Einn maður bjargar með snarræði fullum málskotsrétti forseta frá árás stjórnlagaráðsmanna

Núverandi 26. gr. stjórnarskrár er haldið inni ÓSKERTRI í tillögum þessa "ráðs" vegna þess að einn maður barði í borðið gegn því að felldur yrði niður málskotsréttur forsetans gagnvart lögum um fjárlög og þjóðréttarsamninga við önnur ríki.

Já, vegna einarðrar mótstöðu EINS MANNS var árásinni á málskot til þjóðarinnar hrundið. Nefndur varnarmaður óbreyttrar 26. greinar mætti í þessu mikilli mótstöðu tveggja ESB-dindla, Eiríks Bergmanns Einarssonar og Vilhjálms Þorsteinssonar, auk t.d. Silju Báru, en Þorvaldur Gylfason tók hins vegar máli hans. Þessi maður heitir PÉTUR GUNNLAUGSSON, er lögfræðingur og starfar á Útvarpi Sögu.

Hefði þessi skerðing stjórnlaga-óráðsins verið samþykkt, hefði það með því komið í veg fyrir, að ný Icesave-lög þyrftu að koma til úrskurðar forseta og þjóðarinnar! – Kemur ekki á óvart, ýmsir í “ráðinu” voru opinberir predikarar Icesave-smánarsamninganna; það á t.d. við um Vilhjálm Þorsteinsson, Illuga Jökulsson og Guðmund Gunnarsson úr Rafiðnaðarsambandinu.

Pétur hótaði að greiða atkvæði gegn stjórnarskrárdrögum “stjórnlagaráðsins”, ef 26. greinin yrði skert. Svo fór, að niðurfellingin á heimild forsetans til málskots til þjóðarinnar um viss mál, sú niðurfelling sem fram að því hafði verið ofan á í “ráðinu”, var sjálf FELLD – Pétur hafði þar fullan sigur. Þetta gerðist þar í gærmorgun.

Jón Valur Jensson.

Stjórnlagaráð lýkur störfum í dag

Athugasemdir

[Óskar Helgi Helgason (IP-tala skráð) 27.7.2011 kl. 13:26]

Komið þið sæl; félagar í Þjóðarheiðri, jafnan !

Þakka þér fyrir; þessa gagnlegu upplýsingu, Jón Valur.

Reyndar; hefi ég lengi, talið Pétur Gunnlaugsson, einn örfárra, sem treysta mætti fyrir, að ekki færi þó verr, en orðið er, hjá þessu svokallaða Stjórnlagaráði.

Sæmdin er hans - skömmin; hinna.

Með beztu kveðjum,; sem fyrri /

Óskar Helgi Helgason 

[Helga Kristjánsdóttir, 27.7.2011 kl. 22:34]

    Takk fyrir Jón Valur! Alltaf heill, fagnar með félögum þínum,þegar þeir af kjarki og einurð verja þjóð sína.    Studdi Þorvaldur Gylfason málstað Péturs Gunnlaugssonar?  Bravo!  Trúi að menn geti sameinast úr öllum flokkum.

[Jón Valur Jensson, 27.7.2011 kl. 23:49]

Kærar þakkir fyrir innleggin, Óskar og Helga.

Helga, vertu ekki of bláeyg gagnvart Þorvaldi, hvorki varðandi Icesave né þetta mál; ég sagði ekki, að hann væri kominn á sömu línu og Pétur, hygg þetta fremur pragmatisma hjá Þorvaldi.

[Eggert Guðmundsson, 2.8.2011 kl. 23:06]

Það er ekkert sem kemur lengur á óvart hérna á íslandi.