Heimasætan játar syndirnar!

Nú hefur það skeð sem enginn bjóst við, að heimasætan á Sossaheimilinu játaði allar sínar syndir og það ótilneidd. Guðmundur Andri Thorsson hefur opinberlaga viðurkennt, að allt sem hann hefur sagt um Icesave-málið var blekking.
 
Allt sem Guðmundur Andri hefur sagt var byggt á blindu hatri á hugsjónum um frelsi einstaklingsins. Þetta hatur er af sama meiði og sú trú, að sjálfstætt Ísland sé fjarstæðukennd staðleysa. Þess vegna sé ekki um annað að ræða fyrir Íslendinga, en að taka með þökkum boði Evrópuríkisins um ófrelsið.
 
Einhver gæti haldið að ég sé að ýkja örlítið, en svo er ekki. Guðmundur Andri Thorsson segir þetta sjálfur. Heimasætan játar allar sína syndir og segir meðal annars:


    >>Um það er þarflaust að þrefa: Okkur skjátlaðist. Við, þessi minnihluti landsmanna sem vildum ljúka Icesave-málinu um síðustu áramót, fá þetta út úr heiminum og halda áfram út úr kreppunni með hjálp annarra þjóða - okkur skjátlaðist, við paníkeruðum.<<

Það er svo annað mál að Guðmundur Andri hefur nýgja vindmyllu í augsýn. Hann virðist vera tekinn til við að boða ágæti Icesave-samninga III. Verður það gert á sömu forsendum og trúboðið um eldri samninga ? Ætlast Guðmundur Andri til að sá minnihluti sem hafði sömu skoðun og hann, varðandi eldri Icesave-klafa, muni fylgja honum í baráttu fyrir nýrri Icesave-kúgun ?

Við fylgjumst spennt með framhaldssögunni um játningar heimasætunnar.


Loftur A. Þorsteinsson.

Fundi fjárlaganefndar frestað

Athugasemdir

[Ómar Geirsson, 14.12.2010 kl. 14:11]

Blessaður Þjóðarheiðurs Loftur.

Það er margt ákaflega óviðfelldið við þessa meintu sóknartaktík Guðmundar Andra.  Og það ógeðfelldasta er ekki að ljá stuðningi sínum við núverandi þrælakúgun breta með einhverri tilvísun i að hann hafi líklegast vanmetið stöðuna, og líklegast hafi eitthvað verið til í andstöðu andstöðunnar.

Það ógeðfelldasta er miklu siðlausara og harðneskjulegra því hann hundsar algjörlega afleiðingar þessa 507 milljarða samnings sem hann barðist svo hart fyrir með vígfimum penna sínum.

Í fjárlagafrumvarpinu í dag, eru engar ICESave greiðslur, þökk sé þjóðinni, en þær hefðu verið um 60 milljarðar í ár, ef Ólafur hefði ekki vísað þeim svikasamningi til þjóðarinnar.  

Hvernig er samt þetta fjárlagafrumvarp???  Það átti að segja upp 390 manns í heilbrigðiskerfinu, og afleggja almenna sjúkrahúsaþjónustu á landsbyggðinni, vissulega var dregið úr núna, en það kemur bara seinna, þegar búið er að þreyta andstöðuna.  Það átti að skera niður það sem nýjast kom inn, til dæmis hjúkrun langveikra barna.

Og bótaþegar, sem ekki höfðu úr drjúgum sjóðum að taka, þeir hafa mátt sætta sig við alla Hrunverðbólguna án bóta, það er bætur þeirra eru þær sömu að nafnverði.

Síðan átti ríkisvaldið ekki til þessa 6 milljarða sem hún ætlaði til að lina þjáningar skuldugs fólks, hún átti aðeins til þessa 2 milljarða sem hún fann í fyrra.

Hvernig heldur fólk að niðurskurðurinn hefði verið ef þessir 60 milljarðar hefðu komið til viðbótar????

Og hver eru rök Guðmundar Andra fyrir þeim ósköpum sem hann vildi þjóðinni??? Engin önnur en þau að hann taldi rót ICEsave vera úr ranni Sjálfstæðisflokksins.  Þess vegna mátti svíkja þjóðina, þess vegna mátti láta breska fjárkúgara tæma ríkisfjárhirslurnar, þess vegna mega bótaþegar svelta, því ICEsave var stofnsett í stjórnartíð Sjálfstæðisflokksins.  

Órökin á bak við hryllinginn er hin fullkomna siðblinda, hún er það lægsta sem mannshugurinn getur fundið upp til að réttlæta fólskuverk sín sem valda öðrum ómældum þjáningum og hörmungum.  

