Þóra Kristín Ásgeirsdóttir í þjónustu Þistilsins

Það kemur líklega engum á óvart, að Þóra Kristín Ásgeirsdóttir skuli ganga erinda Steingríms J. Sigfússonar og halda fram blekkingum og falsi um Icesave-málið. Þóra Kristín beitir vönum blaðamanns-penna sínum í þágu þjóðsvika, með skrifum sínum á Smugunni 21.02.2010. Þóra Kristín byrjar ritgerð sína svona:

 

»Íslenska þingið skuldbatt þjóðina til að greiða Icesave-peningana í tíð ríkisstjórnar Geirs H. Haarde hvað sem mönnum kann að finnast um lagalega stöðu málsins. Þess vegna getur íslenska þjóðin siðferðislega ekki tekið afstöðu til annarra hluta en á hvaða vöxtum og með hvaða skilmálum þær endurgreiðslur eigi að vera.«

Þetta er sama rullan og Icesave-stjórnin hefur farið með í tvö ár og hún fjallar um blekkingar og fals. Alþingi samþykkti vissulega að ganga til samninga við nýlenduveldin, en það skyldi gert á grundvelli Brussel-viðmiðanna og samþykktin var án allra skuldbindinga. Að almenningur greiði  "Icesave-peningana" var ekki til umræðu hjá almenningi þá, ekki frekar en núna.

Engin skuldbinding er fyrir hendi að landsmenn greiði forsendulausar kröfur og það mun ekki verða nema menn láti Jóhönnu af Bakkabræðra-kyni leiða sig út í Icesave-foraðið. Þingsályktun sú sem vísað var til, var gerð undir hótunum nýlenduveldanna og raunveruleg efnahagsstyrjöld ríkti við Bretland og Holland.

Ritgerð Þóru Kristínar er sannarlega helguð blekkingum og falsi. Hún vill auðvitað leggja Icesave-klafann á herðar almennings og mælir með samþykkt Icesave-laganna. Hins vegar líkir hún þeirra viðleitni þjóðarinnar að standa á rétti sínum við “Rússneska rúllettu”. Þóra Kristín vílar sem sagt ekki fyrir sér að fórna lögsögu landsins á altari erlendrar hugmyndafræði, því að þaðan kemur auðvitað drifkrafur Icesave-stjórnarinnar. Þóra Kristín segir:

»Eftir stendur að þjóðin getur einungis tekið ákvörðun um að herða snöruna fastar að hálsi sér með því að staðfesta samningana í þjóðaratkvæðagreiðslu eða fella þá og taka þá þátt í rússneskri rúllettu sem gæti leitt til þess að endurgreiðslurnar yrðu miklu hærri en hún réði við að borga og fá í kaupbæti allt alþjóðasamfélagið uppá móti sér. .. Það er sá lýðræðislegi ávinningur sem forseti lýðveldisins færir þjóðinni og veifar leynilegri undirskriftasöfnun til að færa rök fyrir máli sínu.«

 

Þarna kyrjar Þóra Kristín auðvitað sönginn um “leynilegu undirskriftasöfnunina” og flytur hrakyrði um forsetann og lýðræðið.  Blekkingum sínum og falsi fylgdi hún síðan eftir í Silfri dagsins, sem var einn áróðurs-samkór gegn hagsmunum landsmanna. Allt var þetta fyrirsjánlegt þvaður, sem Þóra Kristín á eftir að skammast sín fyrir ef hún nær hárri elli. Því miður eru "blekkingar og lygar "orðnar sem "leggir og skeljar" fólks eins og Þóru Kristínar. 

 

Loftur Altice Þorsteinsson. 

Athugasemdir

[Númi (IP-tala skráð) 27.2.2011 kl. 21:43]

Áróðursdeild Evrópusambandsins nær víða til,allt innað Smugunni þar sem Þóra er ritstjóri hennar. Jóhanna fjarstýrir Steingrími,Steingrímur fjarstýrir ritstjóra Smugunnar,ogsv framvegis,ogsvo framvegis. Hræðsluáróðurinn er að fara á fulla ferð. (skal aldrei fyrirgefa mér að hafa kosið þessa stjórn Steingrímur plataði mig)

[thin (IP-tala skráð) 27.2.2011 kl. 21:59]

Ég veit að það er ljótt að hugsa svona, en eftir þennan lestur finnst mér eins og þið lítið á ykkur sem einhverja útvalda,ar.......

[Elle_, 27.2.2011 kl. 22:21]

Meinarðu þann sem skrifaði pistilinn eða allt félagið eða yfir 90% landsmanna sem kolfelldu ólöglegt stjórnarskrárbrotið ICESAVE?  Og heldurðu kannski að það líðist að hluti landsmanna blekki hinn hlutann og ljúgi að honum og stórskaði hann með fjárkúgun??

[Óskar Helgi Helgason (IP-tala skráð) 28.2.2011 kl. 00:33]

Komið þið sæl; félagar í Þjóðarheiðri, æfinlega !

Loftur !

Þakka þér fyrir; hressilega - sem verðuga ádrepuna, Þóru Kristínu Stalíns snót, til handa.

Ómerk; orða sinna - sem athafna allra; þeim Þistilfirzka til lofs og dýrðar, gæti verið, afsprengi Quisling´s, þess vegna.

Með beztu kveðjum; sem jafnan /

Óskar Helgi