Springur ríkisstjórnin á deilum um sjávarútveg ?

 

Merkilegt er að sjá harðnandi deilur innan Icesave-stjórnarinnar, en því miður standa þær ekki um Icesave-kúgunina. Vangaveltur Björns Vals Gíslasonar eru harðort svar við yfirgangi Samfylkingar í öllum málum. Hugsanlega er VG að komast að sömu niðurstöðu og Sjálfstæðisflokkur að Samfylking er ekki á vetur setjandi.

 

Björn Valur skákar sjávarútvegsstefnu Samfylkingar út af borðinu þegar hann birtir fyrirhugaðan atkvæðaseðil í þjóðaratkvæði. Þetta er það sem Björn Valur telur að sé Spurningin sem lögð verður fyrir kjósendur:

„Samkvæmt niðurstöðum nefndar um endurskoðun laga um stjórn fiskveiða (Sáttanefndar) gæti fyrning aflaheimilda á 20 árum, líkt og Samfylkingin leggur til að gert verði, leitt til fjöldagjaldþrots í sjávarútvegi um land allt. Ertu fylgjandi eða andvíg/ur þeirri leið?“

Eins og allir vita eru þjóðaratkvæði í miklu uppáhaldi hjá Sossunum. Þar má sérstaklega nefna þjóðaratkvæði um Icesave-kúgunina og ESB-innlimunina. ÆÆÆ – ég ruglaðist aðeins, því að það eru þessi málefni sem Samfylkingin ætlar þvert á móti að undanskilja þjóðaratkvæði. Stjórnlagaþingið sem Sossarnir klúðruðu átti að sjá um nauðsynlegar breytingar á Stjórnarskránni.

 

Staðreyndin er sú að enginn getur starfað til lengdar með Samfylkingunni. Mesta furða er hvað VG-liðar hafa látið vaða lengi yfir sig á skítugum skónum. Verst er þó að Icesave-stjórnin hefur unnið óbætanleg skemmdarverk á öllum hugsanlegum sviðum. Hægt er að fullyrða að hún hefur ekki unnið eitt einasta verk svo að sómi sé að.

 

Loftur Altice Þorsteinsson.

Leiðir til gjaldþrota í sjávarútvegi

Athugasemdir

[Sigurður Þórðarson, 31.1.2011 kl. 09:39]

Örfáar athugasemdir:

BVG er húsbóndahollur sem sést á því að hann styður Steingrím í Æsseif og Guðmund í Brim, (sem hann þiggur laun frá), í kvótanum.  Ætli  Steingrímur og Jóhanna séu ekki einu þingmennirnir, sem studdu frjálsa framsalið, og sitja enn? Er það trúverðugt að þau vilji stjórnlagaþing til að afnema það sem þau samþykktu á þingi? Steingrímur skipaði Björn í "sáttanefndina" sem fulltrúa VG.  Dagur og Jóhanna skipuðu Svanfríði Jónasdóttur, ötulasta talsmann kvótakerfisins frá upphafi, sem fulltrúa Samfylkingarinnar.  Af þessu má sjá að krafan um afnám kvótakerfisins kemur ekki frá Fjórflokknum.

[Elle_, 31.1.2011 kl. 18:30]

Björn Valur hefur fylgt Steingrími J. í öllu að ég viti, með Árna Þór.  Þeir eru og hafa verið frá upphafi einar mestu jarðýtur innan VG fyrir ICESAVE nauðunginni.

[Óskar Helgi Helgason (IP-tala skráð) 31.1.2011 kl. 20:27]

Komið þið sæl; sem fyrr, félagar í Þjóðarheiðri !

Loftur !

Um leið; og ég vil - sem fyrr, þakka þér þrotlausan starfan, sem þeim Jóni Val og Elle, auk annarra, vil ég lýsa yfir aðdáun minni, á kjarki og þor og sönnum hetjuskap Túnísku og Egypsku þjóðanna, suður í Norður- Afríku.

Á meðan; sanna Íslendingar, með hverjum deginum, luðru og ódöngunar hátt sinn, með því að láta líða, á þriðja ár, an þess að reyna að koma hvítflibba- og blúndu kerlinga stjórnafarinu, fyrir róða.

Með beztu kveðjum; sem jafnan /

Óskar Helgi   

[Guðjón Sigþór Jensson, 1.2.2011 kl. 01:47]

Auðvitað tryggjum við betri mannréttindi einstaklingsins og mun skárra lagaumhverfi innan EBE en utan. Annað er ávísun á fátækt og heimsku.

Fáum góða og hagstæða samninga, ekki spurning!

Mosi

[Óskar Helgi Helgason (IP-tala skráð) 1.2.2011 kl. 02:21]

Komið þið sæl; að nýju !

Í Guðanna bænum; ekki taka nýlendu velda undirlægju gjálfur;  Guðjóns Mosfellings alvarlega, gott fólk.

Að sönnu; hrekklaus og vænn drengur, Guðjón,, en hefir ekki náð, að grilla í raunveruleikann, að baki spýju; Bandarísku og Evrópusambands Heimsvalda sinnanna.

Fengjum; góða og hagstæða samninga, við : Ameríkurnar þrjár / Asíu og hluta Afríku, auk Eyjaálfu, Guðjón minn.

Og; ögn víðari sjóndeildarhring, en þú og þínir líkar hafa haft, fram til þessa, ágæti Mosfellingur.

Með; þeim sömu kveðjum - sem áður /

Óskar Helgi 

[Guðjón Sigþór Jensson, 1.2.2011 kl. 08:49]

Merkilegt er að fyrsta hugmynd um EBE kom frá breskum íhgaldsmönnum eftir stríð. Nú hamast íslenskir íhaldsmenn einna mest gegn EBE eins og þeir telji allt fara í hundana með inngöngu.

Mér finnst þessi ummæli þín Óskar ekki sérlega málefnaleg og ættir að draga þau til baka.

Mosi

[Óskar Helgi Helgason (IP-tala skráð) 1.2.2011 kl. 10:59]

Komið þið sæl; sem fyrr !

Guðjón !

Hvað; hljóp nú í þig ? Hvers lags ofurviðkvæmni er þetta, af þinni hálfu ?

Varla; ætlast þú til þess, að ég,, umfram aðra, taki ábyrgð á einhverri slæmri samvizku hjá þér, ágæti drengur, eða hvað ? Mélráfu háttur þinn - sem annarra ESB sinna, er einfaldlega með því móti, að mér finnst við hæfi, að benda á ótal fleirri kosti fyrir Ísland, en að niðurnjörva landið, í einokun skriffinna suður í Brussel, með okkar mál - í stað þess; að við höldum frekar öllum leiðum opnum, um ALLAN Heim, á komandi tímum.

Ef; einhvers staðar er að finna einangrunar hyggju, þá er það, í snautlegum röðum ykkar Evrópu glýju fólks, Guðjón minn.

Vona; að þú beri gæfu til, að taka þátt í orðræðunni - án þess að taka inn á þig, sneiðar mínar, til þessa volaða Evrópusambands ykkar, lítilþægu, ágæti drengur.

Með; sízt lakari kveðjum - en þeim fyrri /

Óskar Helgi