ER ÞESSI ´FRÉTTAMAÐUR´ AF JÖRÐINNI?

Ekkert getur skuldbundið almenning í landinu og þar með æsku landsins til að borga ICESAVE-PENINGANA eins og ´fréttamaðurinn´ kallar það í sinni fáfræði.  Skuldbundið ungmenni þar til líf þeirra er hálfbúið til að vera skattaþrælar stórvelda í Evrópu.  Síðan hvenær urðu smáríki heimsins fjárhagslega og stjórnarfarslega ábyrg fyrir stórríkjum??

Engin lög voru um ríkisábyrgð á ICESAVE og ríkisábyrgð brýtur bæði gegn lagaákvæðum og stjórnarskrá.  Eftirlitið og leyfi bankans í öðrum löndum var þarlendra yfirvalda, ekki okkar.  Fall bankans og þjófnaður innan hans gerir okkur engan veginn sek.  Óhæfan sem þessi svokallaði ´fréttamaður´ og langtíma heitur ICESAVE-SINNI skrifar er næstum ekki leshæf og ekki svaraverð nema vegna hættunnar og skaðans sem slíkur ósómi gæti skapað okkur.  Embættismenn og pólitíkusar hafa bara alls ekki það vald að lofa útlendingum neinum ólögmætum skatti úr ríkissjóði.

Nú er þjóðin samkvæmt ´fréttakonunni´ orðin að löggjafa AÐ UNDIRLAGI FORSETANS. Halló, þú Þóra Kristín, forsetinn hefur einfaldlega farið að stjórnskipan landsins og hefur staðið með lýðræðinu, virt lýðræðið í landinu.  Megi forsetinn hafa miklar þakkir fyrir.  Og svo kallar ´fréttamaðurinn´ okkur LÝÐRÆÐISHER FORSETANS og kallar það RÚSSNESKA RÚLETTU að hafna að borga ólöglega og stórhættulega kröfu sem gæti gert okkur gjaldþrota.

Nenni ekki að fara nánar yfir allar brenglanirnar og skáldskapinn í þessum eymdarlega pistli manneskju sem rær hart að því að gera börnin okkar að skuldaþrælum að ósekju.  Samskonar kúgun hafa nefnilega Bretar og Hollendingar og önnur stórveldi Evrópu beitt lítil ríki um allan heim og valdið mikilli eymd og fátækt.  Fiji Islands eru þar á meðal.

Þóra Kristín, ekki skrifa um mál sem þú skilur ekki og enn síður um mál sem þú ætlar viljandi að skekkja og þvæla.  Við leyfum ekki innlendum leppum að ljúga að okkur og komast upp með að eyðileggja velferðarkerfið okkar og loka spítölum fyrir ólöglega rukkun sem við skuldum ekki.  Við fellum nauðungina 9. apríl næstkomandi, ellegar sækjum málið.  Í okkar lögsögu.

Elle Ericsson.

ICESAVE-SAMNINGURINN ÓVERJANDI SEM SKÝRIR SAMÚÐ OG SKILNING.

TÖKUM ICESAVE OG TROÐUM HONUM.

Athugasemdir

[Halldór Björgvin Jóhannsson, 28.2.2011 kl. 21:23]

 kallar það RÚSSNESKA RÚLETTU að hafna að borga ólöglega og stórhættulega kröfu sem gæti gert okkur gjaldþrota.

Heldur væri að segja að það sé rússnesk rúletta að samþykkja Icesave ólögin, þessir útreikningar sem stjórnvöld hafa verið að setja fram eru niðurstaða við allra bestu mögulegu niðurstöðu, það er reiknað með bullandi uppgangi á öllu þessu tímabili sem á að vera greiða fyrir Icesave, samt veit enginn hvernig þetta kemur til með að fara. Það er ótrúlegt að horfa upp á þessa ríkisstjórn reyna að ljúga þessum skuldaklafa upp á sína eigin þjóð.

[thin (IP-tala skráð) 28.2.2011 kl. 22:02]

Ættum við ekki byrja á að kvarta yfir að hafa bjargað íslensku bönkunum. Það var ekki farið fram á þjóðaratkvæðagreiðslu þegar peningum var mokað í bankana, Sparisjóðina ,Tryggingafélag

[Elle_, 1.3.2011 kl. 15:13]

Get ekki leyft níði þínu sem þú skrifaðir hér núna síðast að standa, thin  Líka var ég ekki með neitt persónuníð um hina svokölluðu fréttakonu.  Lýsi bara brenglunum hennar og beinum lygum.  Það kallast ekki fréttaflutningur og óskiljanlegt að þú komir hingað inn í hvert sinn og minnst er á skrif konunnar og verjir ósómann.  

[thin (IP-tala skráð) 1.3.2011 kl. 16:13]

Þetta þykir mér að vera kasta steinum úr glerhúsi. Og talandi um að ég komi í hvert sinn hér að verja ósómann, 3 færsla um þetta mál og ekki minntist ég einu orði á hana Þóru Kristínu  í fyrsta blogginu.  Þið farið kannski að lækka ykkar gífuryrði gagvart þeim sem eru ekki sammála um 1/4 ???

