ER ICESAVE OKKAR VANDAMÁL?: FÉLAGI ÓMAR SVARAR.

Blessaður Lúðvík.

Hvað hefðir þú sagt að til að borga ICEsave skuldina, þá hefði hún gert eigur þínar og annarra í sjávarútveginum upptækar?

Ég vænti að þú hefði bæði tekið mark á þeirri yfirlýsingu, og þú hefðir ekki leitað til dómsstóla til ógildingar þeirrar yfirlýsingar.  Eignarréttarákvæði stjórnarskrárinnar, hvað er það????

Eða ertu ekki sjálfum þér samkvæmur??????????????

 

Lúðvík, ég skipti mér ekki almennt af skoðunum annarra, þeir færa fyrir þeim rök.  Undantekningin er Baldur Hermannsson, hann þarfnast yfirbótar.

En þar sem þú ert dæmi um mann sem færir alltaf rök, góð rök fyrir þínu máli, og þeir sem eru ósammála þér, þurfa þá að eiga rök á móti sem standast skoðun, þá gat ég ekki látið þessa færslu þína í friði.

Og góðfúslega benti ég þér á hvað hún þýddi.  

Yfirlýsingar ráðamanna eru ekki lög. 

Og þvingaðar yfirlýsingar ráðamanna eru ólög.  Það gildir um vilja ríkisstjórnar Geirs Harde að semja við breta, eftir að þeir stöðvuðu allt gjaldeyrisstreymi til landsins.

Legðu þetta saman, og reyndu að réttlæta stuðning þinn við núverandi ICEsave samning, án þess að fara með bull.  Mér þykir leitt að segja það, en tilvísun þín i yfirlýsingu ráðamanna er bull.

Sem betur fer, annars gætu þeir stjórnað öllu, framhjá lögum og stjórnarskrá.

Til dæmis, "allur kvóti innheimtur á morgun", eða "allir sem heita nöfnum sem byrja á L, þeir afhenda eigur sínar ríkinu".

Lúðvík, þú ert miklu betri en þetta, þú ert maður sem maður vitnar í, ég þarf að eiga rök á móti þeim skoðunum þínum, sem ég er ekki sammála.

Þessi rök eru ekki dæmi um það.

 

Lúðvík, þú rekur fyrirtæki, myndir þú lýsa því yfir að þú borgaðir allar skuldir allra í bænum, líka í næsta bæ, og í allri sýslunni.

Gott og vel, kannski gerir þú það, og það má vel vera að fólk tæki mark á þér, og færi að taka lán í trausti þess a þú borgaðir.  Og þegar að skuldadögum kæmi, þá myndir þú reyna að borga, myndir selja af þér hverja einustu spjör.

Og það dygði fyrir skuldum þínum, og kannski 4-5 nágrönnum þínum.  Eftir stæðu aðrir í bænum, næsta bæ, og í allri sýslunni.

Finnst þér líklegt að einhver tæki mark á þínum yfirlýsingum????

 

Nei, eins er það með þennan tryggingasjóð, hann lýtur sínum lögmálum og reglum, er fjármagnaður af fjármálafyrirtækjum sem málið varðar, ekki ríkisvaldinu sem stendur á bak við.  Ef mörg fjarmálafyrirtæki eru í honum, þá ætti hann að þola áföll, ef þau eru fá, þá stendur hann verr. 

Þess vegna er ESB að hanna reglur sem gera ráð fyrir einum tryggingasjóð á einum markaði, tryggingasjóð ESB.

Ef hann hefði verið hugsaður á þeim forsendum að þú ábyrgðist hann, þá hefði það verið tekið fram, þín yfirlýsing dygði ekki.  Og af hverju er hún einskis metin, þrátt fyrir þinn góða vilja??'

Jú, þú hefur ekki getuna til þess. 

Þess vegna var ekki hannaður sjóður sem þú ábyrgðist.

Og þess vegna var ekki hannaður sjóður sem einstök aðildarríki ábyrgðust, vegna þess að þau geta það ekki, alveg eins og þú.

Lichenstein ábyrgist ekki Austurríki, Luxemburg ábyrgist ekki Belgíu, Holland ábyrgist ekki Þýskaland.  Vegna þess að það er ekki raunhæft, allar eigur viðkomandi landa duga ekki til.

Þetta er hugsunin Lúðvík á bak við tryggingasjóði þvert yfir landamæri, að þeir væru tryggingasjóðir fjármálafyrirtækja, eins og skýrt kemur fram í regluverkinu, ekki einstakra aðildarríkja.  

Slík trygging er líka andstæð hugsun fjórfrelsisins, sem er hugsað til  að fjarlæga ríkiskrumlur af markaðinum.

