Steingrímur J. vekur upp draug í Icesave-máli

VIIÐ GETUM EKKI ORÐAÐ HLUTINA BETUR EN GERT ER Í ÞESSUM LEIÐARA MORGUNBLAÐSINS Í GÆR. –E.E.

 

Draugagangur

Steingrímur J. Sigfússon, fjármálaráðherra, sagði frá því fyrir tveimur mánuðum að hann mundi sæta lagi strax og nýir ráðherrar tækju við í Bretlandi og Hollandi að draga þá að samningaborðinu vegna Icesave. Þar sem íslenska þjóðin hafði þá þegar hafnað því í þjóðaratkvæðagreiðslu að taka á sig Icesave-skuldbindingar þrotabús Landsbankans sætti þessi afstaða fjármálaráðherrans mikilli furðu. Hann ákvað að láta sér ekki segjast við afgerandi niðurstöðu í þjóðaratkvæðagreiðslunni en reyndi þegar í stað að vekja upp Icesave-drauginn og koma skuldaklafanum á þjóðina. Nú hefur þetta tekist. Steingrímur er búinn að hafa það í gegn að draga Breta og Hollendinga að samningaborðinu og fagnaði því sérstaklega þegar rætt var við hann í gær.

Á það hefur margítrekað verið bent að kröfur Breta og Hollendinga á hendur Íslendingum vegna Icesave byggjast ekki á lagalegum forsendum. Íslenskum skattgreiðendum ber alls ekki að greiða þessar skuldir þar sem íslenska ríkið bar aldrei ábyrgð á endurgreiðslum til innistæðueigenda. Þetta hefur legið fyrir lengi og lá raunar fyrir löngu áður en bankarnir hrundu og Icesave-málið kom upp. Nú síðast mátti svo lesa um lagalega hlið málsins í skýrslu rannsóknarnefndar Alþingis sem studdi þessa niðurstöðu og þá hefðu síðustu talsmenn breskra og hollenskra stjórnvalda hér á landi átt að sannfærast.

Svo fór þó ekki og ríkisstjórnin situr við sinn keip í málinu og þrýstir mjög á um að fá að hengja Icesave-byrðarnar á íslensku þjóðina. Þessi framganga er auðvitað með miklum ólíkindum og á henni getur ekki verið nein eðlileg skýring. Engin venjuleg rök hníga að því fyrir íslensk stjórnvöld að reyna að þvinga bresk og hollensk stjórnvöld til að semja við sig um skuldir annarra.

Eina mögulega skýringin á háttalagi íslenskra stjórnvalda er sú áhersla sem þau leggja á að koma Íslandi inn í Evrópusambandið, en bæði Bretar og Hollendingar hafa talað skýrt um að við þurfum að fallast á ólögmætar kröfur þeirra áður en þeir samþykki að við fáum aðild að þeim félagsskap.

Ríkisstjórnin hefur ekki meiri áhyggjur af þeirri staðreynd að þjóðin er andvíg aðild en að þjóðin er andvíg því að greiða Icesave-skuldina. Afstaða landsmanna skiptir engu í þessu sambandi, það eina sem forysta Vinstri grænna og Samfylkingarinnar hefur áhuga á er að aðlögunarferlið haldi áfram og Íslandi verði smám saman nuddað inn í Evrópusambandið, þvert á vilja þjóðarinnar.

Fagnar viðræðum um Icesave

Athugasemdir

[Elle_, 4.7.2010 kl. 23:05]

Hvað ætli Gylfi Magnússon og Steingrímur J. Sigfússon muni fagna Icesave-nauðunginni lengi?  Og hvað nákæmlega ætli það annars sé sem þeir hafa ekki enn skilið?  Við viljum ekki Icesave og ætlum aldrei að borga ólöglegu rukkunina.  Þeir hljóta nú að fara að skilja það, blessaðir mennirnir, eða hvað?

[Elle_, 5.7.2010 kl. 00:20]

Umboðslaus Steingrímur fagnar viðræðuum um Icesave!

[Elle_, 5.7.2010 kl. 00:22]

Enn fagnar Steingrímur J. Icesave.

[Helga Kristjánsdóttir, 5.7.2010 kl. 04:57]

                      Nauðunginni nýtur,fláráður og fagnar,
                      fyrrum sást í andstöðunni,bölsótast og ragna.
                      uppvakninginn ætlar á okkur að neyða
                      Ó! það er okkar hæstvirti,sem fullveldið vill deyða.
                      
                       Kæru Íslandsvinir,þjóðhollir.hægri,vinstri,miðja,tökum saman
                       höndum. Getum við ekki sameinast um stefnu,þegar fullveldið er í
                       húfi. Við viljum það, er það ekki?    Treystum hvort öðru á þessum væng, sækjumst ekki eftir völdum,lofum því,berjumst gegn lands-sölu
                       öflunum.Tökum upp gömul gildi þar sem munnleg loforð gilda.
                       

[Helga Kristjánsdóttir, 5.7.2010 kl. 05:05]

    Ja herna  leiðr. fláráður að fagna.