Og þau halda ekki einu sinni, útrásin byrjaði með Kaupþingi, og var samkvæmt EES regluverkinu, sem var notabene áhugamál andlegs leiðtoga Guðmundar, Jóns Baldvins Hannibalssonar.

Öngvu, röngu tré er veifað til að réttlæta misgjörðir sínar.  Og sú réttlæting nær aðeins til þess að blekkja fólk til að samþykkja núverandi samning, sem er í kjarna sá sami og var.

Að styðja lög og reglu er handan ímyndarafls manna sem síðan telja sig hafa þá siðferðislega yfirburði að kennt einum aðila alfarið um hörmungarnar 2008.

Þeir ættu að líta í eigin barm, og taka síðan til að stúdera forna japanska siði.

Því þetta er ærulaust lið.

Kveðja að austan.

[Gunnar Heiðarsson, 14.12.2010 kl. 14:43]

Það er spurning hvort afsökun Guðmundar Andra sé einlæg. Hann játar ekki nema helming sinna mistaka, en hugsanlega kemur seinni hlutinn síðar.

Það væri betra ef aðrir ESB fíklar játuðu heimsku sína í icesave málinu og best ef þeir gætu stigið skrefið til fulls og viðurkennt fávisku sína varðandi ESB um leið, beðið þjóðina afsökunar á bullinu í sér og að hafa stuðlað að þeirri óheillaför sem við erum komin í.

[Loftur Altice Þorsteinsson, 14.12.2010 kl. 15:41]

Af góðmennsku minni vil ég taka upp handskann fyrir Guðmund Andra. Það þarf djörfung til að játa opinberlega á sig stórfelld mistök. Einnig ber að meta þær skýringar sem hann gefur fyrir afstöðu sinni.

 

Skýringar Guðmundar koma vissulega á óvart, því að hver hefði trúað því að þjóð-þekktur maður eins og G.A. mótaði afstöðu sína í blindu hatri á þeim sem hann telur sökudólga. Ég segi fyrir mig, að um leið og Steingrímur og Jóhanna snúa af sinni heimskulegu og glæpsamlegu leið, mun ég leggja mig fram um að fyrirgefa þeim.

 

Það er auðvitað rétt sem þú bendir á Ómar, að hægt er að líta svo á, að G.A. sé að blása til sóknar fyrir sama málstað og hann hallmælir í sinni fyrstu setningu. Gunnar er ekki heldur sérlega upprifinn yfir játningu heimasætunnar.

 

Ég fullvissa ykkur, að það skref sem Guðmundur Andri hefur stigið var erfitt og hægt er að gera sér vonir um að fleirra jákvætt muni fylgja eftir, bæði frá honum og öðrum sem fram að þessu hafa hafnað að styðja hagsmuni almennings á Íslandi.

 

 

[Ómar Geirsson, 14.12.2010 kl. 17:48]

Ég fyrirgef honum þegar hann gengur í Þjóðarheiður.

Kveðja að austan.

[Loftur Altice Þorsteinsson, 14.12.2010 kl. 20:40]

Guðmundur Andri ritaði 29.11.2010:

Kannski hefur fólki snúist hugur aftur. Fulltrúalýðræðið hefur nefnilega sína kosti. Við getum sett fólk sem við treystum í að ráða fram úr málum sem eru of flókin og sérhæfð til að við getum sjálf gert það - fólki sem við teljum að starfi í anda þeirrar lífsýnar sem við aðhyllumst sjálf. Og í framhaldi af því: Við getum sett fólk sem við treystum, teljum réttsýnt og sanngjarnt, í að taka ákvarðanir um þjóðarhag sem við myndum ekki vilja taka sjálf en vitum innst inni að þarf að taka: Óvinsælu ákvarðanirnar sem við tölum hástöfum gegn en viljum samt að einhver taki, til að þjóðfélagið fari ekki á hausinn. -- Þess vegna er hugmyndin um þjóðaratkvæðagreiðslur um stór mál og smá ekki góð - og einkum mál sem varða útgjöld.

Þarna var B.A. að útskýra afstöðu sína til þjóðaratkvæðisins um Icesave. Á þessum tíma fannst honum það vera rök gegn þjóðaratkvæði, að fólk getur skip um skoðun.  Núna tveimur vikum síðar er hann hugsanlega búinn að skilja hvað honum skjátlaðist mikið.

