Eva Joly snýr athygli Skandinava að Íslandi með eftirminnilegum hætti

Eva Joly segir að tilvera Íslands sé í húfi vegna Icesave o.fl. bankamála, en umheimurinn, m.a. Norðurlöndin, beri mikla ábyrgð á óförum landsins. Heil kynslóð Íslendinga verði veðsett, nái Icesave-kröfur Breta og Hollendinga fram að ganga. Þetta kemur fram í viðtali hennar við sænska blaðið Dagens Industri.

• „Hvernig gátu svona margir verið svo blindir? “ spyr Joly. Hún kallar þjóðir heims til ábyrgðar vegna þess hversu íslenska bankakerfinu var leyft að vaxa mikið. „Bresk yfirvöld bera líka ábyrgð vegna íslensku bankanna í Bretlandi. Það kemur skýrt fram í reglum Evrópusambandsins um innistæðutryggingar. ...  Þetta er spurning um áframhaldandi tilveru Íslands. Nú þegar hafa um 8000 flutt úr landi, þar eru þeir ungu og framtakssömu í meirihluta.“

Hún minnist einnig á reiði Íslendinga, fjöldamótmæli fyrir utan Alþingi og eggjakast í fyrirmenn, jafnvel forseta lýðveldisins, og verðskuldar hann það þó sízt allra ráðamanna okkar.

Það er ánægjulegt, hvernig hún segir norrænum ráðamönnum til syndanna og vekur frændþjóðir okkar af værum svefni til að beina athygli þeirra að svikum þeirra eigin ráðamanna við málstað Íslands í Icesave-málinu.

Mikið væri það yndislegt fyrir þjóðina ef við ættum þó ekki væri nema einn slíkan ráðherra í ríkisstjórn Íslands. 

Jón Valur Jensson. 

Joly: Tilvera Íslands í húfi

Athugasemdir

[Ómar Geirsson, 11.10.2010 kl. 20:11]

Guð blessi hana, og forsetinn líka.

Kveðja að austan.

[Hamarinn, 11.10.2010 kl. 22:01]

Ekki blessaði þessi guð Ísland að beiðni Geirs hins Harða. Svo mikið er víst.

[assa (IP-tala skráð) 11.10.2010 kl. 22:10]

Hún Joly fær stórt LIKE fyrir að berjast með okkur, fólkinu á Íslandi. Steingrímur og Jóhanna hefðu átt að taka hana sér til fyrirmyndar strax frá upphafi og berjast með okkur til síðasta blóðdropa eins og Joly gerir. Hún hefur aldrei kvikað frá þessari skoðun sinni, annað en Steini og Jóka sem hríslast eins og lauf í vindi þegar ESB er nefnt á nafn og hafa æ ofan í æ svikið þjóð sína og reynt að selja hana í hendur þrælahaldara.

[Helga Kristjánsdóttir, 11.10.2010 kl. 22:20]

      þau  ættu að fara fyrir Landsdóm,þetta gera þau vísvitandi,enda veit ég að þeirra eigin græðgi hangir á spítunni,græðgi í völd, kanski álíka og Möltu-búinn fékk. Við ætlum að stoppa þetta.    Lengi lifi Eva Joly.

[Jón Valur Jensson, 11.10.2010 kl. 22:28]

Hamar, þú getur ekki fullyrt svona um blessun Guðs í þessu sambandi, t.d. hve fljótt hún ætti að sýna sig, ef um er beðið (biður þjóðin nægilega um það í alvöru?), – hvort hún hafi t.d. sýnt sig einmitt í því, að hrunsstjórnin varð að fara frá og að nýverandi stjórn sé líka á útleið og endurskoðun hugmynda og grundvallar lýðveldisins kunni að vera í deiglunni og eitthvað nýtt og gott komi út úr því. En sannarlega takast nú á öfl góðs og ills ...

Þakka innleggin!

[Hamarinn, 11.10.2010 kl. 23:43]

Ég get víst fullyrt það.

