S K J A L D B O R G I N

Vissir frambjóðendur höfðu hana á vörunum fyrir kosningarnar. Að sögn ræðumanna á útifundinum á Austurvelli sl. laugardag voru efndirnar talsvert lakari en menn höfðu búizt við. Tólf skjaldberar sýna hér á MYNDBANDI verstu birtingarmyndir nýs stjórnmálaástands og gagnrýna, að þetta hafi raun orðið a.m.k. hluti af þeirri "skjaldborg" sem ríkisstjórnin stendur að eða lætur viðgangast gagnvart þjóðinni.

Þórarinn Einarsson, virkur mótmælandi á mörgum útifundum á Austurvelli og m.a. félagi í Þjóðarheiðri – samtökum gegn Icesave, er hér í viðtali, og þarna má sjá skjaldberana tólf, en meðal þeirra er stjórnarmaður í samtökum okkar, Theódór Norðkvist, sem ber einn skjaldanna þar sem stendur í röð: GJALDÞROT, ICESAVE og NAUÐUNG. – Smellið á örina á myndbandinu!

Við munum ekki láta deigan síga í mótmælunum og erum sjálf með okkar eigin mótmælaspjöld uppi við á hverjum laugardagsfundi á Austurvelli nú og framvegis, þar til fullur sigur Íslendinga í Icesave-málinu er unninn.

JVJ. 

Athugasemdir

[Guðmundur Júlíusson, 1.4.2010 kl. 00:57]

Ert þú Jón minn ekki á þessum myndum? ég sé þig aldrei á neinum þessara mótmælafundamynda? kannski þú sért eins og ég, hræddur við myndavélina ha! haha

[Jón Valur Jensson, 1.4.2010 kl. 01:51]

Jú, Gummi minn, ég er á þeim ýmsum, en ekki hér!

Þessar myndir voru reyndar teknar EFTIR síðasta fund.