Fyrir tveimur vikum var G.A. valdstjórnarsinni, en hvað er hann í dag ? Fróðlegt verður að fylgjast með skrifum hans framvegis. Er heimasætan á förum úr föðurhúsum ?

[Loftur Altice Þorsteinsson, 14.12.2010 kl. 20:47]

Hér er færsla sem ég var að rekast á um skrif Guðmundar Andra:

http://t24.blog.is/blog/t24/entry/1125222/?t=0

[Óskar Helgi Helgason (IP-tala skráð) 14.12.2010 kl. 21:11]

Komið þið sæl; félagar í Þjóðarheiðri, æfinlega !

Loftur !

Þakka þér fyrir; þessa ábendingu - sem, svo margar aðrar. 

Reyndar; hygg ég Guðmund Andra, talsvert betri útvarpsmann, fremur en túlkanda, á stjórnmála tíðindum samtíma okkar, verkfræðingur góður.

Með kveðjum góðum; úr Árnesþingi /

Óskar Helgi 

[Jón Valur Jensson, 15.12.2010 kl. 00:28]

Guðmundur Andri er verulega góður sem bókmenntafræingur, t.d í skrifum um Jónas Hallgrímsson, en hörmulegur er orðinn ritferill hans um pólitísk og fjárhagsmál í Fréttablaðinu. Hann má sannarlega minnkast sín fyrir þau skrif, sér í lagi í ljósi þess, að hann er þar fastur pistlahöfundur &#150; og mjög sennilega á bærilegum ritlaunum fyrir tiltækið. Hann hefur þannig verið á launum fyrir það hjá ESB-sinnuðum eigendum Fréttablaðsins að mæla gegn málstað Íslands í Icesave-málinu, að hamra á því, að við eigum að borga ólögvarðar ofurkröfur Breta og Hollendinga, sem hefðu orðið okkur að stórhættulega þungum álögum á komandi árum, jafnvel þvílíkum, að ríkið hefði komizt í þrot eins og Nýfundnaland um miðja 20. öld eða orðið e.k. 21. aldar útgáfa af því skuldafangelsi sem Bretar settu Fiji-eyjarbúa í á sinni tíð og var og er jafnvel enn hræðilegt í afleiðingum sínum.

Já, hver var að tala um "Kúbu norðursins", var það ekki efnahags- og viðskiptaráðherrann vanhæfi, Gylfi Magnússon, og skyldi Guðmundur Andri hafa apað það upp eftir honum? Hver talaði um einangrun á borð við Norður-Kóreu, í þókknun sinni við að borga Bretum og Hollendingum svínslegar kröfur þeirra?

Þessir menn og Steingrímur J. ekki sízt hafa orðið sér varanlega til skammar, og það á líka við um Guðmund Andra.

Já, hann paníkeraði, og honum skjátlaðist, og það var fengur að því að fá þá játningu hans, við skulum virða það við hann. En stærilætið, sem fylgdi í fréttinni, og ranga túlkunin á ýmsu þar, bætir ekki úr skák fyrir honum, og vitaskuld voru orð hans, að "í Icesave-deild [Lands]bankans starfaði gjörvöll ungliðadeild Sjálfstæðisflokksins" bæði ómakleg, heimskuleg og óbilgjörn. Þetta virðist mér sýna blinda fordóma hjá bókmenntafræðingnum og að hann ætti sem minnst að koma nálægt því að skrifa um þessi mál, er þetta er ein mitt verkurinn, að hann er enn að skrifa á þessa lund, grein hans birt þar daginn fyrir nýliðinn dag!

Ofuræst skrif GATh. í þessu fari, í pólitískum skotgrafarstíl eins og fleira í grein hans, benda ekki til þess, að hann sé að öðru leyti marktækur í þeim þjóðfélags- og fjárhagsmálum sem hann ræðir í greininni.

Sjálfur sé ég þar glögglega sjálfsréttlætingarviðleitni hans, villandi áherzlur og blekkingar þrátt fyrir "iðrunina".

Hann ætti það alveg skilið að vera kerfisbundið tekinn í gegn fyrir þetta; Ómar okkar Geirsson væri frábær í það.

Ég segi þetta með krufningargrein Ómars í huga, þá sem fjallaði um eftirlitsmálin í bankamálum hér á landi ...

[Theódór Norðkvist, 15.12.2010 kl. 01:26]

Finnst þetta ágætis grein hjá Guðmundi Andra og drengilegt hjá honum að viðurkenna yfirsjón sína að verja Icesave-kúgunina. Hann gerir vel grein fyrir þeim sjónarmiðum sem vöktu fyrir a.m.k. mörgum verjendum Icesave-nauðungarinnar.