Já, Lúðvík, þegar tryggingasjóðir fara yfir landamæri, þá vil ég að reglur gilda.  Og lög.  Því annað stangast á við raunveruleikann, alveg eins og ef þú værir í ábyrgð fyrir meira en þú ræður við.

En þar fyrir utan, þá var ég ekki að skipta mér af þínum skoðunum, aðeins að benda þér á að þessi framsetning hér efst, væri ekki þinn stíll.

Vinur er sá sem til vamms segir.

 

Lúðvík, haltu þessum skoðunum á lofti sem víðast.

Um mínar skoðarni má lesa í frægum ræðum Churchil í breska þinginu í kjölfar Munchensamkomulagsins.  Ég er á móti ICEsave, jafnvel þó einhver reglusmiður hefði verið það heimskur að semja slík lög.

En margt má segja um ESB, en fagmenn semja reglur, kannski eru þeir að reyna hið óframkvæmanlega vegna sundurleitni sambandsins, en þeir reyna samt, á rökréttan hátt.

Rök mann eins og til dæmis Alain Lipitz, segja allt sem segja þarf.  Ég sagði það sama, löngu áður en ég vissi að ég hefði rétt fyrir mér.  Það er enginn svo heimskur að láta smáþjóðir ábyrgjast stórþjóðir. 

Og það er þetta regluverk sem tengir okkur við Bretland og Holland, fram að því datt engu það í hug að stjórnvöld í einu ríki væru í ábyrgð fyrir stjórnvöld í öðrum löndum, jafnvel þó þegnar þess væru með rekstur.

Og það grátlegast við allar þessa ICEsave samninga, er að þeir viðhalda þessu eitri sem þú lýsir.  Annars fer hinn meinti kostnaður úr 60 milljörðum í 220 milljarða.

Og, já ég er svo heimskur að trúa á endalokin, en ég set þetta í samhengi við stóra lánið frá AGS, þegar allt er lagt saman, þá gerist það sama hér og annars staðar, að of há lán verða þjóðinni ofviða.  Slíkt vald hafa stjórnmálamenn ekki..

Ástæða þess að ég kom hingað fyrst inn Lúðvík, fyrir margt löngu síðan, er heilbrigð skoðun þín á gildi framleiðslu, sem gengi hvers tíma tjáir.  ICEsave, AGS eru dæmi um andstæður þinna skoðana, vil ég meina.

Og ég vil meina, að engin uppbygging verði fyrr en fólk átti sig á því sem þú ert að segja hér, og mjög oft áður.  Gjörsamlega óháð föðurnafni þínu, þá kann ég að tækla rök, og ég skil rök.

Og styð þau rök sem ríma við mínar lífsskoðanir.

Ef nokkur maður myndi hlusta á rök í víðari samhengi, þá væri ég líka að blogga á svipuðum nótum og þú, um gildi þess að vera sjálfbær.  En það gera það fáir, og ógnin sem ég upplifi af ICEsave og AGS, er það sterk að ég fókusa aðeins á þau skrímsli.

Ég ítreka, ég virði skoðanir, fannst aðeins framsetning þín í þessu bloggi vera villandi.

Bið að heilsa.

Kveðja að austan.

Ómar Geirsson

Er Icesave okkar vandamál?

 

Kemur Ómar nokkuð í víggallanum og heimtar að ég eyði ofanverðu?

Voru þetta ekki opinberar upplýsingar, eða hvað??

Ef EFTA dómsstóllinn dæmir ekki eftir lögum, þá töpum við málinu: Ómar Geirsson.

Getur þjóðaratkvæði löghelgað ólöglegan samning??????: Ómar Geirsson. 

 

Elle Ericsson.

 

Íslenskir dómstólar hafa síðasta orðið

Athugasemdir

[Lúðvík Júlíusson, 25.2.2011 kl. 22:06]

Takk fyrir að taka athugasemdir á blogginu mínu fyrir á síðunni ykkar.

Ég var að velta því fyrir mér hvers vegna það eigi að taka málið fyrir á Íslandi ef þetta er ekki mál Íslands.  Ég fékk engin svör við því.  Þetta voru vangaveltur, að öðru leyti þá hef ég ekki skrifað mikið um Icesave opinberlega.

Ég hef aðallega tekið hin kjánalegu gjaldeyrishöft fyrir í bloggunum mínum, höft sem eru í raun þjóðarskömm og skaða hagkerfið alveg eins og Icesave en lítið er fjallað um.

Nýlega samþykktu 56 þingmenn úr öllum flokkum áframhaldandi höft án mótatkvæða og án gagnrýnnar umræðu.  Þar hef ég greinilega verk að vinna.

