Það sem sumum er efst í huga!

Nýjasta traktering viðskiptaráðherrans til þjóðarinnar er þessi: Hefur áhyggjur af því að fyrirhugaðar kosningar tefji Icesave, og á þar við kosningar í Bretlandi í maí og Hollandi í júní. Halda mætti, að Icesave hafi verið efst á jólagjafalistanum hjá þessum umboðslausa, bitlausa ráðherra.

Honum hugkvæmast engar varnir fyrir Ísland, stendur frekar með þeim trausti rúnu ráðherrum Vinstri grænna og Samfylkingar, sem leggja ofurkapp á að setja á okkur ísklafann þunga sem þjóðin hafði aldrei samþykkt að undirgangast og hafnaði nýlega með eindregnum hætti.

Hvað á að segja um svona ráðherra? Á að vorkenna þeim eða benda þeim á að taka pokann sinn, áður en þeir valda með orðum sínum og athöfnum meiri skaða en þegar er orðinn? Hvað finnst ykkur, lesendur góðir?

Jón Valur Jensson. 

Athugasemdir

[Jóna Kolbrún Garðarsdóttir, 9.4.2010 kl. 01:33]

Gylfi er bara enn einn samspillingarpésinn, hann sem lofaði svo góðu áður en hann varð ráðherra. 

[Helga Kristjánsdóttir, 9.4.2010 kl. 02:17]

Sammála Jónu,hélt hann öðruvísi. Sem  sagt  þrír Gylfar valdamenn á Íslandi, ráðherra,ASí forysta,seðlabanka embættismaður.

[Jón Valur Jensson, 9.4.2010 kl. 03:24]

Triumvirat Gylfanna? – Nei, vonandi ekki!

[Gunnlaugur Ingvarsson (IP-tala skráð) 9.4.2010 kl. 07:34]

Gylfi jafnt og nafni hans hjá ASÍ eru andsetnir af ESB rétttrúnaði Samfylkingarinnar.

Ég held að þeir hafi verið beittir svona"Gylfa-ginningu"

Báðir þessir Gylfar eru reyndar umboðslausir áróðursmenn !

[Jón Valur Jensson, 9.4.2010 kl. 09:47]

Ágætt að draga fram þetta hugtak úr Snorra-Eddu, Gunnlaugur!

En á ekki Gylfaginning hin nýja að vera blekkingarleikur Gylfanna til að ginna þjóðina inn í Evrópuyfirráðabandalagið?

[Guðni Karl Harðarson, 9.4.2010 kl. 10:27]

Semsagt plataðir inn hina íðilfögru höll ESB yfirgoðanna og blekktir til að trúa öllu fögru, eins og Gulli á Grænum völlum. En eftir stóð ekkert nema auðnin.

Þeir voru orðnir Gylfa ginntir

og gráðugir á völlunum

urðu síðan að steinum stinntir

með stórhuga ESB tröllunum

Ort í einum grænum

[Jón Valur Jensson, 9.4.2010 kl. 10:39]

Það má reyna aftur.

Mín útgáfa:

Allir virðast þeir Gylfar ginntir

af grænu Brusselvöllunum.

Aumir margir og evrulyntir

ánauð kjósa hjá tröllunum.

[Elle_, 9.4.2010 kl. 11:28]

Já, ´rökin´ hans eru vafalaust þau að ef við tökum ekki á okkur fjárkúgun bresku ríkisstjórnarinnar, munum við tapa einsog 900 MILLJÖRÐUM árlega vegna tafanna.   Jafn-gáfulegt og ef maður gefur ekki ræningja 100 þúsund kall mánaðarlega þegar hann kemur með byssuna, muni maður tapa 5 milljónum á ári hverju sem líður, vegna tafanna við að þóknast ræningjanum.  Hvaða hugsandi maður tekur alvarlega fræði Icesave-spekinganna?