Ekki er hægt að neita því að þjóðin velur sér stjórnmálamenn og ber einhverja ábyrgð á því hverjir veljast í valdastöður. Vandamálið var að ráðandi stjórnmálamenn úr öllum gömlu flokkunum, nema ákveðnum kjarna úr VG, voru meðvirkir með peningaöflunum og það er ein ástæða þess að svo fór sem fór, Icesave og allar hinar efnahagslegu hamfarirnar.

Hinsvegar er rangt og gengur gegn öllum helstu mannréttindaákvæðum, að refsa þjóð fyrir það sem fáir gera. Þess vegna var alltaf rangt að halda því fram að Íslendingum sem þjóð bæri að greiða Icesave-ránsherferð Landsbankans.

[Jón Valur Jensson, 15.12.2010 kl. 02:05]

Í innleggi mínu átti að standa: ... en þetta er einmitt verkurinn, ...

[Loftur Altice Þorsteinsson, 15.12.2010 kl. 21:30]

Færsla heimasætunnar er hér:

http://www.visir.is/okkur-skjatladist/article/2010673687857

Mér finnst grein Guðmundar Andra vera illa skrifuð og hugsanlega bera þess merki að maðurinn þjáist af samvitskubiti. Ég eins og fleirri bíða spenntir að sjá nærstu skrif leigupennans. Ætli heimasætan hafi ekki fengið rass-skellingu fyrir uppátækið ?

Stjórnmálamenn sem vanvirða Stjórnarskrána og lagabókstafinn eru ekki á ábyrgð almennings. Kosningakerfi sem valda-aðallinn hefur ákveðið, gerir ekki heldur almenning ábyrgan fyrir hverjir eru kosnir á Alþingi. Eini aðilinn í stjórnarkerfinu sem þjóðin ber ábyrgð á er forsetinn-umboðsmaður þjóðarinnar, sem kosinn er beinni lýðræðislegri kosningu.

Vinstri-Grænir eru jafn ábyrgir og aðrir fyrir torgreindu peningastefnunni, sem er megin orsök efnahags-hruns um víða veröld. Þar að auki eru VG-liðar hreinir kommúnistar sem stefna að tortímingu lýðveldisins. Menn hafa því engar forsendur til að undanskilja þá þegar rætt er um ábyrgð valda-aðalsins. Þeir eru sekari en svarti hundurinn í neðra.

[? (IP-tala skráð) 17.12.2010 kl. 03:54]

Vélmenni og strengjabrúður sem ranglega halda að þeir séu hugsandi menn eru miklu hættulegri en sauðir sem vita að þeir eru það sem þeir eru. Afþví svoleiðis maður er aðeins eftirlíking hugsandi manns, og veit það innst inni, fyllist hann öfund, frekar en sætta sig við hver hann er, sem brýst út í áróðri fyrir ófrelsi og þannig maður gerist svarinn óvinur alls frelsis, í hugsun, orði og verkum. Afþví hann veit vélmenni og strengjabrúður eins og hann sjálfur geta aldrei nýtt sér dýrðir frelsisins. Aðeins hugsandi, sjálfstæður einstaklingur sem er sinn eigin herra getur þekkt undur og víddir frelsisins. Hjá öðrum verður það bara fjarlægur möguleiki. Í öfund reyna leigupennar og aðrir gerfi-hugsuðir því að takmarka frelsi þeirra sem í raun geta hugsað sjálfstætt til að geta það, svo sem með að styðja miðstýringu, alræðiskerfi og ánauð þjóða.

[? (IP-tala skráð) 17.12.2010 kl. 03:56]

Að því töluðu óska ég Guðmundi Andra til hamingju með að hafa sýnt sig þúsund sinnum stærri en "kollega" sína og "sína líka" hér áður fyrr með að viðurkenna mistök sín. Það sýnir að hann á smá von. Hann gæti náð því að verða í raun og veru hugsandi maður en ekki bara páfagaukur. Til þess þarf að venja sig af því að vera háður lofi og áliti annarra, horfa á alla hluti frá glænýju sjónarhorni, forðast pólítíska réttsýni og annan fasisma í nýjum búningi, og eyða systematískt innrætingunni í höfðinu á manni. Hlakka til að sjá skrif Guðmundar þegar hann verður loksins orðinn alvöru skáld, afþví hann hefur brotist úr eigin hugarfangelsi og fundið frelsið. Og mun eftir það ekki óska neinum öðrum að týna því.