Hræðileg martröð Sjálfstæðisflokks

Hver hefði trúað því að Sjálfstæðismenn ættu eftir að upplifa þá hræðilegu
martröð, að fá hrós frá Steingrími J. Sigfússyni ? Þetta er slík niðurlæging
að lúgbörðum hundi kæmi ekki til hugar að skipta á hlutskiptum við
Sjálfstæðismenn.

Steingrímur og félagar munu aldreigi skilja að aðstæður eru allt aðrar í
dag, en ríktu á dögum Icesave I og II. Ísland hefur unnið sigur í rökræðum
um ríkisábyrgð á innistæðu-tryggingum. Evrópusambandið sjálft hefur
viðurkennt að engin skylda er fyrir ríki EES, að veita ríkisábyrgð á
banka-innistæðum. Raunar hefur komið fram að ríkisábyrgð er ólögleg.

Mikilvægasta atriði sem komið hefur fram á liðnum mánuðum er þó að lögsaga
Íslands gildir um Icesave-málið allt. Icesave-stjórnin ætlar samt að semja
lögsöguna af Íslandi. Henni skal afsalað til Breta og dómstóll í Hollandi
skal dæma í málum. Þetta merkir að Neyðarlögin verða afnumin og lög um TIF
munu ekki gilda. Sama á við um greiðslur úr þrotabúi Landsbankans.

Sjálfstæði Íslands er vanvirt með gerð Icesave-samninga-III, ekki síður en
númer I og II. Niðurlægingin er alger og einungis forsmekkurinn af því sem
Icesave-stjórnin hefur í huga fyrir Íslendinga, með innlimun í Evrópuríkið.
Markmið Sossanna er ljóst.

Afsal sjálfstæðis getur hins vegar varla fallið að stefnu
Sjálfstæðisflokksins. Hvað knýr þingmenn flokksins til að svíkja þjóðina,
með stuðningi við Sossa og Komma ? Er flokkurinn haldinn sjálfseyðingahvöt ?

Ljóst má vera að Sjálfstæðisflokkurinn mun í Icesave-málinu lenda í sömu
stöðu og í Landsdóms-málinu. Heimskan virðist ráða för hjá forustu
flokksins. Hvaða undirmál eru núna í gangi ? Er ætlunin að ganga í eina sæng
með Samfylkingunni ?

Loftur Altice Þorsteinsson

Athugasemdir

[Ómar Geirsson, 2.2.2011 kl. 23:22]

Já Loftur, núna gilda orð Ólöfu ríku, það þýðir ekki að gráta Bjarmalandsför flokksforystunnar, það þarf að safna liði.

Gangi ykkur vel.

Kveðja að austan.

[Óskar Helgi Helgason (IP-tala skráð) 2.2.2011 kl. 23:38]

Komið þið sæl; félagar í Þjóðarheiðri, æfinlega !

Loftur !

Síðan hvenær; hafa Íslendingar getað treyst þessu flokks skrifli þínu - umfram hina 3, svo sem ?

Er ekki orðið tímabært; að Hvítingja dýrkun kynstofnsins, ljúki hér um slóðir - og kallað verði eftir aðstoð þrautþjálfaðra mótmælenda, úr röðum þjóðfrelsis sinna, frá Norður- Afríku, sem víðar, til þess að starta gaddfreðnum Íslend  ingum í gang, suður á Austurvelli Reykvízkra, ágæti drengur ?

Er ekki; nóg komið, af hroka og drambi Íslendinga, í garð 3. Heims þjóða - tala nú ekki um; þar sem Ísland sjálft, er 5.; ef 6. eða 7. Heims ríki, sjálft ?

Með beztu kveðjum; sem jafnan, úr Árnesþingi /

Óskar Helgi 

[Elle_, 3.2.2011 kl. 00:03]

Kom alls ekki neitt á óvart að Sjálfstæðisflokkurinn legðist flatur með ICESAVE-STJÓRNINNI gegn evrópskum veldum.  Núverandi forysta vildi alltaf semja um ríkisábyrgð á ICESAVE. 

[Jóna Kolbrún Garðarsdóttir, 3.2.2011 kl. 00:57]

Ekki varð ég hissa, þetta lá í loftinu.  Hafi SjálftökuFLokkurinn eilífa skömm fyrir. 

[Helga Kristjánsdóttir, 3.2.2011 kl. 01:40]

   Loftur e.hv. undirmál trúlega.  Tók mig til og raðaði í embætti,andspyrnu-stjórnar,getum byrjað hvert og eitt að leggja fram tillögu. Áfram Ísland,ekkert Icesave,ekkert ESB.