[Elle_, 26.2.2011 kl. 00:16]

Getur þjóðaratkvæði löghelgað ólöglegan samning??????: Ómar Geirsson.

FRÉTTABLAÐSFALSANIR UM ICESAVE??

VÍSISBLEKKINGAR???

Já, takk Lúðvík.  Svörin hans Ómars voru bara þannig að þau verðskulduðu að mínum dómi heila opnu.  

[Jón Valur Jensson, 26.2.2011 kl. 00:56]

Kostulega góður hann Ómar, það slær honum enginn við í þessu.

Lúðvík, ertu nokkuð bróðir þeirra Stefáns og Katrínar?

[Ómar Geirsson, 26.2.2011 kl. 09:24]

Svona að gefnu tilefni, sagði það sama hjá Elle núna áðan, að þetta má birta mér að meinalausu.

En við skulum passa okkur samt að gera það ekki á þeim forsendum að blanda Lúðvík inn í málið, þó kannski annað mætti halda, þá var ég að spjalla við hann, ekki í neitt í ætt við ritdeilu.  Enda þarf 2 til og þeir sem þekkja til skrifa Lúðvíks vita að slíkt er ekki hans háttur.

Bloggið hans er fróðlegt, heldur fram sterkum sjónarmiðum fyrir íslensku krónunni og íslenskri framleiðslu.  Hann skrifar það á eigin forsendum, sem hann þreytist aldrei á að útskýra, þegar einhver biður hann um það,.

Ef íslensk stjórnmál í dag væru ekki skrípaleikur, þá væri hlustað á menn eins og Lúðvík. 

Við erum ekki samstíga í ICEsave, mest vegna þess að hann er ekki mikið að fókusa á þau mál, og örugglega nálgast hann þau líka frá öðrum sjónarhól en ég.

En við mættum eiga fleiri hans líka í Samfylkingunni.

Kveðja að austan,.

[Elle_, 26.2.2011 kl. 15:47]

Menn eru ekki ábyrgir fyrir bræðrum og systrum eða neinum ættingjum.  Og það var ekki þannig hugsun á bak við ofanverðan pistil.

[Ómar Geirsson, 27.2.2011 kl. 12:01]

Veit það Elle., ég var að taka á þeirri hugsun í innslögum mínum að örfáir gætu ekki ábyrgst marga, og það hefði aldrei verið hugsun ESB.  Þetta er eftiráskýring sem íslenskir stuðningsmenn breta bjuggu til.  Og ég reikna með að þú hafir viljað halda þessum hugleiðingum til haga hér á síðu Þjóðarheiðurs.

Skil það og samþykki, vildi bara árétta að ég stóð ekki í neinum ritdeilum við Lúðvík, tilvísun hans í ábyrgðaryfirlýsinguna margfrægu var vissulega kveikjan, og út frá því ræddi ég málin.

Það er önnur saga hvernig hægt er að fá fólk til að skilja að það fannst ekki svo vitlaus maður í reglugerðarhópi ESB að hanna slíkt ábyrgðarkerfi.  Þó einn af reglumeisturunum hafi stigið fram og útskýrt hugsunina sem lá að baki, þá er brotaviljinn svo einbeittur á Íslandi, að menn hvorki hugsa um hið augljósa, eða vilja hlusta á þá sem sömdu reglurnar.

Ofstækið slær jafnvel út öfgahópa eins og nýnasista sem nota kolruglaða kynþátta hyggju til að kveikja í heimilum fólks og brenna inni konur og börn.  Þeir þekkja ekki fólkið, en hér á Íslandi vilja menn rústa lífi þúsunda  samlanda sinna í þessari aumkunarverðu fylgispekt við ímyndaða hagsmuni ESB.  

Það er það sem slær mann, það er enginn munur að drepa fólk með íkveikju eða drepa fólk með því að eyðileggja heilbrigðiskerfi þess, nema tímafaktorinn, það seinna er aðeins hægvirkara eitur, en eitur engu að síður.

Og efnisleg rök málsins eru engin, nema lygar, blekkingar, þvæla.

Lög sem kvæðu á um þessa ábyrgð, væru vissulega ólög, en lög engu að síður.  En þeim er ekki að heilsa, lögin eru skýr um fjármögnun fjármálafyrirtækja, og skýr ef illa fer, þá er ekki almenningur í ábyrgð.  Samt taka menn afstöðu með kúgurunum, það er hið óskiljanlega í málinu.

Furður kallar Loftur þetta, það er mikil furður í gangi á Íslandi í dag, og ná inn í alla flokka.  Og fólk þekkir ekki lengur muninn á réttu og röngu.  

Og vitið yfirgaf það fyrir löngu.

Það þarf að útvega þessu liði bráðahjálp.

Kveðja að austan.