Jóhönnu ? Lögreglan veit að njósnirnar voru faglegar, en hvers vegna voru þá ekki fengnir fagmenn til að leysa málið ? Hvers vegna var ekki leitað til Bandaríkjanna um rannsókn málsins ? Vel er skiljanlegt að ekki var leitað til Bretlands eða Hollands með aðstoð við rannsóknina, því að þessir aðilar eru líklegastir til að hafa staðið fyrir njósnunum.

 

1.     Hver var það sem tók tölvuna úr sambandi og spillti þannig rannsóknargögnum ?

 

2.     Hvers vegna var ætlunin að þegja að eilífu yfir málinu ?

 

3.     Hvers vegna var ekki leitað til sérfræðinga með rannsóknina ?

 

4.     Hvers vegna segja þessar vanhæfu kerlur ekki af sér þingmennsku strax ?

 

 

 

[Helga Kristjánsdóttir, 21.1.2011 kl. 16:54]

    Allar þessar spurningar velktust í höfði mínu í gær,auk einnar í viðbót, nr.5 hvað knúði þær til að ljósta upp leyndarmálinu núna, komst ehv.óæskilegur,(sem læki) að því?

[Loftur Altice Þorsteinsson, 22.1.2011 kl. 01:00]

Helga, Morgunblaðið var með frétt um málið á forsíðu í fyrradag. Ef blaðið hefði ekki sagt frá hefði njósna-tölvan hugsanlega orðið umræðuefni fyrst eftir 50 ár..

[jón eggert (IP-tala skráð) 22.1.2011 kl. 07:30]

leyniþjónustur setja ekki heilu tölvurnar á þá staði sem þær eru að rannsaka. slíkt býður upp á hættu á því að þær finnist sem þeir vilja ekki. Nútima njósnabúnaður er betri. Ef þeir hefðu áhuga á að vita hvað er að gerast á alþingi íslendinga þá myndu þeir bara fara í þingbækur enda eru þær opnar öllum. Icesave er ekki stórt mál í huga breta enda ekki stór upphæð á þeirra mælikvarða þannig að þeir myndu ekki eyða tíma og peningum í að njósna um það mál.

Það leiðir hugann að öðrum kostum. Hverjir hagnast á að hlera alþingismenn? Jú aðrir alþingismenn. Þeir vilja vita  hvaða skoðun aðrir þingmenn hafa á málum til þess að geta metið hver samstaðan er í hinum og þessum málum. Mig grunar að þessi tölva hafi verið sett upp af íslenskum þingmanni(konu). Að setja tölvu inn á alþingi bendir til þess að amatör hafi verið á ferðinni.

[Loftur Altice Þorsteinsson, 23.1.2011 kl. 04:37]

Ég tel að þú hafir ekki rétta sýn á málið, Jón Eggert.

Í fyrsta lagi held ég því ekki fram, að leynitölvunni hafi verið ætlað að afla aðgengilegra upplýsinga um það sem fram kom á Alþingi. Í öðru lagi ert þú varla í aðstöðu til að fullyrða hvaða tæki MI6, eða aðrar leyniþjónustur kunna að nota í húsakynnum Alþingis.

Ég tel líklegast að njósnað hafi verið um fyrirætlanir stjórnarandstöðunnar í Icesave-málinu. Til dæmis kom á daginn að Sjálfstæðisflokkur skoraði á almenning að greiða atkvæði gegn Icesave-lögunum. Þessa afstöðu hefði verið nytsamlegt fyrir nýlenduveldin að vita tímanlega. Einnig má benda á, að lög 1/2010 voru samþykkt 30. desember 2009, en fyrsta tenging njósna-tölvunnar er sagt hafa skeð 28. desember 2010. Hugsanlega var hún forrituð til að tengja á þeim degi. Njósna-tölvan tengist því Icesave-málinu, að öllum líkindum.

Njósnabúnaður er annað hvort falinn sjónum eða í dulargerfi. Val á búnaði hlýtur að fara eftir aðstæðum. Er til dæmis líklegt að leitað sé kerfisbundið á staðnum ? Ef MI6 var að verki hafa þeir gert ráð fyrir svipuðu eftirliti og er í Bretska þinginu. Er ekki mögulegt að njósnatölvan hafi verið betsta lausnin, miðað við aðstæður ?

Hvaða "nútíma njósnabúnaður" hentaði betur aðstæðum en njósnatölvan ? Ummæli þín dæma sig sjálf, ef þú getur ekki nefnt neitt betra. Hefðbundinn hlerunarbúnaður hefði sannað njósnir, en munaðarlaus tölva sem búin er að eyða öllum hugbúnaði er ekki sönnun fyrir njósnum. Fullyrðing þín um að "Icesave sé ekki stórt mál" er beinlínis hlægileg, í ljósi þeirrar hörku sem nýlenduveldin hafa beitt.

[Loftur Altice Þorsteinsson, 23.1.2011 kl. 14:25]

Ég bendi á að Marinó Njálsson var í Silfrinu í dag, þar sem hann staðfesti þau ummæli mín að njósnatölvan hafi líklega verið notuð til hlerunar. Að hlera Netsamskipti er ekki það sama og að fjarlægja gögn, eins og tölvudeild Alþingis virðist halda. Hlerun er fólgin í að taka afrit og láta frumgögnin óhreyfð. Sagt var um tölvudeildina:

»Tölvudeild skrifstofu þingsins fór mjög rækilega yfir hvort þess væru nokkur merki að óviðkomandi aðili hefði farið í gögn þingsins, hvort einhverjar skemmdir hefðu verið unnar og hvort ástæða væri til að ætla að gögn hefðu verið skoðuð, afritað og tekin. Svo reyndist ekki vera.«

Eins og Óli Björn benti á í Silfrinu, eru viðbrögð valdstjórnarinnar miklu alvarlegri en njósna-málið sjálft. Málsóknin gegn níu-menningunum virðist vera af sama meiði. Upplýsa verður hverjir eru að stjórna bak við tjöldin, líklega með hæpnu umboði og örugglega í ósiðlegum tilgangi.