[Elle_, 1.3.2011 kl. 16:48]

Enginn er að kasta steinum hér nema kannski þú.  Eins og ég spurði þig undir pistli Lofts um hina brenglandi fréttakonu Þóru Kristínu: Meinarðu þann sem skrifaði pistilinn eða allt félagið eða yfir 90% landsmanna sem kolfelldu ólöglegt stjórnarskrárbrotið ICESAVE?  Og ekkert svar kom.  Málið snýst alls ekki um að menn séu ósammála okkur eins og þú ranglega segir.  Málið snýst um að hinn svokallaði fréttamaður er að fara með rangfærslur um stórhættulegt mál og sem gerir allan málflutning manneskjunnar skaðlegan.  Nákvæmlega hvað ert þú að styðja og hvað ert þú að vilja hingað inn ef við erum svona ranglát??  Styðurðu kúgun og lögleysu??   Við getum ekki bara þagað á meðan kúgun erlendra velda er þröngvað yfir okkur með hjálp skaðlegra innlendra ´fréttamanna´og manna sem beita valdníðslu og brengla veruleikann.

[thin (IP-tala skráð) 1.3.2011 kl. 17:34]

Ég minntist ekki einu orði á sómakonuna Þóru Kristínu í pistli Lofts. Það eina sem ég er að benda á ef það skyldi hafa farið fram hjá þér eru gífuryrðin sem þið notið. Gott dæmi: "Vitfirrt ríkisstjórn á Íslandi er ekki martröð heldur staðreynd"  , fyrst að þið birtið þetta verðið þið að vera það stórmannleg að þola krítík á ykkur sjálf. 

[Elle_, 1.3.2011 kl. 18:00]

Fyrst og fremst segir þú ÞIÐ. Loftur einn er ábyrgur fyrir hans orðanotkun og ég neita að vera það. Hvar eru gífuryrði okkar hinna eins og Halldórs að ofan?  Og þar fyrir utan hefur þú verið með hrottaleg gífuryrði miðað við mig og Halldór. Gat ekki leyft níðinu að standa eins og ég sagði að ofan. Nenni ekki að standa í endalausum stórræðum við þig. Hef önnur verk að vinna.  Og loks er ´fréttamaður´ sem brenglar og fer með lygar engin sómakona eða sómamanneskja yfirleitt.  Og ég spurði þig hvað þú værir að styðja og verja. 

Og hví ættum við að vanda voðalega orðavalið þegar við erum að berjast við brenglanir, kúgun og ofbeldi??? HVORT ER ALVARLEGRA: GÍFURYRÐI EÐA KÚGUN OG OFBELDI??

[Ómar Geirsson, 1.3.2011 kl. 18:04]

Blessuð Elle sem og aðrir Þjóðverðir.

Þegar orðskrípi mæta í heimsókn, þá er tilgangurinn ekki að ræða málin, hvort sem það er til að taka undir málflutning greinarhöfunda, eða gagnrýna efni eða efnistök.

Þau eru mætt í einum tilgangi, að snúa út úr, dreifa röngum upplýsingum eða annað sem hentar hagsmunum þeirra sem gera þau út.

Og það er með þetta eins og suðandi flugur út í guðsgrænni náttúrunni, þetta fylgir og maður tekur því eins og það er,.

Til dæmis þá er það viss heiður að hafa svona suð á síðunni, einhver virðist hafa áhyggjur af þeim málstað sem hér er haldinn í heiðri.

Að þjóðin haldi reisn sinni og segi Nei við lögleysu og kúgun.

Og það er lítið við því að gera að til sé fólk sem hefur hagsmuna að gæta við að hindra þetta Nei.

Maður á alltaf að vorkenna lúserum.

Sem minnir mig á Chelsea núna á eftir.

Kveðja að austan.

[Elle_, 1.3.2011 kl. 19:00]

Eins og ég sagði, thin: Málið snýst alls ekki um að menn séu ósammála okkur eins og þú ranglega segir.  Málið snýst um að hinn svokallaði fréttamaður er að fara með rangfærslur um stórhættulegt mál og sem gerir allan málflutning manneskjunnar skaðlegan. 

Og ég tek undir það með Lofti að ríkisstjórnin er firrt, allavega í ICESAVE málinu og nokkrum öðrum og ekki getur það verið honum að kenna.  Hann rökstyður það líka. 

Halldór og Ómar, takk fyrir að koma inn.  Nei ekkert málefnalegt kom frá orðskrípinu, Ómar, ekkert nema grjótkast og níð.  Og næst hljóp það beint inn í mína persónulegu síðu líka eins og það kæmi félagssíðunni nú við.  Nenni ekki endalausu þrasi við þá sem verja ómanneskjulega kúgun og nauðung eins og hinn svokallaði ´fréttamaður´gerir. 

[Ómar Geirsson, 1.3.2011 kl. 23:46]

Og hvernig braust þú í gegnum lokunina thin minn kæri???

En þó nafnlaust skrípi sért, þá þarft þú að virða reglur hússins.  Sem er ekki mjög erfitt.  Það þarf ekki mikla rannsóknarvinnu til að sjá að hér kíkja við ólík sjónarmið, en skrýtið, sum eiga það sammerkt að kvarta og kveina yfir að þurfa að lúta lögmálum mannasiða.  

Og kalla það andsvör.

En kallinn minn kæri, ef þú hefur tekið að þér eitthvað aumt hlutverk, þá skaltu ekki vera kvartsár, lagað þig að umgengisreglum, tæklaðu rökin ekki fólkið.  

Í ekki síst minni guðsfriði að austan.

[Elle_, 3.3.2011 kl. 17:47]

Ómar, ætli ´hann´ sé ekki heldur ´fréttakonan´?   Og talandi um grjótkast.  Hvað kallast hinn aumi pistlill ´fréttakonunnar´um forsetann, ´lýðræðisher´ hans og ´rússnesku rúlettuna´ við að hafna fjárkúgun annað en grjótkast og rugl??  Og það verður ekki þagað um.