Ráðleysissvör Steingríms í Icesave-máli

Fyrirspurn um Icesave á þingi dag virðist leiða í ljós, að sama ráðleysið sé hjá fjármálaráðherra í því efni og í öðrum ríkisstjórnarmálum nú um stundir. En þótt enga ákvörðun hafi þau tekið um að vísa málinu til EFTA-dómstóls, er nýkomin yfirlýsing hans um að unnið sé að Icesave-málinu, og það sama sagði Jóhanna í fyrradag (á afmælisdaginn eftirminnilega þegar um 8.000 manns stóðu utan dyra þinghússins að mótmæla vesaldómi stjórnvalda).

Við vitum það af biturri reynslu, að þessu tvíeyki er ekki treystandi – þau ætla ekki að virða dóm þjóðarinnar.

Það er ekki stefna okkar í Þjóðarheiðri, að setja eigi málið án tafar í EFTA-dómstólinn, því að fyrst og fremst ber að huga að málflutningi þess fyrir íslenzkum rétti.

En sannarlega væri það skárri frétt, ef þau Steingrímur vísuðu málinu fyrir EFTA-dómstólinn, heldur en hitt að láta ófyrirleitin stjórnvöld Breta og Hollendinga skammta okkur réttleysi, lagaátroðslu og upplogna, ólögvarða risarukkun.

En í reynd er ekkert sem bendir til að Steingrímur myndi velja skárri leiðina í þessu máli – hingað til hefur hann heldur viljað hafa það, sem verr stendur, en hitt, sem þjóðinni kæmi bezt og hún á heimtingu á.

Burt með Icesave-stjórnina! – það ætti að vera ein af kröfum dagsins. 

JVJ. 

Icesave ekki vísað til EFTA-dómstólsins

Athugasemdir

[Guðjón Sigþór Jensson, 7.10.2010 kl. 12:35]

Steingrímur J. svarðai Þóru í Kastljósi í gærkveldi mjög vel. Hann hefur ábyggilega haft svipuð svör á reiðum höndum. Hvers vegna njóta ekki fleiri þeirra úrræða sem boðin eru upp á?

Mér finnst andstæðingar ríkisstjórnarinnar taka ansi djúpt í árina. Það hefði örugglega verið unnt að koma í veg fyrir öll þessi ósköp ef ríkisstjórn Sjálfstæðisflokks og Samfylkingar borið þá gæfu að aðhafast eitthvað vorið 2008. Þá hefði verið unnt að koma í veg fyrir Icesave hneykslið í Hollandi og draga verulega úr sömu axarsköftum á Bretlandi.

Allt vorið og sumarið fram á haust voru bankarnir nánast étnir að innan eins og Vilhjálmur Bjarnason komst vel að orði um ástandið.

Af hverju var ekkert aðhafst?

Núverandi ríkisstjórn situr uppi með öll vandræðin og allar skammirnar. Er sanngirni í því? Hvað hefði Kristur gert í sporum Steingríms J.?

Kv.

Mosi

[Elle_, 7.10.2010 kl. 14:17]

Ekki þýðir neitt fyrir þig að verja skemmdarverkin sem núverandi stjórn, ICESAVE-STJÓRNIN, hefur unnið í Icesave-málinu, Mosi.  Heldur mættirðu kynna þér málið nánar.  Engin önnur stjórn hefur skrifað undir ICESAVE-NAUÐUNGARSAMNING gegn okkur.  Og skiptir engu hvað fyrri stjórnmálamenn sögðu, það skuldbindur ekki ríkissjóð. 

Við værum ekki með neitt Icesave, ef bresk og hollensk stjórnvöld hefðu bannað Icesave-bankanum að starfa þar, það var undir þeim komið, ekki íslenskum stjórnvöldum, vegna EES fáráðssamningsins.  Við værum ekki heldur með neitt Icesavce ef bresku og hollensku stjórnirnar létu okkur í friði.  Við værum loks ekki með neitt Icesave ef núverandi stjórn og stjórnarandstaða létu það vera að vera endalaust að semja um ólögvarða rukkun.