[Jóna Kolbrún Garðarsdóttir, 12.10.2010 kl. 01:14]

Það er mikil eftirsjá að Evu Joly, hún er einn af fáum útlendingum sem virkilega hefur haft samúð með okkur Íslendingum eftir hrun...

[ÞJÓÐARHEIÐUR - SAMTÖK GEGN ICESAVE, 12.10.2010 kl. 02:22]

Þakka þér þau orð, Jóna Kolbrún.

Ég bætti rétt í þessu við pistilinn tengli á Eyju-grein, þar sem gagnrýni Evu Joly á Norðurlöndin í þessu sambandi kemur skýrar fram en í Mbl.is-fréttinni. ––JVJ.

[Glúmur Gylfason (IP-tala skráð) 12.10.2010 kl. 11:35]

Ætli  Þjóðverjar nytu þess álits sem þeir hafa ef 35% þeirra styddu enn nazistaflokkinn?

[Jón Valur Jensson, 12.10.2010 kl. 19:16]

Ankannalegt er að bera fram slíka spurningu hér, Glúmur, hver er meiningin eiginlega?

[Ragnhildur Kolka, 12.10.2010 kl. 20:59]

Eva Joly hefur svo sannarlega verið íslenskri þjóð haukur í horni.

[Jón Valur Jensson, 12.10.2010 kl. 23:54]

Þakka þér, Ragnhildur.

Ég verð að biðjast afsökunar á þeirri yfirsjón minni, sem ég tók fyrst nú eftir, að orða upphafssetningu pistilsins (samansetta að hluta úr fréttinni, en þetta var þó algerlega á mína ábyrgð og til komið vegna fljótfærni) með röngum hætti málfarslega séð: "Eva Joly segir tilveru Íslands sé í húfi vegna Icesave," þar segir maður vitaskuld (einsog ég ætlaði mér): "Eva Joly segir tilveru Íslands í húfi vegna Icesave" eða: "Eva Joly segir, að tilvera Íslands sé í húfi vegna Icesave."

[Vilhjálmur Örn Vilhjálmsson, 13.10.2010 kl. 20:06]

Jón, Ragnhildur et al. ekki er ég nú sammála ykkur í þessu. Joly Folie hefur aðeins verið dýr, og enginn vitnar í þetta raus hennar á Norðurlöndunum.

[Jón Valur Jensson, 13.10.2010 kl. 22:56]

Vertu ekki að uppnefna hana, dr. Vilhjámur Örn.

Fylgist þú með öllum fjölmiðlum í Noregi og Svíþjóð?

[Óskar Helgi Helgason (IP-tala skráð) 14.10.2010 kl. 01:03]

Komið þið sæl; félagar í Þjóðarheiðri - sem aðrir gestir, hér á síðu !

Jón Valur !

Um leið; og ég þakka þér, samantekt drjúga, skulum við alls ekki reikna með einhverjum stuðningi; gerfi- frænda okkar, austur í Skandinavíu, þegar á ýmsa Hólma alþjóða málanna er komið.

Danir - Finnar og Svíar; til dæmis, eru einhverjar auðsveipustu fótaþurrkur, Þýzku rummunganna, í ESB, sem kunnugt er.

Látið ekki; kaldhæðni hins ágæta fornleifa fræðings, niður í Kaupmannahöfn, á ykkur fá, gott fólk.

Með beztu kveðjum; sem jafnan /

Óskar Helgi 

[Vilhjálmur Örn Vilhjálmsson, 14.10.2010 kl. 08:34]

Ég fylgist með helstu fjölmiðlunum nema þeim finnsku. Sarkozy kallar hana Joly Folie.

[G.Helga Ingadóttir, 14.10.2010 kl. 19:05]

Já ég er eftirvæntingarfull, sveiflast í tilfinningnum hvernig þetta fari allt saman, en vona og vil trúa að Íslenska þjóðin sýni nú samtakamátt og styrk til að láta ekki kúa sig. Ég vil ekki þurfa að borga fyrir skuldir gróðrahyggjunnar, sem fékk að valsa um óáreitt.

Ég þakka fyrir Evu Joly, hún hefur haft kjark og þor til að tjá sig.