Vondur, illskárri, glæsilegastur?

• „Í fyrra notaði Steingrímur J. Sigfússon, fjármálaráðherra og formaður Vinstri grænna, orðin „glæsileg niðurstaða“ til að lýsa Icesave-samningunum. Þessum fagnaðarlátum fylgdi hann eftir á Alþingi með því að hóta þingi og þjóð því að yrði hin glæsilega niðurstaða ekki samþykkt „þá kemur október aftur“. Þjóðin mundi – og man enn – vel eftir október 2008 svo að lengra gat Steingrímur ekki gengið í efnahagslegum hræðsluáróðri sínum.
• Fylgispakir menn innan þings og utan, ekki síst í atvinnulífi og fjölmiðlum, kyrjuðu sama sönginn. Fullyrt var að samninganefndin hefði unnið mikið þrekvirki að ná þessari glæsilegu niðurstöðu og að ef að þjóðin tæki ekki á sig Icesave-klafann biði hennar ekkert annað en langvarandi volæði.
• Þjóðin sá í gegnum áróðurinn og hafnaði hinni „glæsilegu niðurstöðu“ á eftirminnilegan hátt.“

Svo segir í ritstjórnargrein Morgunblaðsins í dag, „Glæsileg niðurstaða“ kynnt á nýjan leik. Þetta er frábær úttekt á Icesave3-samningnum. Hver sem rökum getur valdið er hvattur til að lesa þá grein, sem er skrifuð af einstakri glöggsýni og röksnilld, en hér var aðeins um fjórðungur hennar birtur.

Undirritaður getur tekið undir hvert einasta orð í greininni. Hún hafnar því algerlega, að samþykkja eigi hinn nýja samning. Þetta er afleitur samningur. Þótt hann sé illskárri en hinir fyrri, er hann líka illbærilegur fyrir íslenzka þjóð og er bæði ólöglegur samkvæmt stjórnarskránni og kröfurnar að baki honum ólögvarðar með öllu.

En verjendur Icesave-stjórnvalda og meðvirkir og skammsýnir menn fara nú mikinn í því að boða þennan samning sem „glæsilegan" enn á ný!

Jón Valur Jensson. 

Athugasemdir

[Elle_, 11.12.2010 kl. 19:45]

Fyrir Landsdóm vegna Icesave?

[Helga Kristjánsdóttir, 11.12.2010 kl. 20:12]

       Já Elle ekkert annað,það vantar ekki að hann dæmi aðra.

[Loftur Altice Þorsteinsson, 11.12.2010 kl. 22:32]

Birgitta Jónsdóttir er sömu skoðunar og líklega flestir landsmenn.

Opinber rannsókn verður að fara fram á Icesave-samningunum. Hvað hefur knúið ríkisstjórnina áfram til óhæfuverkanna og hvaða þátt eiga einstakir ráðamenn ?

http://www.ruv.is/frett/fyrir-landsdom-vegna-icesave

[Jóna Kolbrún Garðarsdóttir, 12.12.2010 kl. 00:10]

Birgitta er mín kona í þessu máli ásamt svo mörgum öðrum málum...